Harei dunya urang ngak, harei roya di dom urang ngak dalam dunya, hu peih ngak di harei 1/5 yaok thun. Dalam bruk đấu tranh di tư bản saong urang ngak, bruk tukvak ngak bruk hu makna biak praong. Hadei di tuk padang Quốc tế I thun 1864, Mác iek bruk dui panak tukvak ngak bruk lac bruk đấu tranh di giai cấp vô sản. Dalam nyaom roya I Quốc tế I họp di Giơ-ne-vơ bilan 9-1866, bruk đấu tranh ka harei ngak bruk 8 tuk hu iek lac bruk di anak meta. Khẩu hiệu harei ngak 8 tuk samar hu mboh dalam dom labik di taneh ia Anh – taneh ia hu nền công nghiệp patagok avar di abih. Yêu sách ini dak harei dak njom tapa dom taneh ia karei.

Bruk ndok ngak 8 tuk patagok khang di taneh ia Mỹ meng thun 1827 nao gam saong bruk patagok công đoàn. Thun 1868, karja Mỹ njauk brei tapa hukum ấn định harei ngak bruk 8 tuk dalam dom jabat, xí nghiệp di rajaei. Min xí nghiệp tư nhân jeng daok khik harei ngak bruk meng 11 tal 12 tuk.

Bilan 4 thun 1884 di ban công nghiệp praong Si-ca-gô, nyaom roya liên đoàn lao động Mỹ brei tapa Sarak tacei lac: meng harei 1-5-1886 harei ngak bruk di taong abih urang ngak nan lac 8 tuk.

Harei 1-5-1886, urang ngak dalam ban Si-ca-gô peih bruk bãi công, 40 ribau urang oh nao tal sang mac. Urang peih mittinh, trun jalan dalam ban saong biểu ngữ "meng harei ini oh hu urang jang halei ngak bruk tapa 8 tuk sa harei! Brei ngak 8 tuk, 8 tuk padeih padei, 8 tuk bac daa", bruk đấu tranh dui pachreih dak harei dak ralo urang hu mbaok tame. Jeng dalam harei nan, dom pasak ngak công di taneh ia Mỹ patuh tabiak 5.000 bruk bãi công ngan saong 340 ribau urang ngak hu mbaok tame. Di dom labik yau Niu-Oóc, Pi-Xbớc, Ban-ti-mo, Oa-sinh-tơn… hu labaih 120 ribau urang ngak mek hu quyền ngak bruk 8 tuk sa harei, khẩu hiệu "harei ngak bruk 8 tuk" jeng sap ndom di taong abih giai cấp công nhân. Di ralo labik, cảnh sát đàn áp dom bruk trun jalan, abih di nyu nan lac di ban Si-ca-gô, cảnh sát taong paoh, kateik greik khang dom bruk trun jalan, ngak ka labaih sa rituh urang metai, ralo urang dang akaok công đoàn njauk cảnh sát cap kreik saong kết án tử hình.

Yaom lac bruk bãi công di Si-ca-gô njauk trấn áp, min bruk khang hatai di urang ngak nyu ngak tatuan megei praong dalam giai cấp công nhân dunya; công nhân rilo taneh ia pachreih tui yêu sách di công nhân Si-ca-gô. Kayua yau nan ye di nyaom roya padang Quốc tế II kayua Ph.Ăng-ghen dang akaok họp harei 14-7-1889, lambaok giai cấp công nhân brei tapa Sarak mek harei 1/5 yaok thun ngak harei jum pataom đấu tranh di giai cấp vô sản dalam dunya.

Peih ngak Sarak nan, thun 1890, mbang akaok meti harei dunya urang ngak 1/5 hu peih ngak praong di dunya. Harei 1/5 di dom taneh ia XHCN, hu iek lac harei uan jayah, paglaong hatai kham merat ngak ka pahu nhiệm vụ barau saong brei mboh bruk jum pataom haong dom urang ngak di dom taneh ia karei. Dalam dom taneh ia tư bản chủ nghĩa, harei 1/5 lac harei pok meyaom ka urang ngak, đấu tranh ka sron mbon, dân chủ, tiến bộ XH.

Di taneh ia drei, meng tuk đảng cộng sản tabiak rai (thun 1930), giai cấp công nhân VN hu mek harei 1/5 yaok thun ngak harei tabung glaong di bruk đấu tranh pacang thực dân – đế quốc, meblah độc lập, tự do, dân chủ, meblah dom quyền lợi kinh tế - XH. Urak ini, harei dunya urang ngak hu jeng harei roya praong di giai cấp công nhân saong urang ngak VN. Ini jeng lac harei brei mboh bruk jum pataom haong giai cấp công nhân saong urang ngak dalam dunya, ba gauk đấu tranh ka sron mbon, tự do, dân chủ saong tiến bộ XH./.