Dalam bruk pacang caga jit ruak, Mặt trận dom pakat hu pathau khan, jak ba bhap bini paglaong hatai sahaneng hu mbaok tame pcang caga jit, jak ba bhap bini, dom kapul nyaom, manuac urang dalam saong langiu taneh ia rik daong bruk pacang caga jit. Tapa nan, meng harei 1-5 tal harei 15-12-2021, abih tih yaom jien saong pandap panda jak ba hu lac labaih 21.800 tỷ đồng. Bruk nan hu khan brei thau di harei ini 27-12, di nyaom biai Kapul akaok Ủy ban Trung ương MTTQ Việt Nam peih tabiak tui jalan online.

Mintri ngak nong song patagok palei pala  pambuak bruk song UBND, sở Ngak nong song patagok palei pala, sở công thương di  25 tỉnh, ban  (dalam nan hu  Hà Nội song  TPHCM) bahrau peih  “Ndom nyai nao mai tapa online  pambuak bruk pablei salih kaya nong, pandap mbang  tuk  Tết Nguyên đán 2022”. Dom pandap panda kaya nong  dalam tuk  Tết Nguyên đán anak tal hu dom tỉnh ban kuhria caga  pabak rilo jang dut song thun dahlau. Paok akaok Hiệp hội dom urang pablei rai Việt Nam Nguyễn Thái Dũng hu panuac sinya  Hiệp hội ni  song dom urang ngak tabiak  song pabak  pandap, ba dom pandap panda, pandap di dom bhum palei tame  siêu thị, dalam nan hu bruk pablei rai  song  79 siêu thị BRG Mart song  cửa hàng tiện ích di 7 tỉnh, ban, hu  Hà Nội song ban raya  HCM.

57 dam dara puk palei hu angan je bahrau hu Kapul dam dara Cộng sản Hồ Chí Minh pakat negar pok brei giai thuong Lương Định Của mbang ka XVI, thun 2021 di Harei pataom Dam dara puk palei dalam negar. Ndom ka bruk pala drak, pablei salih di dom dam dara taduan hu jai thuong, hu 1 bruk ngak mek hu 144 tỷ đồng sa thun; 1 bruk ngak mek hu 120 tỷ đồng sa thun; 7 bruk ngak mek hu meng 10-30 tỷ đồng sa thun; 48 bruk ngak mek hu meng 1 tỷ đồng tal jaik 10 tỷ đồng sa thun. 57 dam dara hu angan je taduan hu jai thuong thun ni hu sang kan kathaot, hu thar vak karei di gauk, min jeng hu sa bruk dreih yau gauk lac kham merat yam tapa kan kandah,, kham marat yam tagok padang mbang ngui; ba akaok nao dahlau dalam bruk pandar ilamo công nghệ tame ngak mbang, pala drak, lac po dom bruk padang ngak nong hu yaom kinh tế glaong, ba bruk ngak ka rilo urang ngak lac dam dara, abih di nyu nan lac dam dara gaok kan kandah, urang bangsa takik. Tapa 16 thun tapa, hu labaih 2.000 urang nong ranaih umo naih joi hu taduan Giải thưởng Lương Định Của.

Gru Trần Ðình Lý, Paok akaok  sang bac  đại học Nông Lâm ban raya HCM brei thau, sang bac hu pasang iek, daong palagaih ka dom ayut  sinh viên bahrau urang bangsa takik  hu tame dok di  Ký túc xá Cỏ May (sa jabat dok dalam sang bac) dalam tuk vak bac megru anak tal , meyah dom ayut khin mai dok. Ndom ka bruk tame daok, sang bac hu dong ka tong abih  dom  sinh viên hu rai duik kan kandah. Ký túc xá Cỏ May lac labik dok  hu buh jien tabiak padang ngak bahrau, yaok thun hu  doanh nghiệp buh brei  15 tỷ đồng piah  daong tong abih jien mbang huak, ndik dok , harak gar bac daa ka dom ayut sinh viên. Ni lac ký túc xá daong brei saoh camereip  abih  di Việt Nam.

 325 tuai mai meng ban ine Moscow, Nga, dalam nan hu labaih 220 tuai du lịch passport vaccine- hu par trun mblang kapar haoh dunya Cam Ranh, tỉnh Khánh Hòa harei  26-12. Ni lac kapul tuai damuai Nga camriep abih tal pak ini hadei di 2 thun njauk padieh kayua jit Covid-19. Kapul tuai damuai ni meda hu mbang padieh padei, rivang iek di dom labik hu brei adat rok tuai negar langiu mai rivang main di tỉnh Khánh Hòa tui tour khép kín.  Bruk ngak ini brei mboh prein dui pachreih di gah rivang main di pak ini haong tuai bhian mai main yau ye Nga, Đông Âu.

Tiến sĩ Anthony Fauci, Akaok  Viện Dị ứng song ruak njom mbak pakat negar Mỹ –Urang dịch tễ học dang akaok di Mỹ, kuhria mboh lac bruk njom  Covid-19 tuk vak anak tal kayua Omicron rah tabiak meda ngak ralai abih bruk caong lac biến thể ni ba tal ruak takik trak damak . Urang njom ruak bahrau di Mỹ tui kuhria yaok harei dalam adit tapa  labaih  150 ribau song dok tagok glong jang rilo, ngak ka dom sang iek ruak laik tame bruk tapa prein tuk vak anak tal.   Tiến sĩ Fauci hu ndom lac Mỹ dok gaok kan kandah ka bruk dut iek  tuk  biến thể Omicron njom mbak khang dalam taneh ia  song hu panuac sinya pagloang bruk dut iek ka bhap bini.

Dalam tuk dom urang njom Covid-19, abih di nyu nan lac biến chủng bahrau Ô-mi-crôn (Omicron) daok tagok samar drah, rajaei Ấn Độ brei tabiak bruk lac meng harei ini 27/12 tabiak adat giới nghiêm tuk melam di ban ine Niu Đê-li (New Delhi).  Bruk giới nghiêm hu peih tabiak meng maong 11 melam tal maong 5 dah page harei hadei. 

  Dalam harak pathau ba tagok angaok blah web di gah pablei salih dunya (WTO), Liên minh châu Âu (EU) hu panuac ieu  Nga bayar labaih  290 tỷ EUR kayua “phân biệt đối xử” pandap panda  châu Âu  tapa sarak salih pandap blei meng negar langiu. Tui harak pathau, Nga njauk cáo buộc lac dalam sa tuk vak atah hu batabiak dom jalan ngak  ka  doanh nghiệp châu Âu gaok kan kandah tuk pablei salih song  dom  doanh nghiệp karja di Nga song dom kapul karei, cambaih laih lac dom labik pablei salih di Nga./.

Urang lang: Thu Thao & H.Pha - 27/12/2021