Tuk raco akaok melam njauk pluh ka nyu thu 

Pandik akaok, pandiak, nhiễm trùng phổi, var drei jan song mbuan metai lac dom ruak kayua bhian randap menei ia melam ba mai. Dalam nan,raco akaok min oh bluh thu caik mbuk pasah nao ndih lac sa bruk suan biak praong.Bruk ni ngak brei klik akaok njom liar, oh siam ka rak drah song lavik lavik harei nyu ngak brei pandik akaok gam gam.Lingiu di pandik akaok, meyah caik mbuk pasah nao ndih, tuk ia nyu mbuk thu brei hu pandiak, ba tal bruk dom talei rak di klik  akaok, labik klik gah likuh tanye, takuai song bara oh khik hu pandiak. Meyah langik biak liar, nhiệt độ dalam rup trun biar, abih mbaok meta njauk parin khang kayua talei rak mbaok nyu la-an khang. Nao gam song nan lac cambuai vaiy, bhian sraiy ia pabah kan kandah tal rai duik saong bruk ndom puac, daok dang yaok harei.

Melam lac tuk nhiệt độ trun beir, meyah drei bhian menei melam, abih di nyu lac menei meng ia liar meda ngak ka rup pabhap lahik  nhiệt biak rilo. Ngan saong dom urang hu prein pacang caga ruak takik, bruk menei ia melam biak mbuan ba tal ruak song liar  phổi. Trak damak jang, rilo menuac mbuan njauk ruak pandiak siêu vi, nhiễm trùng phổi. Tuk jalan suak yava  lavik harei oh daok khang ye prein pacang caga ruak lavik harei jeng oh khang tui. Viêm nhiễm phổi lavik harei, meyah oh hu iek ruak chip mbuan ba tal  ung thư.

Metai hadei di tuk menei ia melam bhain rah tabiak di dom menuac hu dalam rup dom ruak yau boh hatai,drah glong, limek drah. Abih di nyu lac tuk mbang menyum trei tian, mebuk alak, ndih dalam bilik liar.. biak mbuan ba tal tai biến ka rup pabhap, jhak di abih lac metai chip.Tong abih dom urang đột quỵ bhian salih tui bilan biak cambaih laih.Bruk rah tabiak dalam bilan liar bhian glong jang song jhak jang bilan pandiak.Bruk njauk nyai nan lac dom urang  đột quỵ di tuk melam rilo meng lac hu makna kayua menei ia melam ba mai.

Jalan siam lagaih piah pacang dom kanjah jhak ka prein yava lac ngak randap haong bruk menei ia avar jang. Jhui menei hadei di mon 11 melam. Meng mon 7 melam, meyah raco akaok , njauk raco meng ia pandiak song bluh mbuk ka nyu biak thu dahlau di tuk nao ndih.

Jhui tuh ia tagok rup atau tuh meng akaok trun biak samar, kayua ngak yau nan mbuan ngak ka rup pabhap samar trun pandiak, mbuan njauk ruak song đột quỵ.Piah menei ia hu siam mekre, tuk langik liar, drei brei ngak randap song  nhiệt độ meng bruk tuhia meng takai bloh tagok 2 gah tangin song hadei di nan meng tal rup.

Langui di nan,brei caik tuk vak piah main thể thao atau dom bruk ngak pasram rup pabhap.Padeih padei 15 minite hadei di tuk pasram thể thao piah patrun pandiak song menei meng ia pandao lac jalan siam lagaih piah khik caga pren yava/.

Urang lang: Hanipha- 17/12