Lao Cai saong dom alamu dak apdang chi bo di puk palei bhum glaong   

          Pathau mikva saong grauk yut !

       Lào Cai lac tinh akaok mereip dalam bhum Tây Bắc hu taong abih dom puk, palei, tổ dân phố hu chi bộ độc lập. Piah ngak hu bruk ini, Đảng bộ tỉnh ngak hu siam Sarak 05 brei  jhul khang bruk cakrok urang đảng, dak padang chi bộ palei, tổ dân phố tukvak 2012-2015, ngan saong bruk praong lac tal puac thun 2015, hu taong abih puk,  palei dalam  tỉnh hu  chi bộ độc lập. Kadh vak di Thanh Thủy, urang vak di rayo sap ndom VN daok di bhum Tây Bắc.

 Lac huyen bhum glaong, hu rilo bangsa diukrai, huyện Sa Pa gaok oh takik kan kandah dalam bruk cakrok patagok đảng di dom puk, palei. Nan lac kayua trình độ dân trí biar, adat cambat tanarakun mengkan saong kurang hatai kham merat  yam tagok…ngak ka bhapbini, abih di nyu nan lac dom bangsa takik yau: Mông, Dao, Hà Nhì oh ka khang hatai kham merat tame Đảng. Cakrok patagok urang đảng kumei dak kan kandah jang, kayua tuk khin likei bloh, urang kumei dom bangsa takik bhian salih labik daok saong takik hu mbaok tame dom bruk di puk palei. Kayua yau nan ye, hu oh takik puk, palei dalam rilo thun oh kết nạp hu urang đảng,  nan ye oh padang hu chi bộ.

          Tapa maong iek bruk di cơ sở, Đảng bộ huyện Sa Pa hu ngak bruk saong dom urang lac bí thư, thường trực Đảng ủy xã, thị trấn saong Bí thư dom chi bộ sinh hoạt ghép ginum biai jalan peih ngak Sarak 05. Ông Hứa Tân Hưng, Phó bí thư Huyện ủy Sa Pa, tỉnh Lào Cai brei thau : Kol dahlak daa taong abih dom bí thư chi bộ di puk palei mai huyện piah peih bruk dak padang jeng Sarakt ngak habal piah dom puk, palei hu jalan ngak yau habar  thun halei jeng kết nạp hu 8% urang đảng sa thun. Caong hu yau nan  brei hu  nguồn quần chúng ưu tú. Ka dua lac dak padang dom urang jakar puk, palei brei mboh hu ilamu dang akaok di drei.

Thau cambaih bruk patagok labik dak apdang đảng saong urang đảng di puk, palei, tổ dân phố lac bruk praong, njauk ngak gam gam, mban chấp hành Đảng bộ tỉnh hu ba tabiak Sarak ka 05 brei jhul pakhang bruk cakrok patagok urang đảng, dak apdang chi bộ palei, tổ dân phố tukvak 2012-2015, piah tal puac thun  2015, taong abih puk, palei di tỉnh hu chi bộ độc lập. Dalam tukvak peih ngak đề án, rilo puk palei hu dom jalan ngak gheih, dalam nan njauk  ndom tal labik dang di pakat ủy cơ sở saong bí thư chi bộ dom puk, palei.  Taong abih dom  đảng bộ xã, phường, thị trấn  hu padang jalan peih ngak Sarak lagaih saong bruk ngak di yaok Đảng bộ, peih ngak catang, bruk pasang iek hu sangka.

            Jalan ngak di Đảng bộ tỉnh Lào Cai lac oh nduac tui số lượng bo klak tapa chất lượng, pambuak pagam bruk cakrok patagok urang đảng haong bruk pakhang tổ chức Đảng, abih di nyu nan lac di puk, palei oh ka hu urang đảng atau oh ka hu chi bộ đảng. Tui nan, dom puk palei patagok bruk dak padang dom kapul nyaom bhapbini, abih di nyu nan lac kapul dam dara, sangka kết nạp urang đảng dalam urang nong, pilih ruah bhapbini di dom labik praong, labik daok takik, oh ka hu đối tượng piah ba tame Đảng. Tuk hu ginup menuac tui quy định ye apdang chi bộ. Ông Đặng Phi Vân, akaok mban Tổ chức Tỉnh ủy Lào Cai brei thau : Dalam tuk peih ngak sarak hu pambuak pagam saong bruk peih ngak danakdak padang ngak palei pala barau saongbruk bac megru saong ngak tui jalan hadah krah siam mekre di Hồ Chí Minh, pakacah dak apdang chi bộ haci hacih, khang kajap ngan saong kadha “ paglaong chất lượng sinh hoạt chi bộ")

Hadei di 3 thun ngak tui Sarak 05, Đảng bộ tỉnh Lào Cai hu kết nạp labaih 3.400 urang đảng barau di puk, palei,  padang 751 chi bộ độc lập, di taong abih  1.700 puk, palei hu chi bộ. Ini jeng lac Đảng bộ tỉnh akaok mereip dalam dom tỉnh bhum ceik Tây Bắc ngak hu bruk ini, rik daong paglaong siam lagaih bruk pakhang pakajap tổ chức cơ sở Đảng di bhum glaong, bhum biak kan kandah ./.