Bruk cuh pataih pacang mbaok hu peih ngak di grauk labik 

Meng harei page 18/3,  tỉnh Hải Dương peih bruk daok pa-atah di gauk tui sarak ka 19 di Thủ tướng mbiah tal harei 31-3 piah pacang caga jit COVID-19 dalam tuk daok hu dom menuac njom mbak di tỉnh ini. Piah khik tani tanat puk palei, dom huyện, ban dalam tỉnh Hải Dương daok brei khik bruk ngak di Kapul ngak bruk samar drah pacang caga Covid-19. Daok brei pakhang, khik ramik saong paglaong siam mekre bruk ngak di Kapul Covid-19 bhap bini, Kapul salamat Covid dalam dom jabat, doanh nghiệp. mBan tacei jalan pacang caga jit ruak Covid-19 dom pakat daok pataok pasang iek bruk pacang caga jit dalam dom jabat, sang bac, doanh nghiệp…, langyah catang dom bruk, dom menuac oh ngak tui bruk ba tabiak.

Hadei tuk hop mbao, truyen thong ba khaw tin ka bruk quá tải, tuai damuai rilo patuah dsi dom labik inem mek, labik rivang main tâm linh, harei 15 bilan 3, Mentri Ilamu, TT saong Dlich hu harak payua UB bhap bini dom tỉnh, ban di Trung uong ka bruk pakhang dom jalan pacang caga jit Covid-19. Tui nan, Mentri UB bhap bini dom tỉnh, ban pambuak bruk tacei ba jalan peih ngak catang dom jalan pacang caga jit Covuid-19, peih ngak tui bruk pacang caga jit dalam bruk ngak ilamui Thể thao và Du lịch.  Tui nan, tacei pato dom labik brei pah labik ndih daok piah nao rivang main hu dom jalan khik an ninh, salamat bruk pacang caga jit ka tuai.  Tok brei taduan raok tuai tuk ngak siam dom jalan pacang caga jit tui tacei pato di gah y tế.

Tui kuhria, di harei 18-3 Nyaom biai hiệp thương mbang ka 2 hu TP.HCM peih tabiak piah padang angan dom menuac hu ba tabiak ứng cử saong dom urang eng drei tabiak ứng cử. Dahlau harei 19-3, TP.HCM meda ba harak angan dom urang tabiak ứng cử  tame Quốc hội tagok Hội đồng bầu cử pakat negar. Ủy ban bầu cử urang ka  Quốc hội mbang XV haong urang ka HĐND TP.HCM vaktu 2021-2026 brei thau, dalam 227 urang tabiak ứng cử, TP.HCM hu 41 urang lingiu Đảng.

Piah caga pacang langik pandiak, njom ia mbak, tỉnh An Giang meda salih tapa jalan pala phun kayau ngan haong dom bhum kurang ia pruh, salih tapa pala padai pablak pala phun ndiuk di thu ngan haong mblang taneh jaik 3.000 ha di TP Châu Ðốc saong huyện Tri Tôn. Gam tui di nan, bruk pamaong iek padang ngak 63 binek paih pacang caga pandiak, ia njom mbak di dalam dom kraong dalam mblang hamu jaik haong tỉnh Kiên Giang ngan haong abih tih jien buh tame labaih 6 tỷ đồng.

Harei 16-3, di tỉnh Bình Dương, Thanh tra Sở Thông tin haong truyền thông pambuak bruk haong Công an tỉnh Bình Dương hu ngak bruk mbang ka 2 haong amuk N.T.H.T. (umo 29 thun, daok di tỉnh Bình Dương), lac po dom kênh YouTube, Tiktok "Thơ Nguyễn" hu ba tagok video pato uraniah "likau vía bac naih búp bê khamot".  Thanh tra sở hu ngak biên bản saong tabiak harak taong phat 7,5 triệu đồng ngan saong YouTuber Thơ Nguyễn kayua ba tagok clip "likau vía bac naih" tagok mạng xã hội lac bruk ngak suan, pachreih  bruk mê tín dị đoan. Di var ngak bruk, Thơ Nguyễn brei thau lac mboh hu bruk suan di drei, saong hu payua panuac likau ma-ah tal dom jabat chức năng, dom adei sit saong menuac sia angaok mạng. Urak ini, kênh YouTube Thơ Nguyễn hu brei palahik labaih 1.000 video, tok daok khik veik video "likau ma-ah"  "likau la".

Truyền thông kanja I-ran harei ni (17/3) khan brei thau, hu takik abih klau urang metai saong labaih 1 ribau urang karei njauk rambuac tuk bhap bini hu mbaok tame harei roya apui Chaharshanbe Suri meng kan, hu ieu lac harei roya “Thứ tư Đỏ” pahadar thun bahrau tui harei di I-ran. Oh ngak tui dom panuac kakei di rajaei I-ran ba tabiak piah pacang cakak bruk njom mbak di jit praong Covid-19, harei roya “Thứ tư Đỏ” hu peih tabiak di rilo labik di melam 17/3 anak bruk rok thun bahrau Nowruz tui harei Ba Tư. Dalam abih tih 1.030 urang njauk rambuac, 87 urang njauk cakak klaak tangin atau takai kayua labik laka biak trak, dom urang karei ye njauk kadung atau njauk rambuac kayua juak tagok gauk dalam dom harei ni.

Harei kabroi (16/03), Thủ tướng Prang Jean Castex hu panuac lac, taneh ia Prang meda dang anak bruk njom mbak khang mbang ka 3 jit praong COVID-19 kayua dom biến thể bahrau, abih di nyu lac anek ruak mbang camereip hu mboh di Anh.Dalam adit tapa, dom sang iek ruak di Prang daok gaok kan kandah khang kayua menuac tame sang iek ruak biak rilo. Tui kuhria mboh di Jabat y tế Prang, dalam 24 mon tapa, hu tal  4.219 menuac tame sang iek ruak. Ini lac tanut glaong d I abih kuhria meng puac bilan 11 thun blaoh.

Harei kabroi (16/03), Moderna, lac gah ngak tabiak sa dalam klau janih vắc-xin caga Covid-19 urak ni hu brei harak adat pandar di Mỹ, khan brei thau lac meda brei klauk iek camriep vắc-xin di drei di uranaih umo 6 bilan tal ala umo 12 thun. Bruk ngak ni ngak ka Mô-đơ-na jeng gah ngak tabiak vắc-xin Covid-19 camriep di Mỹ peih bruk klauk iek pandap di drei di mangaok anek kaman. Công ty ni kuhria meda klauk iek di jaik 7.000 ranaih meng umo 6 bilan tal 12 thun di Mỹ saong Ca-na-đa./.

Urang lang: Thu Thảo -Mousaphuong - 17/3