Jamriak srong hareik di urang ranaih umo angan Thái Anh 

Urang likei jru pato  ranaih umo ndih tapui thun 1991 angan Huỳnh Ngọc Thái Anh khan lac, labaih  2 thun dahlau , saai hu mbaok tame sa danak dak cộng đồng ka alam môi trường dalam angan lac menuac tư vấn. Meng labik ni, saai pambuak hu hong  nyaom Green Rivers, hu hatai caong yau gauk lac sahneng tabiak dom jalan ngak piah dong ngak brei haci hacih ia; gam song nan tỉnh Vĩnh Long dok hu Japon dong 2 jamriak sraong mek nerak angaok krong haong jalan ngak lac hu menuac peih nduac angaok krong piah sraong mek nerak. Min, 2 boh jamriak ni, oh ba mai kein laba glong kayua nyu tok pandar hu siam abih di dom labik ia kandang joa yau dom danao, bingun. Dalam tuk nan, bhum taneran krong Cửu Long hu rilo krong ribong ia nduac khang, ghe gilai rilo nan ye riyak khang.  

Tui nan, Thái Anh song dom urang ngak bruk haong gauk, khang hatai ba tangin tame roh duah, ngak tabiak sa boh jamriak sraong mek nerak, meda sraong mek hu siam angaok dom labik ia nduac khang, pataom mek dom janih nerak hanjual seik angaok mbaok ia  yau : kadung nilon, kanduh klaoh  nhựa, paaop nhựa, ba ar, nerak hữu cơ … Meng pren khang lac hu ilamu gah công nghệ thông tin, Thái Anh hu ngak tabiak boh jamriak sraong mek nerak WSCA 2.0 pasiam hu bruk oh lagaih di jamriak sraong nerak di Japon dong, nan lac nyu nduac automatic, oh cang prein menuac ngak.Jamriak sraong nerak sit hanjual, mbuan pandar saong tự động, yaom lap, mbuan ngak song trun chip yaom nerak thải nhựa pak di labik.Thái Anh daok brei thau lac, boh jamriak sraong mek nerak WSCA 2.0 dok hu pandar di labik krong Hoài (Cù Lao Chàm, tỉnh Quảng Nam) salih ka bruk pandar di bhum taneran krong  Cửu Long lac kayua panuac ieu di  UNESCO tuk peih ngak dom bruk ni di dom labik “pandiak” ka nerak tasauk alam môi trường, abih di nyu nan lac dom labik du lịch dane angan. Uak ni, nyaom dok roh duah piah ngak brei siam jang song pambak prong bruk pandar boh jamriak sraong mek nerak automatic ni,piah pandar di bhum taneran krong Cửu Long dalam tuk vak avar di abih.

Anai gru Trần Nguyễn Minh Thư, Akaok bộ môn Khoa học máy tính, Khoa Công nghệ Thông tin song Truyền thông, sang bac Đại học Cần Thơ brei thau, Sang bac song  Khoa biak hadah mbaok meta ka jak jeng song makna cộng đồng di danak dak “Jamriak sraong mek nerak WSCA 2.0” di giảng viên Huỳnh Ngọc Thái Anh song dom urang daong bruk. Ni lac, bruk ngak brei mboh jalan nao njauk haong bruk bac nao gam song ngak, bo sang bac dok khang hatai ngak tui.

Tapa bruk ngak tabiak jamriak sraong nerak WSCA 2.0, Thái Anh song nyaom roh duah cong khin rik dong hasit prein ngak brei salih hatai sahneng song bruk khik ramik labik diukrai hu hacih sa-at, patrun patakik nerak, gam song nan lac pachreih ba dom ayut ranaih umo khang hatai roh duah, peih ngak dom hatai sahneng bahrau, meng nan ngak tabiak hu rilo pandap kein lagaih “made in Vietnam”./.

Urang lang: Hanipha- 11/4