Thun 1994, sang ong Trần A klaak tỉnh Đồng Nai tame tỉnh Sông Bé (urak ini lac tỉnh Bình Phước) padang mbang ngui. Tal labik daok bahrau, tuk camriep, ong Sám pilih ruah phun cà phê. Min, cà phê laik yaom, laba takik. Thun 2000, ong Sám khang hatai salih meng phun cà phê tapa pala 500 got amriak kalu, 400 phun durian, dalam nan durian hu maong lac phun pala praong piah cak rok patagok kinh tế.

Tukvak camriep, kayua oh ka thau ilamo pala, nan ye amriak kalu saong durian hu takik baoh. Meng nan, ong kham merat hu mbaok tame Kapul urang nong piah bac megru ilamo meng dom urang dalam kapul ka jalan pala saong iek glang phun amriak kalu, durian saong pandar ilamo ky thuat piah iek glang, buh khak, pruh jru, pacang caga ruak kik halak halin. Dom thun jaik di ini, hadei di tuk kaoh abih phun jien buh tame ngak, laba tui kuhria yaok thun di sang ong hu labaih 1 ty 2 rituh trieu đồng.

Oh lac ngak mbang, pablei salih naih joi, ong saong sang ong tuk halei jeng ba akaok nao dahlau dalam dom bruk ngak kayua Kapul urang nong ba tabiak. Gam saong dom urang ngak pahla, yaok thun sang ong hu daong ka labaih 20 baoh sang kan kandah yau ye pato mikva ilamo pala, iek glang amriak kalu, durian, klah rabha ilamo kỹ thuật, ilamo pala, ngak, daong pajaih, phun jien, pandap ngak… piah yam tagok tabiak truh kan kathaot. Sang sa-ai Vòng Đậu Sáng daok di palei Đồng Tiến lac sa dalam dom baoh sang taduan hu bruk daong meng ong Trần A Sám. Tal urak ini bein durain 2 ha di sang saai tamuh praong, siam saong daok cang paik baoh.

Sang ong Sám daok hu daong brei masaiy phun jien labaih 40 trieu dong sa thun ka  sang kan kathaot, sang kan kandah oh hu jien blei pandap piah ngak nong saong daong pajaih, daong ilamu ky thuat ka 5 baoh sang  kan kandah piah cak rok patagok bruk ngak mbang, pablei salih. Langiu di bruk hu mbaok tame dom bruk ngak pahla, daong ka rahra, daong sang kan kathaot, sang sarak kanja, sang gaok kan kandah dalam palei..., sang ong Trần A Sám daok hu rik jien tame padang ngak jalan mbak, ngak jeng mbaok meta bahrau ka bhum palei pala.

Meng jak jeng dalam bruk ngak , 8 thun gam, ong Trần A Sám mek hu angan Urang nong ngak mbang, pala drak, pablei salih naih joi dom pakat, dalam nan hu 5 thun gam mek hu angan Urang nong ngak mbang, pablei salih naih joi pakat huyện tukvak 2015-2019 saong 3 thun mek hu angan urang nong ngak mbang, pablei salih naih joi pakat tỉnh. Thun ini, ong Trần A Sám hu Kapul urang nong huyện Phú Riềng ba tame angan likau pok brei Harak mayaom di Thủ tướng Rajaei kayua hu dom bruk ngak naih joi dalam ngak mbang, pala drak, pablei salih, hu rilo rik daong ka bruk ngak pahla daong ka urang kan kathaot  di dalam huyện./.

Urang lang: Thu Thảo