Bein kruac bung di sang sa-ai Lý Phúc Hưng
Lac urang bangsa Dao diukrai lavik thun di xã Xuân Vân, sa-ai Hưng tuk halei jeng kham merat patruh kathaot, yaom tagok ngak kaya meda khang kajap ka baoh sang jeng yau nao dahlau dalam bruk patagok kinh te ngak nong di palei. Sa-ai Hưng brei thau, kayua xã Xuân Vân oh hu taneh ngak padai, meng di tuk bahrau padang bruk ngak mbang, sa-ai pala iek rilo janih phun yau vải, kruac…min kayua oh hu labik pablei tani tanat nan ye oh ngak hu yau hatai caong khin. Tuk salih tapa pala kandiuk, tuk camereip baoh sang sa-ai duah hu jien tame. Meng hatai kham merat yam tagok ngak kaya meda, sa-ai buh jien tame peih praong taneh pala kruac bung.
Meng labaih 4 hecta taneh pala drak, urak ini, langiu di labaih 1.000 phun kruac bung rilo janaih pajaih đặc sản yau kruac bung Soi Hà, kruac bhung kanduh hijao, kruac bung Diễn, kruac bung Phúc Trạch, kruac bung Cát Quế, sa-ai Hưng daok hu pala labaih 1 hecta kandiuk saong 1,5 hecta keo. Urak ini, sang sa-ai hu jien tame yaok thun labaih 500 trieu dong. Baoh sang sa-ai daok hu peih praong var ro raong labaih 10 drei pabui, labaih 100 drei manuk bilau sambo. Raidiuk di sang sa-ai dak harei dak kaya meda.
Oh njauk hatai haong dom hagait drei ngak hu, sa-ai Hưng daok caong khin ka dom urang karei dalam Dhar kapul Urang dahlau daih ngak bol lin di palei Soi Hà patruh kathaot, ngak kaya meda di bhum palei drei. Tukvak anak tal, sa-ai Hưng meda peih praong var ro raong athur, pala pabak 300 phun kruac bung, patagok phun kruac bung dalam bein labaih 1.300 phun. Sa-ai caong khin bein kruac bung hu jeng labik rivang main dulich sinh thái di xã Xuân Vân.
Bruk ngak mbang di baoh sang sa-ai Hưng lac bruk hadah mbaok meta oh lac di taeng Kapol urang dahlau diah ngak bol lin bo daok lac di menuac sia palei ini. Kapol urang dahlau daih ngak bol lin xã jeng bhian peih bruk, padang jalan ngak piah daong dom urang hoi dalm yaok dhar kapol piah hu taom gaok, bac megru ilamu ngak kaya meda meng dom bruk ngak siam dalam nan hu bruk ngak di sa-ai Hưng, paglaong bruk jum pataom, klak rabha, patagok jalan lamu siam mekre di urang “Lin Wa Ho”.
Phaok akok UB bhap bini xã Xuân Vân Nguyễn Văn Việt ndom lac, bruk daok pamaong tal di xã lac peih praong taneh pala kruac bung tui tanut VietGAP, pachreih bhap bini iek glang phun kruac bung saong dom phun pala karei tui jalan hữu cơ. Bruk pala kruac bung di sa-ai Hưng hu kein laba lac prein pachreih ba khang piah piah xã pambak praong, jhul pakhang bruk pala dalam bhum, rik daong oh lac sit dalam bruk cak patagok kinh te di palei./.
Urang lang: Aí Nghiêm - 15/6/2020
Viết bình luận