Drei njauk khik tanat bruk mbang menyum dalam tuk Tết

Pandap mbang tuk Tết hu biak rilo janih hu rilo đạm saong limek yau ye har bánh chưng, ralaow kho haong baoh, tung pabui, ikan kho, pandap cuh, hana,… Langiu di nan daok hu dom pandap mbang hu rilo sara yau ye dưa cà, củ kiệu, pandap ngak tathak blaoh… dom pandap mbang ni jeng mbuan ba tal bruk kan ralai, trak tain, khin taglaoh ta-ok, hu tuk nyu ngak brei aih traoh.

Tuk ngak pandap mbang, njauk patrun mateh manyek, limek, pilih ruah dom jalan ngak pandap mbang siam, lagaih yau ye kahôn (hấp), tuk. Takik ngak dom pandap cuh, hana hu calo saong manyek, limek glaong. Dom urang ilamo gah dinh dưỡng kakei lac, meyah pilih ruah dom janih pandap mbang saong ia manyum hu  calo bier, drei meda trun hu biak rilo limek saong calo pandar.

- Dalam var mbang huak njauk hu rilo baoh kayau saong njam patam: baoh kayau atau njam patam, ngũ cốc daok tamo asal jeng pabak vitamin, khoáng chất saong chất pacang ô xy hóa. Dom janih pandap mbang ni meda hu daong khik caga jalan tung pruac di drei plaih trak damak di bruk mbang huak tuk padeih tết. Pachreih tung pruac ngak bruk, patakik táo bón, trak tian, sadah ngin.

- Njauk caik hatai haong dom janih har, mứt: Takik mbang dom janih har mứt atau baoh kayau bluh thu kayua pandap ni hu rilo calo saong saradang, oh siam ka prein yava.

Bia, alak, lac pandap manyum oh kurang hu dalam tuk Tết min oh kayua yau nan bo drei manyum nyu rilo. Bruk manyum rilo dalam tuk Tết meda ngak ka bruk bui sambai jeng bruk pandik harao kayua masruh gauk, taong paok meda rahtabiak. Langiu di nan, manyum rilo alak, mbia daok ngak brei glo akaok ngak bruk suai damaui, ngak laka tung pruac, mbuan ba tal lamin talang saong njauk dom janih ruak ung thư,… Drei jhui ngak brei trun prein yava ka dom minit bui sambai. Lingiu di alak, bia, ye ia ya-men hu ga jeng njauk takik menyum. Mayah manyum biak rilo ia yamen hu ga meda ngak ka drei sadah ngin saong oh mbang huak hu. Dom saradang saong axit citric hu dalam ia yamen meda ngak ralai men takei, ngak brei limek, labaih kilo, ba tal ruak ma-ik saradang.

Medeih lavik melam, ndih tagok suai, mbang huak oh njauk var, mbang rilo atau biak takik dalam var huak dui atah, manyum rilo alak mbia, ia li-men…Meyah yau nan, meda ngak brei glaih glar, trun prein pacang caga ruak, patagok bruk mbuan njauk ruak mạn tính yau ye pandik tain, gan mật, ruak ma-ik saradang, darah tagok glaong…. Kayua yau nan ye, drei njauk khik tanat bruk mbang menyum yaok harei, abih di nyu nan lac dalam tuk Tết. Mbang njauk maong, njauk var, mbang menyum mbiah piah ka rup pabhap hu pabak ginup chất dinh dưỡng saong pabak prein ka dom bruk ngak dalam dom harei akaok thun. Bruk pahat rup jeng hu makna biak praong dalam dom harei padeih. Piah pasiam rup pabhap, langiu di bruk mbang menyum siam, njauk var, njauk tukvak, drei jeng njauk caik hatai  pahat rup yaok harei dalam tuk Tết./.

Urang lang: Thu Thảo – 04/02