Urang tame tabiak gah jalamn mbak pajeng ba brei pathau khan y tế 

Dah page ni 5/2, mBan pato tacei pacang caga jit ruak COVID-19 tỉnh Điện Biên daok peih bruk ginum biai tapa jalan online tal 10 huyện, ban sit piah peih ngak samar drah bruk pacang caga jit COVID-19 kayua bahrau hu 3 urang dương tính mbang ka 1 saong Sars-Cov-2 langiu di 3 urang dương tính mbang ka 1 saong Sars-Cov-2 hu brei thau di maong 10 melam kabroi di huyện Mường Ảng saong ban Điện Biên. Tal dah page ni 5/2, tỉnh ni  duah hu 414 urang lac F1 di 6 urang dương tính nan, daok ieu kakei dom puk palei duah dom urang lac F2, F3. Dahlau di abih, brei pacang cakak 2 puk piah duah saong pacang padam jit, pieh bruk pruh jru pametai anek ruak saong jak ba bhap bini oh tabiak truh puk palei.

Meng harei ini 5/2, bhap bini meda iew phone oh abih jien tame jalan talei pandiak18006132, lac jalan talei pandar công nghệ thông minh piah duah menuac hu taom gaok urang ruak Covid-19. Taong abih dom panuac khan di bhap bini tapa tổng đài jalan talei pandiak 18006132 tok hu pandar ka bruk duah menuac taom gaok urang ruak piah pacang caga jit Civid-19, meda hu Tổ thông tin samar ba tame, langyah saong ba tabiak jalan daong samar abih. Jalan phone pandiak 18006132 hu pandar  công nghệ thông minh, brei ka yaok rituh urang halan hatian yaom lac daok labik halei jeng meda pang hu phone iew mai.

Harei 4/2, ong Võ Văn Thưởng, Ủy viên Mintri Chính trị, akaok mban Tuyên giáo Trung ương haong kapul urang lambaok mbaok tỉnh Đồng Nai hu nao rivang, alin pandap, tadhau yuh Tết ka sang sarak kanja, sang kathaot di 2 huyện Long Thành saong Nhơn Trạch. Di dom labik nao rivang, ong Võ Văn Thưởng saong kapul Quốc hội tỉnh Đồng Nai hu pachreih ba dom sang sarak kanja, amaik Việt Nam Anh hùng, sang hu buh prein ka cách mạng. Ong Võ Văn Thưởng hu alin pandap Tết ka 40 sang sarak kanja, sang gaok kan kandah di 2 huyện Long Thành saong Nhơn Trạch (tỉnh Đồng Nai), yaok pok pandap hu yaom 3 triệu đồng. Tuk Tết ni, meng jien daong di doanh nghiệp saong urang ngak pahla dalam tỉnh, kapul urang Quốc hội tỉnh Đồng Nai hu peih bruk nao rivang, alin 650 paok pandap ka sang sarak kanja, sang kathaot, sang gaok kan kandah dalam tỉnh, kuhria tui yaom jien abih tih jaik 600 triệu đồng.

Mentri Công thương brei thau, dalam bilan akok thun 2021, bruk pablei tabiak negar langiu di Việt Nam daok hu siam mekre ralo tuk pablei hu 1,3 tỷ USD. Tui kuhria di Mentri Công Thương brei mboh, jien mek tame meng bruk pablei pandap tabiak negar langiu bilan 1 thun 2021 hu 27 tỷ 700 triệu USD. Dut saong tukvak ini thun dahlau, jien mek tame meng bruk pablei pandap tabiak negar langiu di bilan akaok thun birau tagok 50,5%. Hu abih tih 6 janih pandap pablei tabiak negar langiu hu labaih 1 tỷ USD, meblah 67,3% jien mek tame meng bruk pablei salih. Dalam nan, phone tangin saong linh kiện pablei hu rilo jien abih. Patui di nan tal điện tử, máy tính saong linh kiện; jamraih, pandap phụ tùng, pandap jhik menyim, takhaoh, kayau saong pandap ngak meng kayau.

Tui lambaok UBND tỉnh Bình Dương, kayua jit ruak COVID-19 daok rahtabiak sarau kadhau nan ye tỉnh brei padeih bruk cuh phao bingu dalam tuk palao thun klak roh thun bahrau Tết Nguyên đán sak kubao thun 2021.Dah page harei kabroi, tỉnh Bình Dương tabiak bruk pametai anek ruak di labik njauk pacang cakak di phường Phú Hòa jeng yau dalam sang bac đại học Thủ Dầu Một, labik hu urang ruak ka 1843 lac labik bo sinh viên nan daok tui bac. Viện Pasteur TP.HCM jeng hu pathau khan ka bruk dut iek dom urang F1 daok hu brei daok karei pambuak tal urang ruak ka 1843 jeng âm tính haong SARS-CoV-2.

Dalam 24 tuk tapa, dunya hu labaih 468.000 urang ruak COVID-19 saong labaih 13.200 urang metai.Taong abih dom mbang urang ruak meng tuk jit rah tabiak tal ni  yam tapa 105 triệu urang ruak,dalam nan hu labaih 2,29 triệu urang metai. Gah Y tế pambuak Mỹ brei panuac haduh hatai ka bruk hu 3 biến thể birau di virus.Brei panuac di var ginum biai online, urang dang akok Gah Y tế pambuak Mỹ Carissa F. Etienne lac, dom biến thể angaok nan daok ngak haduh hatai ka virus SARS-CoV-2 mbuan pambak samar jang. Dalam adit blaoh, labaih 1,8 trieu urang njom Covid-19 hu mboh di châu Mỹ, dalam nan hu labaih 47.000 urang metai.

Dak harei dak hu rilo biến chủng di virus SARS CoV-2 meda ngak brei patrun siam lagaih di vắc-xin Covid-19 rai camriep, nan ye njauk kham marat ngak patagok vắc-xin pacang caga dom biến chủng bahrau. Sa bruk pakacah ngak tabiak vắc-xin caga Covid-19 rai bahrau daok rahtabiak di dom Tập đoàn jru tavao bahrau. AstraZeneca saong Đại học Oxford ba tabiak dom jalan ngak dom rai hadei di vắc-xin Covid-19 pacang caga haong biến thể bahrau dalau di tuk bilan laar di Bắc bán cầu. Tui nan, Astrazeneca daok patagok sa janih vắc-xin bahrau ka dom chủng đột biến saong meda duah jalan ba tabiak darak pasa dak samar dak siam.    

Châu Phi meda taduan hu jaik 90 trieu mbang vaccine Covid-19 dalam bilan 2 thun 2021, hu ginum biai tapa danak dak parabha vaccine Covax kayua WHO ba akaok.Bruk hu vaccine hu makna biak praong dalam bruk pacang cakak jit ruak praong Covid-19 di bhum taneh ini.Dalam sa panuac ba tabiak di Nairobi (Kenya), muk Moeti lac châu Phi mboh dom taneh ia dalam bhum karei di dunya daok brei klauk jru caga ruak Covid-19 meng lavik mai.Bruk peih brei klauk jru vaccin caga ruak nan lac bruk ngak akok meti piah bhum taneh ia ini hu klauk vaccine sumu yau gauk./.

Urang lang: Thu Thảo - Ái Nghiêm -5/2