Meng hatai chreih chrai saong prein yava khang kadang di umo daok dam, Huỳnh Chí Trung, xã Phú Thuận B, huyen Hồng Ngự, tỉnh Đồng Tháp tame ngak bruk pahla, halan hatian daong ka raidiuk bhap bini meng dom bruk yau ye jak ba urang rik daong, pambuak dom đơn vị, dom urang ngak pahala, dom kapul sinh viên halan hatian piah padang ngak sang, alin pandap, alin jien bac, iek ruak  oh mek jien, alin brei bao hiem ka baoh snag jaik kathaot, radaih juah…Jak ba urang rik jien daong dom sang apui khuah, ruak kik, taomg ruak baoh hatai…kuhria tui yaom jien lac yaok rith trieu dong yaok thun.

Mboh rilo urang daok ranaih min dang anak thar vak kan kandah, tuk nan Huỳnh Chí Trung yau maong mboh dom kan kandah di drei tuk daok sit ngak ka sa-ai drut drui dalam hatai kan si ndem hu. Dua adei sa-ai lac anek raok angan Nhất Duy – Nhất Khôi daok di palei Phú Trung njauk ruak glo akok tam that, ruak bo bac si lac kan pasiam veik hu. Meng bruk jak ba di Trung urang jik tame hu 126 trieu dong daong ka 2 ayut nan taong ruak trak, urak ini prein yava hu khang kajap veik. Atau ayut Thái Thị Quỳnh Như, daok di palei  Phú Lợi B hu Huỳnh Chí Trung haong dom urang ngak pahala daong jien blaic raic baoh hatai oh abih jien hu dhit ruak siam mekre…Mong mboh dom ayut ranaih nan kajap karo saong hu nao bac da-a veik, Trung yau hu pabak prein piah khang hatai ngak bruk daong ka menuac sia.

Thun 2017, Huỳnh Chí Trung daok patui jalan ngak di drei meng ba tangin tame  Bruk raong urang taha daok sa drei di xã. Bruk nan tal harei ini taduan hu bruk daong raong luac rai haong dom paok pandap saong jien daong yaok bilan. Yaok thun kham merat raong bahrau meng 5 tal 10 urang taha daok sa drei. Tui nan, Huỳnh Chí Trung kham merat nao meng bruk ngak ini tal bruk ngak karei. Jak ba alin hadiah 7 baoh sang anit ranam, sang khăn quàng đỏ ka dom baong sang  kan kandah kuhria tui jien tagok tal 250 triệu đồng. Yaok thun Trung jak ba hu jaik 200 blah harak BHYT brei saoh ka dom baoh sang jiak kathaot, anek saih hu raidiuk kan kandah haong yaom jien lac labaih 15 triệu đồng.

Urak ini,  Huỳnh Chí Trung daok ngak Bí thư Đoàn saong Akok kapol Liên hiệp thanh niên di xã Phú Thuận B, huyen Hồng Ngự. Bruk ngak gam haong dom mbang nao ngak pahla hu daong ka Trung hu mata maong siam mekre ka dom urang daok ranaih. Yau Huỳnh Chí Trung khan lac: “Dam dara lac menuac harei hadei di taneh ia”. Dak harei dak hu rilo dam dara diukrai thau klak rabha saong ngak rilo bruk siam mekre nan lac sa bruk njauk bui sambai ka raidiuk, saong ka rup eng di dom urang nan.

Di xã Phú Thuận B, Huỳnh Chí Trung oh lac ngak dom bruk xa hoi daong ka rahra bo daok pambak praong bruk lac ba gauk klah rabha tal biak rilo dam dara. Meng bruk ngak nan “Harei pauac dit siam hatai” hu Trung peih ngak meng thun 2023 tal ini  hu biak rilo ayut sahabat lac urang jakar gilang pariak, kong ty  jru, sinh viên đại học, anek saih  pho thong, urang lin kong an…tame tut angan hu mbaok ngak bruk abih drei, urang hu buh prein yawa, buh jien, caik tukvak piah hu mbaok tame saong klak rabha dom kan kandah haong bhap bini.

Dalam dom harei padeih hè ini, Huỳnh Chí Trung daok kham merat ka danak dak “Tapuk klak – ilamo birau” piah jak ba urang daong tapuk klak dom pakat bac meng pakat tieu hoc tal trung học, pho thong, piah alin brei ka dom anek saih kan kathaot takre bac, dom baoh sang kan kandah. 3 thun tapa, danak dak “Tapuk klak - ilamo birau” pabak prein yawa ka dom adei anek saih kan kandah, khang takai yam angaok jalan  bac da-a.  

Meng Huỳnh Chí Trung, urak ini xã Phú Thuận B hu dom dam dara abih hatai ba tangin tame dom bruk ngak pahla, piah ngak brei bhum taneh Sen hồng tuk halei jeng bak hatai anit ranam./.