Ong Ngô Văn Lập, anek likei di ong Ngô Toại, po quan phở Bình di jaln Yên Đỗ harei ini lac jalan Lý Chính Thắng, Q3, TPHCM hadar veik dom harei bilan di thun Mau Than 1968.Tuk nan ong birau 12, 13 thun, min hu thau lac ame ngak cach mang saong ong ngak lien lac ka ame di drei. Ong Ngô Toại, langiu di bruk lac  po quan phở Bình, daok lac po rilo baoh sang di Bai Gon saong hu caik rilo jien padai piah daong ka cach mang. Dalam chien dich Mau Than 1968, quan phở Bình hu plaih ruah ngak Sở chỉ huy Tiền phương – Phân khu 6 di Đặc khu Bai Gon –Gia Định, labik pataom pasram di 100 urang jakar, chien si đặc công biệt động taong tame Bai Gon. Ini daok lac labik brei panuac tacei jalan di Mat tran peih paha saong saong brei panuac iew mesruh tame Bai Gon meng 3 tuk harei page 2 bingun Têt.

          Hadei  di bruk tổng tiến công, page 3 bingun Tet, abih urang dalam baoh sang ong Toại njauk kol khamang chap. Ong Toại saong metau likei Nguyễn Kim Bạch kol nyu taong paoh, daok guk min khik  kajap hatai ka cach mang. Urak ini, tuk  khan veik brei anek taco thau ka Mau Than 1968, ong Lap jeng mboh hadah mbaok meta ka ame lac ong Ngo Toai saong ka  jalan cach mang di baoh sang drei:

          “ Dahlak mboh hadah mbaok meta ka ame dahlak, ong hu buh rilo prein yawa, jien padai daong cach mang. Meyah eng ong tabiak nao ye eng ong var klak rup drei, min ong ba abih baoh sang gam diuk anek saong jien ndo ka cach mạng. Abih rai di ong, jien ndo ngak rambah rambeip patak pataom meng dom pluh thun ba abih daong ka cach mang.”

          Oh lac hu quan phở Bình bo biak rilo cơ sở di cach mang tuk nan pak Bai Gon oh damen prein yawa, jien padai saong halan hatian var klak rup drei tame bruk mesruh metak piah hu tame dom pasak di kol khamang. Yau ye cơ sở khik piah pahao ndao kandauk di 287/70 jalan Võ Văn Tần, Q3. Ong Phan Van Hôn, sa urang biet động hu tame mbang taong Mau Than 1968 brei mboh hatai iek praong ong Năm Lai, nan lac Trần Văn Lai ka lubang padauk phao karaong nan dalam labik kol khamang:

“ Ông Năm Lai biak njauk saong angan anh hùng. Sa baoh sang daok kreh Bai Gon, brei mboh hatung hatai, akaok sahaneng khang kajap di urang Bai Gon. Lac tok hu sa baoh lựu đạn dalam sang min, nan oh ndem tal lubang  phao karaong padauk , meyah khamang nyu mboh ye metai abih. Kayua mac caoh takoi caik jaik taphia. Ong buh rilo prein  yawa, jien padai. ngak dom bruk praong yau nan, dui atah dalam 5 thun daok kreh labik kol khamang yau nan biak anh hùng”

Hadei di mbang 1, tal mbang ka 2, lin giải phóng taong tame Bai Gon saong dom ban, dom đô thị praong di Meraong negar, meyah oh hu mikva Bai Gon saong bhap bini Meraong negar ye khol drei daok lahik rilo jang saong meda oh mek hu jayak.

Ong Nguyễn Trọng Xuất, Tổng thư ký công trình Lịch sử gah Meraong khang chien lac: Bruk mesruh metak di khol drei nan njauk yau nan ye jak ba hu bhap bini tame, hu gam mikva daok dalam pasak kol khamang. Yoak tấn phao kraong  dalam Bai Gon piah mesruh metak jeng mai meng bruk khang hatai jai di bhap bini drei meng hu. Tui taong yaom di Đại tướng Phạm Văn Trà, dahlau diah ngak akok Mentri quốc phòng, dalam mbang broh tagok mesruh metak Mau Than 1968, bol bala saong bhap bini meraong negar biak praong, biak vĩ đại. Meyah oh hu bhap bini Meraong negar ye khol drei oh jayak hu Mau Than. Bhap bini ba pandap panda daong tame, phao karaong, siuk saong ba jalan ka bo doi, pacang padauk bo doi. Biet dong Bai Gon, abih di nyu nan lac, adei sa-ai kumei lac dom urang ba kaok nao dahlau saong biak dũng cảm dalam dom mbang mesruh tame dom labik praong, yaom lac thau drei mbuan si metai lahik.

50 thun tapa bloh, hu biak rilo metai lahik, pandik harao meng manuac sia, jien padai, drap ar ka chien dich Mau Than 1968, min bruk hi sinh nan hu abih bangsa vak tame sajarah saong anek taco ribau thun hadei miat miat oh var./.