Di rilo labik bruk plaik phieu hu peih ngak 

Mbang ginum biai di Nyaom roya pakat negar mbang 11, Kapol Nhà báo Viet Nam vaktu 2020 -2025 peih tabiak page harei ini 31/12, di Cung Văn hóa Lao động Hữu nghị Việt – Xô, Hà Nội. Labaih 500 urang lambaok ka labaih 27 ribau urang vak mbao di 63 kapol nyaom urang vak mbao tỉnh, ban, 20 Liên chi hội saong labaih 200 Chi hội hu mbaok tame. Dalam tuk mbao chi dalam taneh ia saong dunya  hu rilo salih birau rilo gah, dom urang lambaok caong khin, dom kadha ginum biai di Nyaom roya saong dom bruk ngak, jalan langyah hu nyaom roya ba tabiak meda hu makna biak dalam rik tame dak padang Kapol Nhà báo Viet Nam dak harei dak khang kajap, jhul pakhang mbao chi CMVN patagok tui jalan salih birau, naih joi, anit ranam, khang kadang yam tame haong mbao chi khu vực  saong dunya, brei palih ruah bac megru ilamu  siam gheih di dunya lagaih saong ilamu bangsa Viet Nam. 

Melam bloh 30/12, UB bhap bini ban raya Hồ Chí Minh peih bruk jao giải thưởng Sahneng duah hadah krah mbang ka 2 thun 2021 piah pok meyaom dom kapul nyaom, menauc urang hu bruk roh duah, jalan ngak, sản phẩm, dịch vụ sahneng duah hadah krah mek hu giải, rik daong ka bruk cakrok di ban raya hCM. Dalam tuk taneh ia daok pataom tame pacang caga dịch COVID-19, hu tuk ban raya njauk daok pa-atah di gauk biak catang, mBan Peih bruk hu taduan 195 danak dak tut angan tame pakacah, rilo jang 43% duk saong mbang camereip. mBan peih bruk hu jao 58 giải di 7 gah, dalam nan, giải Nhất gah patagok kinh tế hu jao ka Cty Cổ phần Be Group haong jalan ngak “Hệ sinh thái mở, peih jalan ka patagok padang mbang ngui hadah krah 'Made in Viet Nam.”;  Giải Nhất gah truyền thông hu jao ka jalan ngak “Mạng lưới gru jru nao gam daong pasang iek, tacei jalan iek glang prein yava ka urang ruak COVID-19 di sang” di Kapul Gru jru ranaih Việt Nam. 

Cục Thống kê tỉnh Bình Thuận birau brei thau bruk yaok kuhria gah kinh te – xa hoi tỉnh Bình Thuận thun 2021. Kuhria taong abih tih GRDP thun 2021 tagok 2,77%. Kak jien tame kadung jien karja lac bruk ngak siam di tỉnh ngan haong 13.200 tỷ đồng, tapa 58% dut saong bruk ba tabiak dalam thun. Bruk buh jien tame ngak mbang hu patagok siam, dalam thun hu 27 danak dak ngak birau kuhria abih tih phun jien tut ngan buh tame  ngak labaih 14.000 tỷ đồng. Jit Covid-19 ngak khat lahik trak  tal rilo gah dalam raidiuk bhap bini dalam tỉnh. Yau nan min, bruk kham merat di gah chính trị, dom D.N saong bhap bini dalam tỉnh yau nan ye bruk kinh te - xa hoi thun 2021 khik hu tani tanat. Dom gah kinh te - xa hoi  daok yam tame tukvak siam mekre birau.

Kayua kan kandah di jit Covid-19, rilo menuac njaom ruak dalam bhap bini oh ka thau njaom meng halei mai, nan ye Karja ban Hội An saong Huế brei padeih rilo danak dak salam uan Tết Dương lịch 2022 hu caga bloh. Tui nan, TP Hội An brei padeih danak dak dạ hội Hội An – salam uan thun bahrau di melam 31/12 saong raok tuai camereip abih tame ravang ban di mesup 1/1/2022. Dreih yau nan, jalan nao takai vil val Hoàng thành Huế tui kuhria peih tabiak di melam ini 31/12 saong melam daoh take salam uan thun 2022 di canah 6 pasak ban Huế jeng brei klaak./.

Urang lang: Ái Nghiêm -Mousaphuong-31/12