Dom adei bac megru naih ghieh hu gaok gaok song Ong Nguyen Phu Trong 

Melam 25/11, di Nhà Hát lớn Hà Nội hu peih bruk brei thau pandap panda Angan je pakat negar Việt Nam thun 2020. Hu 124 doanh nghiệp saong abih tih  283 pandap panda hu brei Angan je negar Việt Nam thun 2020. Kadha biak bui sambai nan lac, dom doanh nghiệp hu Angan je negar dak harei dak rilo tapa dom vaktu saong bruk cak rok patagok di dom doanh nghiep brei mboh dom bruk praong hu khang kajap. Tapa labaih 17 thun dak padang saong patagok, Danak dak Angan je negar Viet Nam mek hu rilo jak jeng, pachreih hu bruk biak sangka  saong padang hu angan je di dom doanh nghiep, jabat khik iek jeng yau urang blei pandar dalam saong langiu negar; pok meyaom dom pandap hu angan je, doanh nghiep naih gheih lambaok ka Angan je pakat negar Việt Nam, rik daong brei mboh Việt Nam nan lac taneh ia hu pandap panda saong dich vụ siam saong hu prein meriak khang di darak pasar dunya.

Di Việt Nam dok rah tabiak dom bruk bahrau, pagap yau bruk blei pandap liar meng bhum hu jit ruak di negar lingiu meda hu anek ruak  mbuan hu jit Covid-19 njom tame, tamuh gilac veik- Nan lac panuac khan hu mintri  Y tế ba tabiak di nyaom biai tapak patagok bruk pacang caga jit  dalam tukvak bahrau, bahrau hu  peih tabiak di  Hà Nội. Jeng di nyaom biai ni , Akaok mintri  Nguyễn Thanh Long hu panuac lac tong abih dom pandap liar di labik pabah mbang negar, abih di nyu nan lac meng dom negar hu jit mai brei hu dut iek  Covid-19, kayua bruk diuk hu di  virus dalam labik pandap liar biak suai lavik  .

Hadei di labaih 1adit peih bruk beik ar, mbeik jalan ia nduac di kraong Rào Trăng,peih bruk duah dom urang daok lahik di thủy điện Rào Trăng 3,xã Phong Xuân,huyện Phong Điền, bruk duah urang gaok bala tukvak ka 3 di kraong Rào Trăng brei padeih.Dom urang ngak bruk duah daong hu duah mboh 1 atau urang, tui nan abih tih duah hu 6 urang, daok 11 urang daok lahik.Urak ini, di labik rah tabiak bala, ia di kraong Rào Trăng daok tagok glaong, dalam trun  meng1,5 tal 2m.Kayua yau nan ye, tukvak ka 4, brei thau jalan duah meng labik rah tabiak bala trun tui ia gah ala atah labiah 2,5km.

Tuk vak tapa, dom gilang pariak gam gam khan ka tuai thau bruk bleik saleik bahrau pagam tal peih thẻ tín dụng piah blah mek jien.Dom gilang pariak khan lac oh tuk halei ieu tuai taduan thẻ di dom bưu điện gam tui bruk  buh phí peih thẻ tapa urang ngak bưu điện. Kayua yau nan ye,dom menuac urang, kapul nyaom njauk caik hatai tal điện thoại, tin nhắn, email ndom lac urang ngak di gilang pariak  tiếp thị song tacei pato mesraiy jien oh cambaih laih, ieu chuyển khoản, mek jien phí peih ngak thẻ, mesraiy jien…Abih di nyu nan lac, tuai jhui buh jien tame, chuyển khoản ka urang halei atau urang halei mboh yau bleik saleik piah klah lah pachot. 

Harei 25/11, Tòa án Bhap bini tỉnh Đăk Nông peih bruk langyah sơ thẩm ngan saong bị cáo Nguyễn văn Phúc,urang blak mek 100 triệu đồng di diuk urang metai kayua bala glut jaleih taneh di Thủy điện Rào Trăng 3 (tỉnh Thừa Thiên- Huế).Tui panuac khan, Nguyễn Văn phúc ndih tapui thun 1997, daok di huyện Duy Xuyên, tỉnh Quảng Nam blah mek drap ar di 23 urang. Dalam nan, sa-ai Lê Thị Thu Thảo, diuk di sa-ai Trần Văn Lộc, urang metai kayua bala glut jaleih taneh di Thủy điện Rào Trăng 3 (tỉnh Thừa Thiên- Huế) njauk Nguyễn Văn Phúc blah mek 100 triệu đồng. Duis nan trak jang kayua ngak meng dua mbang tagok saong pambak tame bala meng langik tasik, rilo kan kandah karei piah ngak duis,  Hội đồng taong phạt 15 thun guk ngan saong Nguyễn Văn Phúc.

Harei 25/11 (tui mon pak nan), ong Joe Biden, hu gah truyền thông Mỹ song dunya brei thau lac urang mek hu jayah dalam mbang palih ruah tổng thống Mỹ 2020, song hu kadha ndom puac payua tal  bhap bini MỸ di tuk Lễ Tạ ơn. Dalam kadha ndom puac katut panah nan, ong Giâu Bai-đần hu panuac ieu negar Mỹ jum pataom gauk dalam bruk pacang jit prong COVID-19.Puac ieu ni hu ong  Giâu Bai-đần ba tabiak hadei di tuk negar Mỹ hu jiak 2.100 urang metai kayua jit Covid-19 dalam harei  24 bilan 11,lac harei metai lahik rilo di abih dalam jit ruak prong di  Mỹ kuhria meng bilan 5 thun ni.

Harei 25/11, Thủ tướng Đức Angela Merkel saong thủ hiến dom mbang hu njauk gauk di var ginum biai online ka bruk dui atah adat pacang cakak hu labik piah pacang caga jit ruak Covid-19 njom mbak, ngan saong dom jalan pacang cakak, brei khik iek catang jang yau dom bruk taom gaok ayut, gauk agar saong urang krein brei takik jang. Rajaei iew brei khik catang jang ngan saong dom doanh nghiệp praong saong kakei oh brei cuh phao di melam palao thun klak, raok thun bahrau.

Truyền thông Argentina brei thau rilo khau tin ka bruk Diego Maradona metai di melam 25/11 (tui mon Việt Nam).Urak ni oh ka hu panuac khan meng sang di Diego Maradona.Ong dane angan di labik “tiền đạo tự do”dalam sambo aow di kalup kapul Boca Junior song kapul dat blong negar Argentina.Hu angan "Uranaih likei ameh", ong hu mong lac sa dalam dom urang dat blong  naih gheih di abih di yaok saman ./.

Urang lang: Hanipha- Ái Nghiêm -26/11