Puac thun 2014, sa-ai Huỳnh Công Chánh khang hatai ngak pasiam veik taong abih taneh njom likhun di sang drei daok pak xã Tà Đảnh, huyện Tri Tôn, tỉnh An Giang piah pala kam sành, bloh meng ini baoh sang sa-ai hu raidiuk tani tanat jang. Sa-ai Chánh khan lac:“Dahlau diah dahlak daok di Đồng Tháp, pala kam hu dom pluh thun paje, nduac tagok ini piah duah taneh praong pala, min taneh labik ini likhun ralo. Camereip pala padai blaoh salih tapa raong limo; raong limo hu labaih dua thun, oh hu laba, hadei di nan pablei limo, kubao blaoh tapa ngak bein pala kam sành. Ngak brein mboh grap tanat jang.”

 Urak ini, taneh pala kam sành di sang sa-ai lac labaih 60.000 met vuong ngan saong jaik 25.000 phun, taong abih lac daok tabiak baoh. Kuhria rah tapa anagok tanerh praong 1.000 met vuong sa thun paik hu 6 tấn bao; tui yaom pablei meng 20.000 tal 25.000 đồng sa kilo kam sành karei bilan; sa thun sa-ai Chánh laba hu labaih 30 triệu đồng dalam 1.000 met vuong. Ini lac yaom jien mek tame biak glaong ngan saong sang urang ngak bein.

Sa-ai Chánh brei thau, khin duah jien tame hu ralo ye njauk ngak ka phun kam tabiak baoh karei bilan piah plaih bruk lac baoh kam hu rilo ba tal laik yaom. Phun kam sành hu urang bhian iew lac “phun sang kaya meda”, kayua jien buh tame pala tuk camereip biak rilo, ngan saong taneh njom likhun ye njauk buh rilo phun jien jang. Piah hu bein kam sành siam hijao, siam, baoh trak dhar yua harei ini, sa-ai njauk buh jien tame labaih 40 triệu đồng ka 1.000 met vuong taneh piah tagok ro, rao likhun, ngak hacih likhun dalam taneh, pok ar, ngak hệ thống bơm pruh ia tự động, jien blei phun pajaih…

“ Kan kandah di labik ini lac ngak hacih likhun, meyah oh ngak hacih hu likhun lac pala oh hu. Camereip brei buh khak lân, broi cur piah ngak hacih likhun; ia hu likhun brei njuk thaik ia tabiak ribaong ngak brei trun likhun blaoh meng pruh ia. Sa công taneh hu jaik 6 tấn baoh. Urak ini, labik ini ngak hu 10 ye pak Đồng Tháp tok hu 7 atau 8 min dut saong labik ini, baoh khut jeng takik jang. Kuhria tabiak mboh laba hu 30 triệu đồng sa công”.

Ong Nguyễn Thành Kim, Akok Ủy ban Bhap bini xã Tà Đảnh, huyện Tri Tôn brei thau, sa-ai Huỳnh Công Chánh lac sa urang ngak nong biak taring ngak mbang, thau palih ruah phun pala lagiah saong taneh riya ba mai kein laba glaong. Bruk pala kam sành di sa-ai Chánh hu peih tabiak jalan ngak mbang birau dalam bruk salih janih phun pala di bhum palei; anak tal, njauk brei roh duah, pambak praong piah daong ka mikva dalam xã ngak mbang patagok kinh tế kein lagiah saong khang kajap, abih di nyu lac dom taneh daok di labik atah, njom likhun, ia ndik ia duak…Ong Nguyễn Thành Kim daok brei thau lac:

“Ong Chánh lac urang nao dahlau dalam bruk salih janih phun pala. Urak ini, dalam xã Tà Đảnh hu bika rilo mikva urang nong khin pala tui, min kan oh hu phun jien, jien buh tame pala 1 kong kam lac labaih 40 triệu đồng.”

Ngan saong mikva urang ngak nong daok di xã Tà Đảnh urakini, piah salih tapa pala kam yau sa-ai Chánh lac biak kan, brei hu phun jien buh tame tuk camereip biak ralo. Karja saong bhap bini xã Tà Đảnh caong khin dom pakat karja hu jalan daong, ba mbaun lagaih ka urang nong hu mesre phun jien yaom laba lap piah mikva buh tame salih janih phun pala, paglaong yaom pala drak, rik daong paglaong raidiuk bhap bini./.