Pathau mikva saong taong abih gauk! Urak ini, ung thư lac sa dalam dom ruak dang ka 2 ba tal metai menuac di Việt Nam. Tui pathau khan di Viện Roh duah ung thư dunya, urak ini Việt Nam hu labaih 130.000 urang ruak ung thư bahrau saong jaik 96.000 urang metai. Meng bruk metai rilo yau urak ini, ung thư lac makna ka 2 ba tal metai saong nyu daok tagok samar. Dalam kadha: “Urang iek ruak” harei ini, kol drei duah thau bruk mbang menyum saong diukrai yau habar piah klah njauk ruak ung thư.

          Quỹ roh duah ung thư dunya saong Viện roh duah ung thư Mỹ hu pasang iek yaok ribau roh duah ka ung thư saong mboh lac hu rilo makna ba tal ung thư, jeng hu rilo jalan daong pacang ung thư tamuh tabiak atau tamuh veik. Meng nan, dom chuyên gia pataom veik jeng jalan piah diukrai khang kadang saong njaik atah ung thư yau ini:

- Khik limek dalam rup dak takik dak siam dalam tanut teik trak bình thường.

- Khik bruk ngak di rup pabhap yau sa binah dalam raidiuk yaok harei.

- Takik mbang saradang.

- Mbang dom pandap mbang hu asal meng thực vật.

- Takik mbang ralo meriah saong ralo chế biến bloh.

- Oh pandar rilo pandap hu cồn. Urang likei jhui menyum rilo jang 2 cavan alak yaok harei saong urang kumei jhui menyum rilo jang sa cavan alak.

- Takik mbang sara. Mbang pandap nêm takik sara jang, oh mbang ralo ta-ơ sauk pui, jhui mbang dom janih ngũ cốc.

- Njauk pabak tame rup ginup pandap that jang thực phẩm chức năng.

Dom urang roh duah ndom lac oh hu sa janih pandap mbang halei meda pacang hu ruak ung thư. Salih tame nan, njauk pambuak siam dom janih pandap mbang saong khik bruk ngak di rup pabhap yaok harei lac ac jalan siam di abih piah njaik atah ruak kik. Siam di abih lac jhui mbang dom pandap chế biến yau giăm bông, ralo ta-ơ sauk, xúc xích kayua dom janih pandap mbang ini bhian hu buh sara nitrat saong nitrit, tuk ta-ơ saong bluh thu meda tamuh tabiak N-nitroso, sa janih ba tal ung thư.

Njauk pandar dom pandap that bingi saong daok tamo piah ngak pandap mbang. Pagap yau, ikan atau menuk that salih ka viên menuk atau chả ralo kayua dom janih pandap ini hu maong lac pandap chế biến bloh hu chất bảo quản atau phụ gia.

Rilo menuac takre pandap mbang chế biến bloh caik dalam tu li-an kayua nyu lagaih. Piah klak bruk bhian randap oh siam ini, drei njauk sahneng dahlau bruk ngak pandap mbang hagait dalam harei.

Roh duah mboh lac menyum pandap hu cồn mbuan njauk dom janih ruak ung thư akaok saong takuai, tarakaong, tung taha saong ung thư tasau. Janih pandap mbang ini tamuh tabiak oxy phản ứng meda ngak khut ADN, protein saong lipid atau chất béo dalam tuk oxy hóa. Pandap hu cồn jeng hu thau tal lac jalan ngak brei tagok oestrogen, sa hormone patagok ruak ung thư tasau. mBia, alak jeng meda hu chất ba tal ung thư yau nitrosamine, sợi amiang, phenol saong hydrocarbon ngak kan bruk metian anek saong ndih tapui anek./.