Mbang saong diuk yau habal piah ung thư oh duah mai tal

Dom chuyen gia pasak ung thư Parkway Singapore brei thau, mbiah tal urak ini gah alamu oh ka duah tabiak hu jalan pacang caga ung thư thit abih, min menuac urang drei meda salih jalan diukrai saong mbang menyum piah trun takik bruk gaok ruak, abih di nyu nan lac ung thư. Piah trun takik ruak ini, kol drei njauk khik chỉ số chất limek dalam rup pabhap dak bair dak siam, khik bruk daok dang di rup pabhap yau sa binah dalam raidiuk yaok harei, mbang takik saradang..daong ka drei trun takik bruk gaok ung thư. Dalam kadha “ urang iek ruak” harei ini hu kadha vak tacei pato kol drei mbang saong diuk yau habal piah ung thư oh mai tal drei.

Quỹ roh duah ung thư dunya saong Viện roh duah ung thư Mỹ hu pasang iek yaok ribau roh duah ka ung thư saong mboh lac hu rilo makna ba tal ung thư, jeng hu rilo jalan daong pacang ung thư tamuh tabiak atau tamuh veik. Meng nan, dom chuyên gia pataom veik jeng jalan ngak piah diukrai khang kadang saong plaih atah ung thư yau ini:

- Khik limek dalam rup dak biar dak siam dalam tanut teik trak bình thường.

- Takik mbang saradang.

Mbang dom pandap mbang hu asal meng thực vật

Takik mbang ralo bhong saong ralo chế biến bloh

Oh pandar rilo pandap hu cồn. Urang likei jhui menyum rilo jang 2 cavan alak yaok harei saong urang kumei jhui menyum rilo jang sa cavan alak.

Takik mbang sara. Mbang pandap nêm takik sara jang, oh mbang ralo am thak pui, jhui mbang dom janih ngũ cốc saong ratak tamuh bimao.

Dom urang roh duah ndom lac oh hu sa janih pandap mbang halei meda pacang hu ruak ung thư. Salih tame nan, njauk pambuak siam dom janih pandap mbang saong khik bruk nao mai daok dang di rup pabhap yaok harei lac jalan siam di abih piah plaih atah ruak kik. Siam di abih lac jhui mbang dom pandap chế biến bloh yau giăm bông, ralo am thak pui, xúc xích kayua dom janih pandap mbang ini bhian hu buh sara nitrat saong nitrit, tuk am thak pui bluh thu meda tamuh tabiak N-nitroso, sa janih ba tal ung thư.

Njauk pandar dom pandap that bingi saong daok tamo piah ngak pandap mbang. Pagap yau, ikan atau menuk that salih ka viên menuk atau chả ralo kayua dom janih pandap ini hu maong lac pandap chế biến bloh hu chất bảo quản atau phụ gia.

Rilo menuac takre pandap mbang chế biến bloh caik dalam tu la-an kayua nyu lagaih. Piah klak bruk bhian randap oh siam ini, drei njauk sahneng dahlau bruk ngak pandap mbang hagait dalam harei.         

Pandap hu cồn jeng hu thau tal lac jalan ngak brei tagok oestrogen, sa hormone mbuan ba tal ruak ung thư tasau. mBia, alak jeng meda hu rilo chất ba tal ung thư yau nitrosamine, phenol saong hydrocarbon ngak kan tal bruk metian anek saong ndih tapui anek./.