Tỉnh Quảng Nam brei padeih pa-atah di gauk tui Sarak 16 di Thủ tướng Rajaei

Page ini 28/8, Mentri Y tế brei thau oh mboh thei ruak veik Covid-19, dalam tuk nan rilo sang iek ruak birau hu pasang iek mboh lac oh khik hu salamat dalam jit Covid-19. Akok Cục Quản lý iek ruak di Mentri Y tế Lương Ngọc Khuê brei thau tapa duah thau mboh rilo sang iek ruak daok iek lap, ngak oh ka siam bruk parabha urang ruak, mbuan njom mbak , ba tal pacang cakak  sang iek ruak, mbuan ba tal kurang labik iek ruak meyah jit pambak praong. Urak ini, labik iek ruak, abih di nyu lac dom khoa thận nhân tạo, hồi sức tích cực nan lac labik njauk khik caga catang kayua kan thau dahlau meyah ruak Cobid-19 pambak tabiak.

Melam kabroi  (27/8), Mintri pato megru  brei thau bruk duk iek điểm học bạ song điểm pakacah tamat  THPT thun 2020 (mbang 1). Mintri pato megru tong yaom, tapa duk iek mboh điểm học bạ song  điểm thi lac biak siam. 2 gah điểm ni biar glaong jang gauk meng  0,32 tal 1,70 tui yaok tỉnh ban, min nyu lagaih haong gauk. Tapa duk iek nan, meda ndom lac tuk anek saih dalam negar hu mbaok tame sa mbang pakacah hu sa đề thi haong gauk, ye bruk tong yaom anek saih meda jaik jang haong prein bac di dom adei, tapa nan pabak rilo khaw tin piah dom sang bac, tỉnh ban  song gah pato megru rami ramik veik bruk pato song bac ka nyu lagaih jang piah paglong bruk pato pakai dalam sang bac, tỉnh ban song tong abih gah 

Meng 6 tuk harei ini 28/8,  tỉnh Quảng Nam brei padeih pa-atah di gauk tui Sarak 16 di Thủ tướng Rajaei di huyện Duy Xuyên, ban sit Điện Bàn saong ban Hội An.Tỉnh Quảng Nam hu jao bruk ka Akok UB bhap bini huyện Duy Xuyên, ban sit Điện Bàn, ban Hội An tacei pato dom gah chức năng, UB bhap bini dom xã, phường, ban sit patui peih ngak siam Saraka 19 di Thủ tướng Rajaei mbiah tal tuk hu tabiak panuac khan birau. Yau nan, urakini  tỉnh Quảng Nam oh daok labik halei daok bruk pa-atah di gauk tui sarak 16 di  Thủ tướng Rajaei. Tal urak ini, gah y tế Quảng Nam brei dut iek hu labaih 86.500 mbang darah ka virus SARS-CoV 2, dalam nan  hu 96 mbang darah hu ruak.

Dalam dom harei meng bloh di  huyện Đăk Hà, tỉnh Kon Tum jit ruak angaok tapol athur raong tamuh gilac veik.   Chi cục rong glang song  Thú y tỉnh Kon Tum brei thau, di  3 xã dalam huyện Đăk Hà hu 2 sruh jit saluak cambuai tapaok kakau  song sa sruh jit  tả pabui lợn châu Phi ngak ka jiak 200 drei athur njom ruak. Gah  thú ý pambuak bruk song karja pak ni  peih bruk am cuh klaak tong abih pabui njauk ruak lac jiak  9.000 kg. Saong daok hu panuac kakei bhap bini jhui brei rong veik dalam tuk vak ni, kayua dalam tuk ni jit ruak dok tamuh tabiak veik .

Tukvak ini lac daok tame bilan cap mek hadang tôm hùm  di urang raong hadang daok di tỉnh Phú Yên. Min rilo urang raong hadang dang anak bruk khat lahik trak kayua yaom hadang trun biak biar. Dalam nan, hadang hùm bingu yaom lap trun meteh dut saong 3 bilan dahlau. Ini lac mbang trun yaom ka dua dalam thun ini kayua jit Covid-19, bruk pablei tabiak negar langiu suai damuai. Di ban sit Sông Cầu, labik raong hadang hùm ralo abih dalam negar, urak ini hadang hùm bingu  atau hadang Sao hu urang blei di danao yaom 800 ribau đồng sa kilo ngan saong janih praong 1kilo sa drei tagok. Dalam tuk nan, yaom hadang hùm hijao trun khang, daok 450-500 ribau đồng sa kilo.

Hadei di  6 bilan meng di tuk mboh hu di mbang camereip, Braxin, sruh jit prong ka 2 di dunya, harei 27/08 hu labaih  44.000 urang njom song  984 urang metai. Urang jakar negar ni brei thau bruk njom mbak bahrau dok patrun song urang metai padeih patagok. Braxin, Pê-ru, Mê-hi-cô, Cô-lôm-bi-a song  Chi-lê là lac  dom taneh ia dalam  10 negar hu urang njom glong abih di dunya . Meng  28.000 urang metai, Pê-ru hu urang metai kuhria tui akaok menuac lac glong abih dalam bhum châu Mỹ La tinh.  Urang njom Covid-19 di  châu Mỹ La tinh yam tapa tanut  7 triệu yaom lac dom negar brei thau bruk njom mbak daok trun. 
Dalam panuac brei thau di page harei 27 bilan 8 tukvak Viet Nam, Ngoại trưởng Mỹ Mike Pompeo brei thau njauk hatai tui dom đồng minh saong dom negar  pambuak bruk haong drei njauk kateik dreik di Đông Nam Á, oh brei ka Trung Quốc pakauk atau pacang  dom taneh ia ngak mbang di tasik Biển Đông. Jeng dalam harei 26.8, Mentri Pablei salih Mỹ khan brei thau, hu pabak 24 công ty Trung Quốc tame sarak angan dom công ty njauk Mỹ taong phạt. Tui Mentri Pablei salih Mỹ, dom công ty hu vak ngan tame birau ini njauk taong phạt kayua daong bol lin Trung Quốc dak padang saong bruk quan su di dom kaoh pulao njuak dom taneh ia di dunya ndem pauac ka bruk tasik Biển Đông. 

Hội đồng Bảo an Liên hợp quốc harei 27/08 peih dom mbang nyom biai online ka bruk pahla di  Xiri song pang pathau khan ka bruk ngak di Ủy ban 1718 pagam tal Triều Tiên.  Dalam mbang ginum biai, dom negar dalam Hội đồng bảo an mboh biak suh sah kayua kan kandah dak harei dak trak  di  COVID-19 ngan song bruk kinh tế-xã hội song pahla di Syria; ndom tal bruk njauk khik kajap an ninh piah ba mbuan lagaih ka bruk dong ngak pahla gam gam song oh njauk pacang cakak tal tong abih bhum taneh di Syria./.

Urang lang: Ái Nghiêm – Hani Pha – 28/08 10:47:54