Urang ngak hu rivang main di puac adit 

Atah di ni 7 thun, saai  Lê Thị Hồng Thắm, dok di palei  Tây Bắc, xã Tân Hòa, huyện Tân Thạnh, tỉnh Long An nao ngak  phụ hồ atah sang, dalam tuk sang hu  2 anek sit njauk iek glang. Tuk saai dok sahneng lac njauk nao ngak bruk halei oh ye hu UBND xã dong bac bruk jhik công nghiệp. Hadei di tuk bac bloh saai hu ba tame ngak  di Tổ hợp jhik gia công Từ Xuyên di  xã Tân Hòa ngak bruk song yaom jien bilan  labaih 4 triệu đồng/sa bilan. Yaom jien ni, yaom lac oh glong min dong ka saai duik hu tani tanat, hu iek glang sang danaok, anek bhik .  

Ong Võ Minh Dương, Bí thư Đảng ủy xã Tân Hòa brei thau: tuk vak tapa, huyện padang hu rilo kapul pambuak bruk, hợp tác xã dom bruk ngak yau ye: pak kik daok, pak yot, jhik mbang pah... dong duah bruk ngak ka yaok rituh urang ngak dalam palei. Daok kapul pambuak bruk jhik mbang pah Từ Xuyên urak ni hu jiak  100 urang ngak bruk  duah hu meng  4-6 triệu đồng/sa bilan.

        Dok di huyện Tân Trụ, thanh long lac phun pala ba mai kein laba kinh tế glong. Kayua yau nan ye, Jabat ngak nong huyện hu peih rilo tal pato ilamu pala  thanh long tui tanut chuẩn VietGAP, dong ka urang nong pabak dom ilamu  kỹ thuật pala song iek glang thanh long. Tui nan, urang nong salih meng pala tui jalan klak meng kan tapa pandar ilamu - kỹ thuật bahrau nan ye trun phun jien, tagok năng suất.

Tui yaok pataom di Sở Lao động - Thương binh song Xã hội Long An, tuk vak 2010-2019, tỉnh hu pato bruk ngak ka jiak  57 ribau urang ngak palei pala, urang kamei meblah  labaih  45%. Jiak  7.000 urang dalam boh sang kan kathaot, jiak kan kathaot  yam tagok tabiak truh kathaot hadei di tuk hu bruk ngak tani tanat. Labaih 1.450 urang hu buh pren ka cách mạng, 22 urang bangsa takik, 183 urang jaoh jo song  397 urang dalam boh njauk mek veik taneh hu dong bac bruk ngak. Rilo urang hadei di tuk bac bloh jeng hu bruk ngak tani tanat, ba ilamu hu bac bloh tame bruk ngak mek hu siam lagaih. Tui kuhria  thun  2020, tỉnh pato bruk ngak ka labaih 4.000 urang ngak palei pala, dalam nan khik hu bruk lac  80% dom urang hadei di tuk bac bloh duah hu bruk ngak. 

Taphia dom siam mekre njauk pok meyaom nan, bruk pato bruk ngak ka urang ngak palei pala  di Long An dok rilo kan kandah. Dom huyện yau Đức Huệ, Vĩnh Hưng, Tân Hưng, Thạnh Hóa, Tân Thạnh... hu takik công ty, doanh nghiệp ngak bruk  nan ye bruk pandar urang ngak dom bruk oh ngak nong oh rilo, ngak ka palei kan si peih pato bruk ngak. Bruk duah thau hatai khin bac bruk ngak, palih ruah di dom puk palei oh ka cambaih laih nan ye pato dom bruk oh ka lagaih  song bruk caong hu urang ngak.

Piah langyah kan kandah nan, Phó Giám đốc Sở Lao động - Thương binh song Xã hội - Nguyễn Đại Tánh brei thau: tuk vak tal, daok pasang iek tacei pato dom puk palei ngak catang bruk pasang iek duah thau hatai khin bac bruk ngak di bhap bini dok di pak ni piah padang jalan pato bruk ngak ka nyu lagaih, khik hu siam mekre saong kein lagaih, oh nduac tui số lượng. Kham merat tal puac thun  2020, tỉnh hu urang ngak tapa bac megru hu labaih 71%, dalam nan  tapa bac megru bruk ngak lac labaih 55%./.

Urang lang: Hanipha- 7/8