Tỉnh Bình Phước meda klauk mbang klauk 1 ka 23.000 urang hu brei klauk dahlau

UBND tỉnh Bà Rịa - Vũng Tàu tabiak sarak ka bruk paatah di gauk pak di tỉnh ni. Tui nan, meng harei ini 23-9, dalam tỉnh peih bruk paatah di gauk tui sarak 15, oh kuhria dom labik dok pacang veik . Tui nan, karja tỉnh Bà Rịa - Vũng Tàu brei adat song pacadu rilo bruk kinh tế, xã hội. Tong abih dom bruk ngak hu adat jeng hu dom tacei pato peih ngak song likau adat cambaih laih

mBan pato tacei pacang caga jit Covid-19 tỉnh Bình Phước brei thau, hu tabiak jalan ka bruk parabha saong klauk vaccine caga Covid-19 mbang klauk 1 mbang 11, janih AstraZaneca. Dalam mbang ini, tỉnh Bình Phước meda klauk mbang klauk 1 ka 23.000 urang hu brei klauk dahlau. Yau ye dom urang peih radaih, urang daong manuac peih radaih, bhap bini dalam bhum jit sarau kadhau, urang ngak dalam labik ngak kong, urang ngak dalam dom Cty ngak bruk langiu di labik ngak kong, jabat, kapul nyaom ngak bruk rahra bhian taom gaok haong rilo urang saong dom urang pabak dom pandap pandar yaok harei saong dom urang dalam sarak 21/NQ-CP saong harak 3355/QĐ-BYT.

Sở Y tế Bình Dương hu harak tacei pato bruk urang ngak hu mbaok tame ngak bruk di doanh nghiệp song rahra hu nao mai angaok jalan meng harei 22/9. Ngan song dom công ty, doanh nghiệp khin peih ngak bruk (kuhria gam labik ngak tui bruk “3 di labik”) ye taong abih urang ngak brei hu klauk vaccine pacang COVID-19 ginup 2 mbang , atau sa mbang hadei di 14 harei. Dahlau di tuk tame Cty urang ngak hu dut iek takik di abih 2 mbang meng test samar mboh âm tính dalam harei 1 song harei 4. Hadei di tuk tame cty brei dok di labik daok karei takik di abih 3 harei, dut iek test samar mboh âm tính di harei ka 3 meng hu tame ngak bruk.. Dalam tuk vak ngak bruk, doanh nghiệp brei ngak catang tui 5 paka di Mintri Y tế song yaok 7 harei test samar sa mbang ka urang ngak

Kuhria tal harei 22/9, dom urang njom COVID-19 di ban Phú Quốc (t.Kiên Giang) hu gac 40 urang. Yau nan, kuhria meng di tuk hu F0 dalam rahra di bier harei 20/9, Phú Quốc hu 57 urang njom SARS-CoV-2. Dom urang F0 bahrau jeng tamuh tabiak meng 60 urang F1 pambuak tal 17 F0 hu mboh dahlau di nan.

Tui mban tacei jalan pacang caga COVID-19 Tây Ninh, kuhria tal harei 22/9 lac harei ka 3 gam gam tỉnh ni oh hu urang metai kayua COVID-19. Hu thau, dalam harei 22/9, tỉnh Tây Ninh hu 85 urang njom COVID-19, rilo jang 17 urang dut song harei 21/9; rilo meng lac dalam labik brei dok karei … Urak ni, Tây Ninh dok pandar sarak 16 ngan song 68 bhum katam, bhum kanyik (lac bhum mbuan saong biak mbuan njom ruak), 4 bhum meriak (mbuan si njom biak glong), hu 468 bhum hajao (meblah 87%) ..

Phaok Tổng TK LHQ iek gah dom bruk ngak pahla, ong Martin Griffiths brei thau, hu kaoh tabiak 45 triệu USD meng kadung jien pacang caga samar drah di LHQ (CERF) piah daong pacang cakak bruk iek glangprein yava di Afghanistan glut jaleih. Dalam sa harak brei thau, ong Martin Griffiths khan lac jru tavao, pandap y tế di Afghanistan daok takik nao, yaom jien nan hu payua tal dom gah y tế saong iek glang uranaih di LHQ, daong dom jabat ini gam haong bruk daong di dom kapul lingiu rajaei, khik ramik bruk ngak di dom sang iek ruak, dom pasak taong ruak ka menuac njom COVID-19, jeng yau dom labik y tế karei mbiah tal puac thun 2021.

Jabat khik iek pandap mbang haong jru tavao Mỹ (FDA) brei adat klauk pabak vắc xin COVID-19 di Pfizer ka urang umo meng 65 thun tagok saong urang mbuan njom ruak. Mbang klauk pabak hu klauk hadei di mbang klauk 2 takik abih lac 6 bilan. Dom urang hu klauk lac dom menuac njauk ruak trak saong menuac ngak dom bruk mbuan njaom mbak.

Jabat Y tế liên Mỹ (PAHO) – lac Jabat y tế công cộng dunya, hu maong lac jabat lambaok ka Gah Y tế dunya (WHO) di bhum châu Mỹ bahrau ba tabiak panuac lac dom taneh ia di bhum châu Mỹ meda dang anak mbang tamuh COVID-19 dui atah tal thun 2022”. Bhum châu Mỹ njauk trak damak jang dom bhum karei angaok dunya, hu labaih 2 triệu menuac metai kayua COVID-19 mbiah tal harei ini. Mỹ haong Brazil lac 2 taneh ia hu rilo menuac metai abih di dunya ./.

Urang lang: Thu Thao – Hani Pha – 23/09 10:18:17