Bruk pala phun membat angaok bhum taneh phèn hu rilo urang nong di bhum taneran kraong CL ngak,  min meng livik mai urang tok pagam dhar phun membat angaok gha  phun. Daok ong Võ Văn Phải, palei Mỹ Phú A, xã Hòa Mỹ, huyện Phụng Hiệp  ye pandih asar membat mbiah tal tamuh jeng phun bloh meng ba tabiak pala. Ông Phải khan lac: bhum taneh palei ongnjom phèn trak, dahlau daih tok pala hu tabau saong sa  vụ padai min hu oh hadom. Sang ong hu tal 10 công taneh pala tabau min tal tuk jaik tak ye ia sua tuh mai dauk gha ngak brei trun năng suất, chất lượng, bloh njauk urang blei kateik yaom, nan ye thun halei jeng khat. Atah di ini labaih 7 thun, ong khang hatai kaoh tabiak meneing taneh tabau, tagok ro bloh pandih asar membat pala 5 công.. Tatuak drei lac, 2 thun hadei, phun membat tabiak baoh. Tui yaom pablei meng 18 ribau tal labaih 30 ribau đồng sa kg, yaok thun ong mek tame hu meng 450 tal jaik 600 triệu đồng meng 5 công membat. Tui ong Phải, kayua ini lac bhum taneh phèn trak nan ye njauk patrun hu phèn phun membat meng tamuh siam.

“ Akaok vụ dahlak pruh cur, puac vụ drei jeng pruh cur ka nyu trun phèn, saong dom janih jru urak ini pandar ka bruk patrun phèn nan drei jeng pruh tame, abih di nyu nan lac kol dahlakpandar khak lân rilo phun meng diuk hu yau nan. Bruk ini drei pala bloh drei duah mboh. Urang jakar jeng hu kakei drei lac taneh phèn ye njauk pandar cur, taneh drei ngak drei thau nan ye drei jeng pandar cur”.

Jeng tui ong Phải: phun membat bhian tabiak baoh 2 vụ: vụ bilan pandiak saong vụ bilan hajan. Min caik ka membat thụ phấn eng ye baoh biak takik. Nan ye tapa bac megru, duah thau, ong duah hu jalan thụ phấn ka phun membat tabiak rilo baoh saong hu baoh luac thun. Meng jalan ngak ini bo bein membat di ong hu năng suất glaong. Phun membat praong 2 thun hu meng 100 tal 120kg sa phun, dom phun livik thun jang meda hu labaih 200kg sa phun sa thun.

           Ngan saong bhum taneh njom phèn livik mai urang nong jeng hu pala phun membat min bhian pagam haong gha phun bình bát piah patagok pren pacang phèn, mbak. Min pala yau nan, baoh nyu oh praong oh bingi yau pala meng asar, yaom jeng lap jang meng 2.000-3.000 đồng sa kg. Meng bruk pala membat meng asar  brei jien mek tame biak ralo di ong Võ Văn Phải, rilo urang ngak nong  pasiam bein, bac megru, ngak tui.

Urak ini dalam huyện Phụng Hiệp hu jaik 100 ha pala membat meng asar, dalam nan xã Hòa Mỹ hu tal 50 ha. Pak di jeng hu padang kapul pambuak bruk ngak bein xã Mỹ Phú A hu  48 urang pala phun membat meng asar. Lingiu bruk bac megru saong ngak tui dom ilamu kỹ thuật piah patagok năng suất, chất lượng baoh, dom urang dalam kapul pambuak bruk ngak bein daok hu roh duah, ba tabiak dom jalan ngak ka nyu lagaih haong biến đổi khí hậu, abih di nyu nan lac pasiam dom danao, ribaong dalam bein membat piah khik ia dalam bilan hajan, caga tuk pandiak, mbak ye hu ia pruh. Ong Phạm Văn Hùng- Akaok kapul urang nong xã Hòa Mỹ, huyện Phụng Hiệp brei thau:“Meda lac meng tuk padang kapul pambuak bruk ini, rilo sang hu tabiak truh kathaot. Daok kapul urang ngak nong ye anak tal meda pambuak bruk haong dom gah pachreih nong piah peih tal tacei ilamu kỹ thuật daong ka mikva thau ilamu pala phun membat”

      Jeng tui ong Phạm Văn Hùng- akaok kapul urang ngak nong xã Hòa Mỹ:  Urak ini dom urang dalam kapul pambuak bruk ngak bein  xã Mỹ Phú A daok cakak hala, pilih dhar, ngak ka phun membat tabiak bingu piah hu baoh pablei Tết Đinh Dậu 2017. Baoh membat bhian hu bhap bini caik dalam salao 5 janih baoh kayau paling muk kei tuk Tết nan ye pablei baik laik saong hu yaom./..