Jaik 20 thun ngak bruk kapul, sa-ai An tuk halei jeng ngak siam bruk hu jao brei, lac labik pambak tame ka rilo adei sa-ai kumei dalam kapul kham merat yam tapa kan kandah dalam raidiuk. Kadha vak: “Menuac pala haniem phul” hu ba tagok báo An Giang:

Angaok jalan nao tal tal bac, sa-ai Thanh An vaih tame tiem pablei pandap tạp hoá, tanjak tabiak halei lac  bột ngọt, halei lac ahar , kẹo. Sa-ai khan lac, ahar, kẹo brei ka uranaih, daok bột ngọt alin brei ka dom cei, dom anai di tal bac.

Tame tal bac “palahik bruk oh thau akhar haroh”, yau Yuan lac “xóa mù chữ’ di pabah tasik Sào Lưới, anai gru Thanh An kuk akaok salam dom anai, dom cei, dom adei sa-ai kumei. Tal bac biak karei ini hu jaik 80 mbang urang tui bac.  Anai Nguyễn Văn Sang, umo 62 thun, khan lac: “nao tabiak darak pasar oh thau haroh bac angan labik pablei, urang tacei angan labik pablei bo drei oh duah mboh kayua oh thau akhar haroh, pandik hatai lo, nan ye drei nao bac bei thau akhar haroh piah nao darak pasar blei pandap”.

Sa-ai Thanh An dahlau daih ngak gru pato. Min ilamu piah jak ba mikva nao bac, lac biak mbuan... Tuk peih tal bac, sa-ai Thanh An tok ndom biai lac: “Adei sa-ai kumei halei nao bac xoá mù chữ, kapul urang kumei hu bruk daong hagait ye brei daong dahlau. Urang halei oh nao bac ye daok nan cang daong hadei”.

Ngan saong sa-ai Thanh An, bruk ngak di kapul langiu di trách nhiệm, daok lac jalan, lac labik piah rik prein tame ka raidiuk ini. Dom bruk bo sa-ai Thanh An ngak hu meng tuk ngak Chủ tịch kapul urang kumei xã Nguyễn Việt Khái di thun 2010 tal urak ini, lac biak njauk caik hatai. Meng phun jien eng drei jak ba, sa-ai Thanh An hu padang ngak, ramik veik pasiam 129 baoh sang anit ranam brei ka adei sa-ai kumei kan kandah di dalam xã.

Kuhria yaom phun jien daong ka adei sa-ai kumei di xã hu mesraiy, sa-ai Thanh An brei thau lac tagok tal labaih 25 tỷ đồng tok dalam 5 thun (2016-2021), haong labaih 650 mbang urang kumei dalam kapul hu daong brei mesraiy. Jeng dalam tukvak ini, jaik 300 adei sa-ai kumei di xã hu pato bruk ngak, 2 kapul jhik mbang pah hu padang tagok.

Sa-ai Lý Thị Linh, akaok kapul jhik mbang pah Ðồng Tiến, palei Cái Ðôi Nhỏ khan lac: “Urak ini yaok bilan jien mek tame di adei sa-ai kumei dalam kapul hu tani tanat meng 3-5 triệu đồng, bruk bo dahlau daih ndih lapei jeng oh oh mboh”.

Lac bhum palei daok tapen tasik, nan ye sa-ai Thanh An dang tabiak jak ba padang rilo bruk patagok ngak mbang lagaih, yau ye ngak mesin, ngak ikan pandam, raong hadang, pala njam patam, pablei salih sit..., dui pachreih hu yaok ratuh urang dalam kapul hu mbaok tame. Langiu di bruk daong ngak brei trun kathaot ka palei, hu dom urang dalam kapul duah hu jien tame mangaok mala 10 triệu đồng sa bilan.

Anak bruk rilo bhum palei di xã Nguyễn Việt Khái kurang ia taba, raidiuk adei sa-ai kumei biak glaih glar, hu tuk nao tal 10 mbaik jalan meng hu ia pandar. Thun 2020, sa-ai hu mbaok tame Danak dak “Ngak brei katut panak veik bruk atah di gauk” piah ba ia hacih mai palei pala ka mikva bhum kan kandah di tapen tasik. Tapa nan, sa-ai mek hu giải vòng khu vực, yaom 120 triệu đồng. Danak dak hu peih tabiak ngak meng bilan 12/2020 saong urak ini jaik hu ba tame pandar.

Sa-ai Phạm Lý Ba, akaok kapul urang kumei huyện Phú Tân khan lac: “Dom urang kumei di kapul urang kumei puk palei abih drei ka bruk ngak yau sa-ai Thanh An, hu bluh tagok prein yava bahrau, ba mai siam lagaih ka dom bruk ngak di urang kumei yau urak ini. Dom salih bahrau dalam raidiuk adei sa-ai kumei bhum tapen tasik xã Nguyễn Việt Khái, hu prein yava rik daong di sa-ai Thanh An”./.