Danak dak “Adit hồng EVN mbang ka VI”

Meng harei 1 bilan 1 thun 2021, urang hu thể BHYT iek ruak oh njauk labik tut angan di dom labik iek ruak pakat tỉnh dalam negar hu kadung jien BHYT bayar jien ndih taong ruak yau njauk labik tut ngan. Tui adat urak ini, dom urang nao iek ruak oh njauk labik tut ngan hu kadung jien BHYT bayar 40% jien ndih iek ruak di sang iek ruak pakat negar saong 60% jien ndih iek ruak ngan saong pakat tỉnh. Min, meng thun 2021, urang hu thẻ BHYT tuk tame ndih iek ruak oh njauk labik tut ngan di dom sang iek ruak pakat tỉnh dalam negar meda hu kadung BHYT bayar meng 80% tal 100% yau iek ruak njauk labik tut ngan.

Ủy ban Trung ương MTnegar Việt Nam bahrau taduan pok jien 10 tỷ đồng meng Đảng bộ, karja song bhap bini dom bangsa takik tỉnh Thái Nguyên rik dong ka bhap bini dom tỉnh bhum kreih negar, Tây Nguyên pasiam veik khat lahik kayua ribuk ia sua. Tal urak ni, gah mặt trận meng Trung ương tal dom tỉnh ban hu taduan jien song pandap panda yaom abih tih labaih 350 tỷ đồng. Dalam nan, hu parabha labaih 325 tỷ đồng jien saong pandap tal dom tỉnh ban gah kreih negar, bhum Tây Nguyên njauk khat lahik kayua ribuk, ia sua.

Page ini 7/12, di ban Kon Tum, Khoa Huyết học- Truyền máu, Sang iek ruak Đa khoa tỉnh Kon Tum pambuak saong Công ty Điện lực Kon Tum peih ngak Danak dak “Adit hồng EVN mbang ka VI”. Ngan saong kadha “Pambak praong hatai anit ranam”, “ Daong gauk khik prein yawa bhap bini”, labiah 100 urang jakar, urang ngak bruk di gah Điện Kon Tum halan hatian hu mbaok tame brei darah rik tame ka gilang darah piah caga di Sang iek ruak Đa khoa tỉnh labaih 100 đơn vị darah. Piah hu rilo darah caga piah daong urang ruak tuk puac thun, abih di nyu lac tuk Tết Thun anek sak Kubao saong Tết meng kan di bangsa, hadei di Công ty Điện lực Kon Tum, meng harei paguh Khoa Huyết học- Truyền máu, Sang iek ruak Đa khoa tỉnh Kon Tum daok hu peih Harei pataom brei darah di dom puk palei, đơn vị dalam tỉnh.

Dalam tuk vak 2021-2025, tỉnh Tây Ninh tui kuhria hu peih ngak pasaim saong peih prong 3 danak dak jalan mbak nao mai meng kadung jien karja di tỉnh song trung ương tui yaom phun jien abih tih lac labaih 4.500 tỷ đồng. Dom danak dak cambaih laih lac: jalan N8 - 787B - 789 atah labaih 48km, nao tapa ban sit Trảng Bàng song huyện Dương Minh Châu, pambuak tapa tỉnh Bình Dương song Bình Phước; danak dak jalan ĐT 794, labik meng canah klau Kà Tum tal tatua Sài Gòn 2, pambuak tapa tỉnh Bình Phước atah 16km, danak dak pasiam, peih prong jalan ĐT 795 nao tapa labik 2 huyện tapen negar Tân Biên song Tân Châu atah labaih 36,2km, labik taom gaok jalan QL22B di ban sit Tân Biên, labik jhung jalan tal binek Dầu Tiếng, huyện Tân Châu. Hu thau dom danak dak ni hu ngak pasiam bruk nao mai dalam tỉnh Tây Ninh, duh ka bruk nao mai, pajeng ba pandap panda di bhap bini, pambuak bruk nao mai haong dom tỉnh bhum Đông Nam bộ, rik dong patagok kinh tế - xã hội, quốc phòng - an ninh dalam bhum. 

Di ban sit Phú Mỹ (tỉnh Bà Rịa - Vũng Tàu), Công ty TNHH camin nổi jangaih patih Phú Mỹ (PFG) birau peih peih pakak Danak dak Sang mac camin ndong jangaih patih Phú Mỹ tukvak ka I. Danak dak hu ngak meng 3 gah pambuak gauk, nan lac: Tổng Công ty Viglacera, Công ty Tập đoàn khoa học - công nghệ Khải Thịnh saong Tổng Công ty Đầu tư phát triển đô thị saong KCN Việt Nam (IDICO), hu prein khang tui kuhria ngak hu 1.500 tấn thủy tinh lỏng dalam sa harei. Danak dak hu buh tame abih tih 2.425 tỷ đồng saong ba tame ngak bruk tukvak ka I haong prein khang 600 tấn sa ngày. Ini lac sang camin nổi jangaih patih kaok meti di Việt Nam ngak dom pandap pasang tal 91,6%, biak lagaih piah ngak tabiak camin piah ngak điện ia harei saong camin patak pataom năng lượng. Danak dak tuk ba tame ngak bruk meda ba bruk ngak ka labaih 300 urang ngak dalam saong langiu tỉnh.

Báo Asahi brei thau harei ni (7/12), Japon hu caik radar Aegis rai bahrau tagok kapn mesruh khu trục piah patagok bruk pacang caga dom tên lửa đạn đạo meda cuh meng Triều Tiên, Trung Quốc song Nga. Bruk caik dom radar Aegis rai bahrau meda abih rilo jang 2 mbang jien song abih tal 3 tuhn piah ngak salah bloh dut song dom radar caik di angaok mbaok haluh. Radar Aegis rai bahrau meda cuh atah jang 3 mbang Aegis klak, yaom jien piah ngak tui kuhria abih labaih 2 tỷ đô la Mỹ. Khaw tin jeng brei thau, rajaei di Thủ tướng Yoshihide Suga meda brei tapa panuac pachreih ieu ni di Hội đồng An ninh pakat negar Japon dalam thun ni.

Bruk peih ngak iek pandar jien điện tử yaok harei daok hu jhul samar di Trung Quốc. Hadei di Thâm Quyến, Trung Quốc meda brei saoh 20 triệu nhân dân tệ, sumu labaih 3 trieu USD jien điện tử ka bhap bini daok di ban Tô Châu, gah Timur taneh ia ini tapa bruk payeng số piah hu jien blei pandap di harei lễ cai pandar 12/12, piah peih praong saong jhul samar bruk ngak iek jien kỹ thuật số ini. Bhap bini njauk brei pabak hu sa dalam dom kadha, yau 3 thun gilac mai ini njauk brei hu jien blei BHXH sumu gauk tagok, hu hộ khẩu atau tut ngan tạm trú di Tô Châu. Jien điện tử nan meda hu pandar di jaik 10.000 labik blei cai pandar, hu dom cửa hàng siêu thị, labik mbang huak, labik pablei pandap mbang yaok harei, atau pabak dịch vụ karei karei…

Công an tỉnh Bokeo - gah brak negar Lào, bahrau pambuak bruk song karja palei Pakhaonuea, huyện Huayxai pasang iek sang boh sang dok di pak ni, duah mboh biak rilo jru phein prong song phao ndao. Gah chức năng chap hu 4 urang dalam nan hu 3 urang likei song sa urang kamei song pataom mek hu rilo pandap, lac: 314kg ma túy patau, 60kg janih tapung sambo patih, 2 mbiah phao katut song 23 asar sui; Tong abih jeng lac urang Mông, dok di tỉnh Bokeo./.

Urang lang: Ái Nghiêm – Hani Pha – 07/12 15:18:33