Biên phòng Tây Ninh hu palih ruah ngak labik klauk vắc xin pacang COVID-19 camereip abih

“Anak tal, Cần Giờ meda lac ban padeih padei, rivang main sinh thái, nan ye bruk quy hoạch njauk pataom ngak tui jalan ni”- Panuac nan hu ong Nguyễn Thành Phong -Ủy viên Trung ương Đảng, Phó Bí thư Thành ủy, akaok UBND TPHCM ba tabiak dalam mbang ngak bruk haong UBND huyện Cần Giờ ka bruk ngak thun 2021 hu peih di bier harei 1-4. Jeng dalam harei nan, Phó Thủ tướng Trịnh Đình Dũng hu mbaoh tangin brei angan huyện Cần Giờ, TPHCM mek hu chuẩn palei pala birau.

Meng harei 15-5, urang ngak halei blei bảo hiểm thất nghiệp ye hu tagok yaom jien dong bac bruk ngak.Thủ tướng rajaei hu tabiak sarak ka 17/2021/QĐ-TTg tabiak yaom daong bac bruk ngak ka urang ngak hu blei bảo hiểm thất nghiệp. Urang hu mbang tui sarak nan, daok dalam 3 nyaom urang ngak hu dong bac bruk ngak tui paka 55 Hukum bruk ngak; Nyaom cơ sở pato pakai song nyaom dom Sở Lao động - Thương binh song Xã hội; jabat BHXH; Pasak dịch vụ bruk ngak.. Yaom dong bac bruk ngak hu kuhria tui tuk vak. Dalam nan, urang hu mbaok tame mbang patao pakai bruk ngak tal 3 bilan, yaom jien dong kuhria tui yaom jien bac di labik pato bruk ngak song tuk vak bac megru bruk ngak, min rilo di abih oh tapa 4,5 triệu đồng/sa urang sa khóa pato pakai.

Ndem ka bruk pablei 2,7 triệu lít xăng manyek ja di dom tỉnh gah maraong, thiếu tướng Tô Ân Xô, chánh văn phòng gam lac urang brei panuac di Mintri Công an brei thau: tal harei 31-3, jabat công an hu khởi tố tui hukum 52 urang ka duas pablei lậu, 1 urang ka duas mbang hối lộ. Pandap cap mek hu 14 gilai, 10 radaih bồn, 13 ô tô, yaok triệu lít xăng saong hóa chất ngak xăng ja, labaih 123 tỉ đồng jien mbaok, 15 sổ patak pataom, 91 harak adat quyền pandar taneh. Jabat công an hu niêm phong rilo pabah lamnge dalam negar, yaok pluh mbaik cây xăng, bồn caik xăng; pacang cakak, kê biên yaok piluh tài khoản gilang pariak ngan haong paok jien lac labaih 200 tỉ đồng. Tapa nan brei mboh bruk pablei salih lậu daok rahtabiak praong, bruk ngak biak kan sia thau hu, hu mbaok dom urang, kapul daong khik nan ye biak kan kandah dalam bruk duah mek.

Biên phòng Tây Ninh hu palih ruah ngak labik klauk vắc xin pacang COVID-19 camereip abih, klauk dahlau ka gah biên phòng khik iek jalan tapen negar, dom labik pacang caga song 894 urang hu klauk di harei 1-4. Tui kuhria mbang ni gah biên phòng di 6 tỉnh Tây Nam jeng hu klauk vắc xin. Gam haong nan, peih dom labik klauk vắc xin lưu động piah lagaih song bruk ngak di dom gah biên phòng dok di jalan tapen negar, piah khik ka dom urang lin di jalan tapen negar hu klauk vắc xin ginup abih.

Gah Y tế tỉnh Bình Dương brei thau bruk daok duah urang kumei nao gam radaih ô tô haong BN2585 lac urang Trung Quốc meng pabah mbang negar Mộc Bài (Tây Ninh) tal ban Thuận An, Bình Dương di tuk maong 12 melam 23/3. Pasak pasang iek ruak kik tỉnh Bình Dương ieu kakei thei lac urang kumei nao gam radaih ô tô haong BN2585 saong dom urang tame Siêu thị Mini Mart dalam tukvak nan pathau khan chip haong jabat y tế labik drei daok piah pathau khan y tế saong hu pato tacei pacang caga jit ruak tui njauk adat.

Thủ tướng Hun Sen hu batabiak sarak ka dom jalan pacang caga COVID-19, tui nan tabiak bruk giới nghiêm di dom labik mbuan si njom glong. Bruk ni ka oh rah tabiak dahlau di nan. Akaok ban Phnom Penh song urang pal akaok dom tỉnh, ban di negar Campuchia hu brei bruk patabiak dom jalan pacang caga piah pacang cakak bruk njom mbak di COVID-19 dalam tỉnh ban drei pan akaok. Dom urang oh hu bruk hagait prong, oh hu adat tabiak truh sang meng mon 8 melam tal mon 5 saboh. Sarak tacei lac bruk pacang cakak nan oh dui atah jang 2 adit.

Harei kabroi (01/04), Nhà Trắng brei thau lac biak katiek drei tuk tui iek sa đoạn video kayua jabat pasang iek jalan tapen negar ba tabiak brei mboh dua ranaih bahrau thau nao njauk palao trun di jalan tapen negar glaong 4 mét. Dahlau di nan harei 31/3, jabat pasang iek jalan tapen negar Mỹ hu ba tabiak sa đoạn video mboh lac, hu dua ranaih kumei (lac dei saai sa tien) di umo 3 thun saong 5 thun, njauk dua urang palao trun jalan tapen negar tame New Mexico, hadei di nan dua urang nan klaak nduac tagok sa mbon ceik di gah tapen negar haong Mexico.

Thủ tướng Đức Angela Merkel harei 1/4 hu panuac ieu bhap bini Đức dok dalam sang, takik taom gauk dalam tuk lễ Phục sinh rah tabiak di puac adit ni piah pacang jit, dalam tuk negar Đức hu urang njom bahrau dalam harei glong di abih meng labaih 2 bilan. Kapul dom bác sĩ cấp cứu song iek ruak Đức jeng tabiak panuac ieu rajaei Đức peih bruk pacang cakak catang dalam takik di abih lac 2 adit, meyah oh ngak yau nan, Đức oh daok papar ndih cấp cứu dalam 4 adit tal./.

Urang lang: Thu Thảo – Hani Pha – 02/04 10:19:20