12 bilai pasang iek jit di dom canah jalan tame tabiak TP.HCM piah pasang iek menuac tame tabiak

Meng mon 12 kreh melam 9/7, Ban raya HCM peih ngak siam bruk pacang caga patah di gauk dalam xa hoi di ban raya tui Sarak 16 di Thủ tướng Rajaei. Ini lac jalan ngak khang, paglaong jang bruk pacang caga jit Covid-19 di ban raya tuk taduan khat lahik di drei dalam tukvak katut panak piah samar pacang hu jit ruak pamaong tal bruk patagok suai lavik. Page ini, Mentri Y te brei thau Ban raya HCM hu 350 urang njom Covid-19 di Ban raya HCM dalam 425 urang ruak dalam negar. Yau nan, meng harei 27.4 mbiah tal ini, Ban raya HCM hu 9.416 urang ruak Covid-19.

Meng mon 12 kreh melam 9/7, 12 bilai pasang iek jit di dom canah jalan tame tabiak TP.HCM hu peih ngak bruk veik piah pasang iek menuac tame tabiak, piah pacang caga jit Covid-19 tui tacei pato di UBND TP.HCM. Dahlau di mon peih bruk pa-atah di gauk dalam TP.HCM, rilo menuac meng TP nao dom tỉnh miền Tây, miền Đông njauk mai veik kayua oh hu harak dut iek âm tính Covid-19. Dalam vaktu TP.HCM brei pa-atah di gauk, meyah radaih pajeng pandap mbang yaok harei hu mã QR nhận diện hu nao tui jalan karei piah plaih gar radaih di dom bilai pasang iek jit.

Bộ Chỉ huy Bộ đội Biên phòng tỉnh Bà Rịa – Vũng Tàu brei thau, hu ngak salah saong ba tame ngak bruk 10 balai pasang iek di dom gah pacang caga jit Covid-19 di jalan kraong ribaong. 10 balai nan hu padang di labik pataok gilai ikan, tapen kraong dalam negar, pabah kraong……di dom huyen: Xuyên Mộc, Đất Đỏ, Long Điền, ban sit Phú Mỹ, Côn Đảo saong ban Vũng Tàu, ngak bruk luac harei melam. Dahlau di nan, tỉnh Bà Rịa-Vũng Tàu hu padang dom labik pasang iek jit ruak angaok dom jalan raya 51, 55, 56. Yau nan, mbiah tal ini, taong abih urang nao ngaok dom gaiy kapal atau radaih nao Bà Rịa-Vũng Tàu brei tapa pasang iek tui bruk ba tabiak saong hu harak dut iek mboh am tinh saong SARS-CoV-2 oh tapa 5 harei.

Tamat 2 harei pakacah THPT thun 2021, jeng daok hu labaih 23 rabau anek saih di dom tỉnh, ban oh nao pakacah hu kayua jit Covid-19, hu pakacah dalam mbang 2. Mintri Pato Megru tabiak tukvak pakacah mbang 2 saong tabiak tacei pato peih mbang pakacah ini tui panuac ba tabiak di akaok UB bhap bini dom tỉnh, ban. Rilo menuac caong lac, dom tỉnh, ban meda bac megru ilamu piah peih mbang pakacah hadei hu siam mekre, salamat jang.

Mon 12 meteh kreh melam 9/7, rilo bhap bini mboh apui khuah khang di xuong kayau di Công ty Trách nhiệm hữu hạn sa thành viên Hào Trung Kiệt, di khu phố Hóa Nhựt, Phường Tân Vĩnh Hiệp, ban sit Tân Uyên (Bình Dương). Hadei di nan, gah chức năng hu brei 14 radaih gam haong 74 urang jakar, urang lin mai padam apui. Kayua xưởng padang ngak meng khung thép, tabung tauk tôn nan ye dahlah apui khuah samar mbang praong, sauk tagok glaong. Mbiah tal mon 2 meteh melam 9/7, apui hu padam, pacang apui khuah mbang tapa dom labik jaik nan. Apui khuah ngak labaih 1.000 met vuong sang xuong caik pandap panda njauk apui mbang jeng bau.

Gah Y tế Dunya (WHO) hu pagam angan "cảnh báo njauk tui iek rilo jang" ngan haong biến thể AT.1 di virus SARS-CoV-2, hu mboh di negar Nga harei 9/6. Bruk ini hu makna lac biến thể ini hu dom salih karei khang jang meda ba tal kan kandah di vaktu anak tal. Angan 12 biến thể nan hu taong yaom veik meyah mboh lac dom salih karei di nyu meda ngak brei njom mbak mbuan jang, ruak trak jang, patrun siam lagaih di bruk taong ruak saong vaccine pacang Covid-19. Dalam harei 8/7, Nga brei thau lac hu 24.818 urang njom ruak bahrau, rilo jang dua mbang menuac njom ruak 1 bilan dahlau.

Thủ tướng Canada Justin Trudeau harei 8/7 brei thau, tuai negar langiu oh hu klauk jru caga Covid-19 oh brei tame negar ini. Thủ tướng Trudeau ndom lac bruk ini piah plaih kan kandah tal dom bruk pacang caga jit ruak Covid-19 di negar ini. Canada birau ini brei klaak bruk pa-atah di gauk ngan saong dom bhap bini hu klauk ginup jru caga ruak, min dom tuai negar langiu oh meda bruk hagait jeng oh ka hu brei tame negar Canada.

Kuhria tal harei 8/7, dom menuac metai hu duah mboh dalam bruk jaleih chung cư di Surfside, bang Florida, Mỹ, 2 adit dahlau tagok tal 64 urang. Urak ini, karja pak nan brei salih tapa tukvak pasiam veik hadei meng kham merat duah, daong, hadei di tuk mboh lac oh daok menuac diuk dalam labik jaleih. Urak ini jeng daok 76 urang oh ka duah mboh.

Urang lang: M. Phương – Ái Nghiêm – 09/07 10:06:43