Menyum alak tuk daok metian oh siam ka pren yava saong bruk cak rok patagok di anek kaman

Langiu di dom kanjah jhak mbuan mboh hadei di tuk menyum alak mbia yau: pandik akaok, taglaoh ta-aok, having akaok, glaih glar, alak daok pambak tal rilo labik dalam rup. Alak meda ngak brei khang jang ruak ung thư, baoh hatai saong jalan tung pruac, ruak jalan glo akaok jeng yau ngak srau dhau hatai saneng. Sa roh duah jaik di ini, hu ba tabiak angaok Tạp chí Y khoa Anh (BMJ), brei thau klau tukvak dalam rai anek manuac drei biak samar mboh alak ngak ka glo akaok oh daok hadah hadai. Tui dom urang roh duah di negar Anh saong Australia, klau tukvak ini hu pambuak pagam tal dom salih bahrau khang dalam glo akaok.

Tukvak akaok meti lac meng tuk metian tal tuk menek: Menyum alak tuk daok metian oh siam ka pren yava saong bruk cak rok patagok di anek kaman. Dom urang ilamu brei thau, bruk menyum alak gap takre dalam tuk daok metian jeng mbuan ngak patrun hatai sahneng saong bruk nao mai daok dang di uranaih.

Tukvak jeng dam: menyum alak gap takre atau menyum biak rilo, di umo meng 15 tal 19, meda ngak patrun thể tích glo akaok, takik cak rok patagok janih mbong saong patrun jalan saneng.

Urang taha umo: Tui dom urang ilamu, meyah menyum alak gap takre jeng ngak kanjah jhak tal glo akaok di dom urang umo labaih 65 thun.

Dalam thun 2018, sa roh duah hu brei thau angaok tạp chí y khoa The Lancet jeng tacei tabiak lac menyum alak oh siam tal rup babhap, oh kuhria alak drei menyum tame lac hadom. Tui dom urang roh duah, jaik 3 triệu urang metai angaok dunya lac kayua menyum alak dalam thun 2016. Dom roh duah brei mboh lac oh menyum alak lac jalan siam di abih piah pacang cakak hu dom janih ruak oh njaom mbak yau xơ gan, dom janih ruak ung thư saong ruak baoh hatai, saong dom rambuis karei kayua taong paoh saong bala angaok jalan mbak nao mai”./ .

Urang lang: Jasi – 07/01/2021