Urak ini xã Suối Nho daok hu 3 baoh sang ton ilamu di urang bangsa takik hu umur labaih 40 năm. Dalam nan hu sang di ong taha palei Bùi Văn Nam. Thun 984, sang ong padang sang meng kayau. Sang di ong daok di labih mboh siam makre jeng ye lagaih brei bruk ngak mbang dalam sang.

Ông Nam brei thau lac, gam hatai khin khik ramik ilamu siam makre ka anek taco urang bangsa Mường mboh di mata ilamu siam makrei, sang danaok di bangsa drei, diuk pasang ong brei padang sang di lakuk sang ton.

Kayua mai hu meng nan meng dom thun blaoh tapa, ralo tuai damui di ralo labih dalam tỉnh hu mai jirah rivang sang. Dom jabat harak, rayo papar sap papar binguk hu mai ieik brei khautin di urang bangsa Mường di Đồng Nai daok di sang ini. Blaoh dam dara dalam labik jaik taphia jeng hu jak gauk mai main mek binguk ba nao ieik piah dar.

Langiu di nan, ong taha 70 thun ini daok buh prein khik ilamu haong riak alak tape meng caik. Yaok mbang ngak caih alak diuk pasang ong brei ka anek taco mai ieik piah thau. Alak tape ngak piah dalam sang pandar di harei akaok thun, hadei brei pablai tui hatai urang krein bein. Hu yau nan alak tape di urang bangsa Mường di Suối Nho masa meng blaoh hu caga khik ramik.

Thun 2020, ông Bùi Văn Nam hu brei pagam haong damdara palei Tổ kapul khik caga bhum bangsa urang takik. Urak ini jeng hu dom dom bhap bini jammaah di urang bangsa takik daok khik ngak tui.

Tổ kapul hu 10 urang dam dom bangsa takik. Langik bruk khik caga puk palei di drei daok hu daong gom manyeik pin, khan ao, takhaok. Bhap bini daok daong paok mi mbang, baoh karaoh mbang tuk wak ngak bruk.

Yaok dit hu 2 malam, tổ kapul gam haong tổ an ninh caga palei ieik caga puk palei. Kapul khik caga puk palei buh tangih haong karja palei khik caga siam brei ka bhum bhaok labik daok di uarng bangsa takik, daong brei saron mbon sanga hatai jang dalam nan hu dom baoh sang daok di labik jua so.

Ông Nam daok daong baa nek tacao bac magru. Ông Nam khan lac “Ấp 1 hu 75 baoh sang urang bangsa takik. Masa tuk wak meng blaoh, ralo anek kamuan hu bac magru tantu tal labik, hu bruk ngak siam, raidiuk karo. Yau nan ye drei khin caong dak harei hu dak ralo anek kamuan bac magru siam”.

Kayua yau nan ye, gam haong dom anek saih dauk nao main, klak bac, ông Nam daok gam haong gru pato di nyu duah tal sang piah tahu, gam jak ba dak wah gam kham tam njauk kuria bac magru. Dom anek saih kham marat bac min tapi sang danaok kan daman, ông duah jalan daong.

Adei Đinh Đức Tiến (umur 15 thun, bangsa Mường) khan: “Sang adei hu 2 anek maik gam tamak di gauk. Hadei tamat blaoh tal 9, adei caong khin nao bac min sang kan daman yan nan ye adei padeih bac. Mahit yau nan, ong taha palei Bùi Văn Nam gam haong anek di gait daok pato di Sang bac phổ thông dân tộc nội trú tỉnh mai jak ba dakwah adei kham marat nao bac, jeng ye daong adei ngak harak gal tame Sang bac, khan brei thau sarak daong brei ka aneik saih bangsa takik. Abih thun bac 2023-2024, adei mek hu angan Aneik saih Joi.