Oh huac kanda rambah rambeip dalam bruk ngak di drei 

Yaom lac hu labaih 15 thun ngak bruk mesruh haong pui khuah min  Đại tá Huỳnh Quang Tâm jeng daok mboh duh hatai tuk taduan bruk di pasak ban raya, labik hu rilo jabat, đơn vị, doanh nghiệp praong, sang glaong rilo tal, pasak pablei salih pakat glaong, labik me-in sambai……

Bruk di Trưởng phòng, Phòng Cảnh sát pacang khuah padam khuah quận 1 caik ka sa-ai njauk salih bahrau biak rilo abih di nyu lac dalam bruk ngak, piah lagaih haong labik. Oh lac dalam bruk padam khuah bo daok sangka rilo jang tal bruk pathau khan, dak padang kapul pacang khuah padam khauh pak di labik ka nyu biak siam lagaih.

Meng bruk di mesruh metak, bruk bac megru mek rahra ngak gha saong abih di nyu lac bruk 4 di labik, lac: tacei pato, kapul nyaom, pandap panda saong vật tư hậu cần, ong hu tacei jalan ka UBND quận ka 4 bruk padam pui 4 tal saong daok pandar bruk ini di labik pasak ban raya. Peih tabiak meng bruk brei thau cambaih urang camereip tuk mboh khuah saong dom jalan ngak piah pacang pui khuah.

Piah ngak hu siam bruk 4 tal, ong haong dom urang daong bruk njauk caik rilo rilo tukvak  nao cơ sở piah yaok pataom saong pathau khan, pato pasram, pabak pandap panda, ilamu kỹ thuật. Tal camereip di abih lac baoh sang, urang mboh khuah dahlau di abih, patui di nan, lac dom menuac bhian hu mbaok dalam palei, meng sa-ai peih radaih kua tal anai pablei pandap, tal hadei di nan lac kapul dân quân, khik caga dân phố saong puac di abih lac kapul Cảnh sát Pacang khuah padam khuah, Công an quận, Quận đội, Hội Chữ thập đỏ, mban, ngành, kapul nyaom … di pak nan. Taong abih jeng hu pato pasram saong hu pambuak gauk catang tuk rah tabiak bruk.

Meng dom bruk ngak hu, ong hadah mbaok meta hu Thủ tướng Rajaei alin Harak Meyaom saong 5 mbang hu Mintri Công an pok brei Bằng khen. 5 thun tapa, ong gam gam mek hu angan “Chiến sĩ thi đua cơ sở” saong hu pok brei angan “Chiến sĩ pakacah dalam gah CA bhap bini” thun 2017./.

Urang lang: Mousaphuong