Ly Van Minh padang mbang ngui meng raong pabe

       Barau 26 thun, min urang likei bangsa Dao Ly Van Minh daok di palei Tà San, xã Lùng Vai, huyen Muong Khuong, tinh Lao Cai lac po di sa trang trai raong pabe rilo abih bhum. Bruk raong pabe hu jien mek tame yaok thun yaok ratuh trieu dong. Saai Minh lac urang doan hadah krah nao dahlau dalam bruk “dam dara ba kaok nao dahlau ngak kinh te naih joi” di Lao Cai. Kadha vak di Thanh Thuy, urang vak di rayo sap ndom VN daok di bhum Tay Bac.

        Thun 2011 hadei di tuk ngak blaoh nghĩa vụ quân sự mai veik palei, saai  Lý Văn Minh hu dalam rup hatai caong yam tagok ngak meda. Dahlau thiah, yaom lac hu tal labaih 5 héc ta taneh, min sang saai rilo meng pala phun glai, kein laba takik, tok ginup mbang. Thun 2015, tapa ayut sahabat, saai Minh hu bac alamu raong pabe. Maong mboh bhum taneh drei daok rilo lac mbon ceik, hareik tamuh eng  nan ye saai khang hatai blei jaik 40 drei pabe mai raong. Tal urak ini, tapol pabe menek siam, tagok tal 70 drei. Tui saai Minh duk saong raong kubao, limo ye raong pabe samal hu laba jang, kayua tukvak pabe anek praong saong caih menek tok meng 7 tal 12 bilan, var raong oh njauk ngak praong, pabe oh kén mbang yau nan ye oh njauk đầu tư ralo. Yaok thun sang mek jien tame labaih 200 triệu đồng meng pablei pabe rilo. Saai Lý Văn Minh khan lac : Tuk mereip pasang iek lac biak kan kandah kayua oh ka hu alamu, ky thuat, pagap ye pabe gaok aih traoh, catang tian. Hadei di nan, dahlak gaok urang jakar thú y saong dom urang nan brei jru saong tacei pato klauk caga. Urak ini tapol pabe praong siam.

         Langiu bruk ngak kinh tế joi meng raong glang pabe, urang đoàn Lý Văn Minh daok raong kubao, menuk, pabui saong pala tea saong daok kuhria caoh danao palao ikan. Saai Minh jeng bhian klah rabha alamu raong pabe saong mikva dalam bhum piah ba gauk ngak meda saong buh jien tame blei pabe pajaih ka dom sang kan kandah di palei Tà San, daong dom urang nan hu jalan yam tagok patruh kathaot. Dom pakat bộ đoàn di huyen daok pambak praong dom urang hadah trah piah daong dom urang đoàn dam dara yam tagok tabiak truh kan kandah, ngak meda yau saai Minh. Saai Lý Văn Dũng, Phó bí thư đoàn xã Lùng Vai brei thau: Ini jeng lac bruk ngak mbang piah dom urang đoàn, dam dara dalam xa mai ravang iek saong bac megru ,ngak tui. Kayua di Lùng Vai jeng lac xã ngak nong. Dahlak caong di tukvak tal hu rilo bruk ngak mbang yau nan, tapa bac megru saai Minh ye kinh te di sang urang doan meda kajap jang.

      Meng kham merat, khing sahanneg, khin ngak, saai Ly Van Minh njauk lac urang doan hadah trah, lac kreih camin piah dom urang doan, damda bac megru saong ngak tui.

Thúy Linh