Megru Wa di dom bruk ngak yaok harei

      Pathau mikva saong grauk yut ! kuhria meng tuk tabiak bruk tal urak ini, bruk jak ba bac megru saong ngak tui jalan hadah krah siam mekre di HCM hu jeng bruk pakacah di dom pakat, nganh, bhapbini. Yaok urang di sa gah karei di gauk, min jeng hu dom bruk bac megru saong ngak tui Wa siam lagaih. Dalam tuk pahadar 126 thun harei menek CT Hồ Chí Minh, urang vak  Phương Thoa- Minh Châm hu kadha vak “ bac Wa meng dom bruk ngak yaok harei”.

      Ngan saong rilo urang, abih di nyu nan lac urang ngak di dom công xưởng, sang mac, bruk bac tui  Wa hu jeng randap dalam raidiuk yaok harei. Ngan saong saai Trần Văn Quyền, urang ngak di Công ty padang hầm lò 1 di Tập đoàn Công nghiệp Than-Khoáng sản Việt Nam labaih 15 thun ngak bruk di gah dang, ngak bruk di rilo hầm lò, mbang tame caoh lubang gam saong dom kapul cứu hộ piah daong mek 12 urang ngak gar di mbang glut lubang thủy điện Đạ Dâng, Lâm Đồng puac bilan 12 thun 2014 meda lac bruk oh var hu. Tuk tame dalam lubang sit, ngột ngạt, haluk patau meda gluh trun tuk halei oh, saai Quyền gam saong dom adei saai halan hatian meng Quảng Ninh tame Lâm Đồng, oh samu sahaneng tal bruk an toàn ka rup drei di 12 urang njauk bala daong cang kapul cứu hộ. Saai Trần Văn Quyền hadar veik : Tuk nan drei tame blaoh drei mboh oh huac di hagaiyt kayua sahaneg lac daong menuac. Dom baoh patau  praong bo lò lac biak sit, tok sa drei  tame hu min, duah jalan caoh samal abih piah daong menuac. Jaik 6 tal 7 tuk pagaiy lac daong hu menuac tabiak, uan biak, dang di pabak lò saong raok yaok urang, yaok urang tabiak.

           Bruk kham merat tame daong bala di mbang jaleih hầm thủy điện Đạ Dâng, saai Quyền hu Tập đoàn Công nghiệp Than khoáng sản Việt Nam, mintri Công thương saong Trung ương Đoàn dam dara cộng sản Hồ Chí Minh alin harak meyaom. Barau blaoh saai jeng hu Đảng bộ khối doanh nghiệp Trung ương alin harak meyaom dalam bruk bac megru saong ngak tui jalan hadah krah siam mekre di Hồ Chí Minh.Ngan saong urang thợ lò hu kalik pandiak mbang saong tangin rilo rak yau ini tok lac dom bruk ngak bhian harei saong saai hu trách nhiệm njauk ngak.

        Saai Văn Công Hòa, urang ngak Công ty cổ phần Thép Nhà Bè jeng sahaneg lac, megru Wa di dom bruk ngak yaok harei. Jaik 30 thun ngak công nhân cơ khí, saai hu duah thau, roh duah saong hu rilo sáng kiến, sáng tạo ngak kein brei doanh nghiệp. Jaik di ini abih, dalam dua sáng kiến salih barau máy kẹp dây saong chế tạo thiết bị định vụ hệ thống thủy lực, saai Hòa hu daong ka công ty patak pataom jien yaok ratuh triệu đồng. Dom sáng kiến nan jeng rik daong ngak ka bruk ngak di urang thợ cơ khí takik glaih glan jang. Oh meda tari tarieng saong mebhuk bruk ngak, saai Hòa daok daong adei saai dalam tổ sản xuất. Yaok harei, saai tỉ mẩn nao dut iek yaok thiết bị saong vak tame sổ Nhật kí bruk ngak, maong thiết bị nen nduac yau habal, tayah yau halei saong xử lý yau habal. Adei saai urang ngak maong tame dalam nan piah mek pataom kinh nghiem tuk  ngak bruk. Saai Văn Công Hòa khan lac, di dom urang ngak sản xuất tapak ye saai, bac saong ngak tui Wa lac tuk halei jeng paglaong akaok sahaneng di labik ngak bruk, kỷ luật lao động saong trách nhiệm glaong di bruk ngak : Megru di wa njauk megru biak rilo, nan lac tari tarieng, drei sahaneg duah, tarieng ngak bruk yaok harei. Harei ini drei ngak oh hu lac drei kien nhan roh duah ngak veik. Drei ngak sa bruk hagait nan yaom lac sit min tuk ngak hu biak bui sambai. Dahlak jeng ye adei saai dalam công ty tuk halei jeng kham merat ngak tabiak sáng kiến jeng ye dom bruk hagait piah drei ngak saong hu lợi ka công ty ka gah sản xuất

     Dom saai Trần Văn Quyền saong Văn Công Hòa lac dua dalam rilo urang ngak hu yam tapa kan kandah, nao dahlau di bruk ngak, lac dom greih camin di bruk bac megru saong ngak tui panuac Wa. Ngak tui Chỉ thị 03 di mintri Chính trị ka jhul khang bruk bac megru saong ngak tui jalan adat siam mekre Hồ Chí Minh, 5 thun tapa, bruk bac megru, ngak tui Wa hu jeng bruk pakacah glaong di bhapbini. Ông Mai Văn Ninh, Phó Trưởng ban Tuyên giáo Trung ương, akaok  bộ phận daong bruk di Chỉ thị 03 di Trung ương brei thau, bac tui Wa oh njauk meng dom bruk hagaiyt glaong, bo njauk bac di dom bruk mbuan, bình dị abih. Tukvak tal, Ban Tuyên giáo meda pilih ruah ngak dom bruk cốt lõi ka tư tưởng, jalan adat, phong cách Hồ Chí Minh piah ngak habal mbuan si thau, mbuan si hadar, mbuan si ngak tui saong tame raidiuk, njauk saong caong khin di yaok puk palei, labik saong yaok urang.  Ông Mai Văn Ninh nói: Bruk bac megru tư tưởng di wa, rilo urang ndom lac biak praong, oh meda bac hu abih, yau nan ye di nhiệm kỳ 12 ini kham merat pilih ruah ngak dom bruk cốt lõi saong jeng njauk ba tame jeng bruk ngak gam gam di dom pakat ủy đảng, karja saong kapul nyaom dalam abih hệ thống chính trị di kol drei. Bac lac tương đối paje, mbang ini meda ngak cambaih jang, njauk ngak tapak. Mbang ini ba tame ngak  thực chất saong jeng bruk gam gam. Bruk ini meda hu tacei pato tuk hu chỉ thị, oh njauk bắt buộc bo jeng tự giác.

    Dom harei bilan 5, hadar ka Chủ tịch Hồ Chí Minh anit ranam, yaok urang kol drei oh lac hadar ka sa urang lãnh tụ vĩ đại  ba abih rai ka bruk peih paha bangsa bo jalan diukrai di Wa daok hadah meng dom bruk giản dị, biak đời thường bo thei jeng meda megru saong ngak tui piah pasiam drei, rik daong dom bruk ngak hu makna ka xã hội./.