Meyah mboh hu urang mebuk pandiak, njauk samar sơ cứu chip tuk oh ka hu urang y tế. Bruk njauk ngak nan lac:

Samar ngak brei trun pandiak di rup pabhap urang nan: samar ba urang tame labik halui, lahei, talaih cadu khan ao, brei menyum ia la-an hu lai hasit sara, uak meng siuk la-ar atau galung ia khan ia patau di labik hu rak darah  praong ndon tagok yau di pa-ak, plah pha, takoi. Bruk ngak brei patrun pandiak nan hu makna biak praong saong njauk ngak. Kayua mebuk pandiak lac kayua rup pabhap pandiak glaong saong lahik ia.

Sa bruk praong lac brei hu dom jalan caga mebuk pandiak. Nan lac oh ngak bruk lavik di langiu pandiak atau di labik pandiak, plaih ngak dom bruk biak trak tapa prein yawa.

Tuk halei jeng brei hu pandap pacang pandiak tuk ngak bruk yau ye: khan ao pacang rup pabhap, tamo, ndon, camin meta…

Ngak brei lahei labik ngak bruk, abih di nyu nan lac dom công xưởng, hầm lò piah plaih mebuk pandiak.

Bhian menyum ia yaom lac oh ka mahu. Njauk menyum rilo ia hu lai sara, siam di nyu brei menyum ia hu oresol, ia baoh kayau.

Hadei di 45 minit atau 1 tuk ngak bruk brei padeih padei di labik lahei meng 15 tal 20 minit.

Urang mebuk pandiak bhian mboh kalik pandiak saong thu, glaih, pandik akaok, kan suak yava, bhong mbaok meta, khin glaok ta-oh saong aih caraih. Dom triệu chứng karei meda rah tabiak yau ye sahneng kuhria oh daok hadah, having akaok, oh daok mboh cambaic, var drei, co giật.

Meyah urang mebuk pandiak var drei oh menyum hu ia atau glaok ta-oh gam gam, pandiak glaong, gam pandik tian, pandik ta-da, kan suak yawa ye brei samar ba urang nan tame labik iek ruak jaik di abih. Dalam tuk ba nao brei uak ngak la-ar rup urang ruak.

Di dom pasak y tế, urang ruak hu pabak ia tame rup jeng yau hu dom jalan daong karei. Meyah urang pandiak glaong brei menyum jru paracetamol piah trun pandiak. Meyah hu co giật brei menyum jru pacang ka urang ruak. Daok meyah urang var drei meda brei mac daong suak yawa./.