Di Viet Nam lo vac xin hu blei tame mbang ka 4 

Page 27/5, UBTV Quoc hoi mbang XIV brei peih  mbang nyaom ka  56. Asar kadha praong abih di mbang nyaom ini, nan lac Hoi dong palih ruah negar pathau khan tapa ka bruk palih ruak urang ka QH mbang XV saong urang ka HĐ bhap bini dom pakat vaktu 2021 -2026. Labaih 66 trieu cử tri dalam negar hu nao buh phieu, meblah labaih 95%, dalam nan hu jaik 32 ribau tổ palih ruah  hu taong abih cử tri mai buh phieu. Bruk palih ruah mbang ini hu peih ngak praong parang abih meng dahlau mai ini, peih ngak hu siam mekre dalam tuk jit ruak praong yau brei mboh bruk jia tui di bhap bini ngan saong Đảng, Karja. Jeng di nyaom biai ini, dom urang QH brei panuac ka harak pathau khan pandar jien meng kadung jien karja thun 2019; Harak pathau khan jien padai karja thun 2019 saong brei panuac ka harak pathau kahn di Rajaei ka bruk peih ngak patak pataom, pacang palai pajua thun 2020. 

Thủ tướng Rajaei Phạm Minh Chính bahrau tacei pato, brei salih bahrau jalan pandar công nghệ dalam pacang caga jit Covid-19. Tui nan, dom ứng dụng hu Mintri Thông tin saong Truyền thông jao ka dom doanh nghiệp công nghệ dalam taneh ia patagok dalam vaktu tapa, hu jeng janih brei pandar angaok samartphone di urang pandar tuk nao tal dom labik hu rilo menuac, rik daong brei thau lac taom gaok jaik, takik bruk brei daok karei saong nao duah rilo F1, F2 yau urak ini, piah jhul khang bruk pacang caga jit Covid-19. Anak tal, Mintri Y tế brei tabiak harak ka bruk pacap pandar dom ứng dụng, piah pacang caga jit Covid-19. Tok hu 60% urang praong pandar ứng dụng Bluezone dalam phone tangin, ye dom pathau khan ka dom urang taom gaok jaik haong menuac njom Covid-19 hu thau cambaih. Tuk nan, dom urang F1 meda trun daok biak takik, bruk nao duah jeng oh ngak brei ka gah y tế glaih glar yau urak ini.

Lô vaccine pacang Cobid-19 AstraZeneca mbang 4 ngan saong 288.000 mbang jru hu mai tal mblang kapal haok Tân Sơn Nhất saong ba tame di page harei 26/5. Yau nan, mbiah tal ini hu 4 lo vaccine AstraZeneca mai  Việt Nam saong abih tih hu jaik  2,9 triệu mbang jru. Mbiah tal puac thun 2021, Viet Nam meda hu labaih 110 trieu mbang jru vaccine caga COVID-19. Dalam nan hu 38,9 triệu mbang vaccine di Danak dak Covax.

Pasak pasang iek ruak kik TP.HCM (HCDC) mesup ini (27/5) brei thau, pambuak tal dom urang njom Covid-19 di giáo phái truyền giáo Phục Hưng, quận Gò Vấp, tal urak ini mboh hu 13 urang yau njom ruak, jeng lac menuac di giáo phái ini. Dahlau di nan, urang camereip pambuak tal dom menuac njom Covid-19 di giáo phái truyền giáo Phục Hưng (labik 415/8/4 Nguyễn Văn Công, Phường 3, quận Gò Vấp) hu mboh di melam blaoh lac 1 urang kumei umo 38 thun daok di huyện Hóc Môn. Patui di nan, gah chức năng hu mboh diuk pasang urang daok di quận 12 jeng lac menuac di giáo phái ini jeng njom Covid-19. Gah chức năng di TPHCM samar padang angan dom urang hu mbaok di giáo phái Phục Hưng piah ba nao daok karei pataom gauk di sa labik praong pak di dalam melam.

UBND tỉnh Bắc Giang birau patabiak jalan peih ngak bruk gilac veik di 4 khu CN, nan lac: Đình Trám, Quang Châu, Song Khê - Nội Hoàng saong Vân Trung meng harei 28-5 piah peih ngak dua bruk di Rajaei, gam pacang jit gam pasiam veik, patagok bruk ngak kinh te. 4 KCN ngak bruk veik hu rik  daong patrun bruk ka dom labik pacang pa-atah dalam tỉnh Bắc Giang, piah dak harei dak tani tanat bruk ngak, jien mek tame saong raidiuk ka yaok pluh ribau urang ngak di dom KCN. Dahlau di tuk peih ngak veik, dom DN brei peih ngak dom jalan pacang caga jit, pasang iek jit ruak  yau pasang iek, taong yaom bruk hu salamat ka pacang caga jit dalam tuk ngak bruk.

Gah Y tế Dunya (WHO)  brei thau lac biến thể hu đột biến kép di virus SARS-CoV-2 hu caik angan lac B.1.617 hu mboh di 53 taneh ia saong bhum taneh angaok dunya.  Biến thể hu mboh camereip abih di Ấn Độ ini hu thau lac hu prein nyaom mbak biak glaong, saong hu panuac lac makna praong ba tal njom mbak SARS-CoV-2 mbang ka 2 di Ấn Độ.  Dalam harak Cập nhật Dịch tễ học yaok adit di WHO, jabat pasang iek y tế dunya ini jeng brei thau, tui panuac khan di rilo gah, biến thể B.1.617 daok hu mbaok di 7 bhum taneh tra, tui nan abih tih dom taneh ia saong bhum taneh hu mbaok janih biến thể metai menuac ini tagok tal 60.

Urang ngak praong  gah y te Australia daok having akaok ka bruk mbuan rah tabiak jit ruak Covid-19 mbang ka 3 di bang Vic-to-ri-a (Victoria) tuk bang ini birau hu sa urang njom Covid-19 min dahlau di nan hu mbaok tame bruk padhih the thao saong labaih 23.000 urang. Atah di ini jaik sa thun, mbang jit Covid-19  ka 2 rah tabiak di bang Victoria njom mbaik ka labaih 18.000 urang, samu 70%, dom urang njom ruak saong 90% urang metai kayua Covid-19 di Australia.

Harei kabroi, sa sruh gilai pajeng labaih 160 tuai tabaleik saong kram di kraong labik tây bắc Ni-giê-ri-a (Nigeria) ngak ka rilo menuac seik lahik. Kuhria tal tukvak urak ini, bahrau hu 22 urang patuah hu sraong tagok, labaih 100 urang mboh yau metai lahik. Gah cứu hộ jeng sraong hu 5 urang metai.Bruk duah daong urang gaok bala jeng daok hu ngak dalam samar drah. Gah cảnh sát tasik samar hu ba nao tal labik bala nan.Tui panuac khan, bruk pandik harao nan meda mai meng bruk gilai pajeng biak rilo menuac jang prein di nyu.Bruk ini rah tabiak 2 adit hadei di bruk kram kapal di bang Ni-giê harei 8/5 meng blaoh, ngak brei takik di nyu 28 urang metai./.

Urang lang: Ái Nghiêm -Mousaphuong - 27/5