Urang tabiak jalan njauk hu harak gar 

Meng mon 12 melam 16/8 TP.HCM daok brei paatah di gauk dalam ban raya tui Sarak 16 di Thủ tướng Rajaei tui jalan “Thei daok halei ye daok nan” mbiah tal abih harei 15/9. TP.HCM daok brei pasang iek bruk nao mai di bhap bini dalam tukvak meng mon 6 mesup tal mon 6 biar harei yaok harei. Lingiu tukvak nan, TP.HCM ieu rahra takik tabiak jalan...Duk haong mbang paatah di gauk mbang dahlau, dom menuac hu adat tabiak jalan hu peih praong jang. Dalam tukvak paatah di gauk, ban raya HCM brei adat ka dom menauc jao pandap, lac shipper hu quản lý ứng dụng công nghệ, hu adat nao jalan, pajeng ba pandap panda mbang huak tapa dom quận, huyện, TP. Thủ Đức. Gam haong TPHCM, rilo tỉnh, thành di bhum Nam bộ brei dui atah tukvak pa-atah di gauk tui Sarak 16 di Thủ tướng Rajae.

Mintri pato megru bahrau hu harak payua ka 13 Sở pato megru dom tỉnh, ban lac Hải Phòng, Hưng Yên, Bắc Giang, Cao Bằng, Phú Yên, Quảng Ngãi, Bình Định, Đắc Lắc, Lâm Đồng, Tiền Giang, Đồng Nai, Vĩnh Long, An Giang ka bruk ramik veik  tuk vak ngak bruk ka 2 mbang pakacah tamat THPT thun 2021. Tui nan, tuk vak brei thau ka bruk pakacah lac meng 13 tuk  harei  16/8, oh lac harei 24/8 yau kuhria dahlau.Tuk vak taduan harak likau phúc khảo song padang angan phúc khảo meng harei ni  tal harei  23/8; oh daok lac meng harei 24/8 tal abih harei 31/8.

Biar harei 15/8, Thường trực Thành ủy TP Hồ Chí Minhhu panuac ieu dom quận, huyện haong ban Thủ Đức samar pasang iek dom urang gaok kan kandah lac dom menuac ngak, anek saih, sinh viên; dom menuac kan kandah dalam labik piah daong jien pah sang trọ saong brah, pandap mbang huak. Thường trực Thành ủy jeng hu panuac ieu dom quận, huyện haong ban Thủ Đức peih ngak samar dom jalan khik kajap an sinh xã hội, oh caik ka urang halei eik lipa; peih bruk daong jien dalam bilan 8 haong bilan 9. Lingiu di nan, dom quận huyện haong ban Thủ Đức njauk peih bruk brei ka mikva klauk vaccine pacang COVID-19 samar drah, siam mekre, salamat saong kham merat klauk vaccine ka bhap bini hu 70% tal abih harei 15/9. 

Rah tabiak di rilo labik pambuak dalam taneh ia, melam daoh take online “Dhar phor dom bruk takik thei ngak hu" kayua Kapul urang kumei doanh nhân TP HCM pambuak haong Kadung jien ngak bruk xã hội Anh hùng tapon nyom bol pan phao kraong bhap bini Phan Trọng Bình peih tabiak di melam blaoh (15/8), hu ba mai dom thaot binguk drut drui ka hatai kham merat pacang jit di dom y bác sỹ dalam pasak jit ban raya Hồ Chí Minh.  Gam haong panuac ieu padang kadung jien daong pacang jit, melam daoh take “Dhar phor dom bruk takik thei ngak hu" taduan hu bruk pachreih tui, rik daong jien haong pandap dahlau saong dalam tukvak online.

Ong Nguyễn Trung Kiên, Phaok Chủ tịch gam lac Tong thư ký Hiệp hội Lương thực Việt Nam brei thau, Mblang 125 di pabah lamnge Cát Lái (TPHCM) ngak bruk veik meng harei ini piah pambuak veik bruk pablei brah tabiak negar lingiu ka dom doanh nghiệp blei pataom, chế biến xay xát haong pablei salih padai brah di Nam bộ. 1 bilan dahlau, kayua jit Covid-19, pabah lamnge Cát Lái brei padeih bruk ngak gah brah di labik mblang 125.

Bruk di Áp-ga-ni-xtan biak srau kadau hadei di tuk Taliban mek hu ban ine Ca-bun. Rilo menuac di Áp-ga-ni-xtan ba gauk nduac tame dom mblang kapal haoh saong dom labik taphia negar piah nduac tabiak truh taneh ia. Gar radaih di dom jalan tame mblang kapal haoh Ca-bun ngak ka rilo menuac klaak veik ô tô, nao takai piah tal mblang kapal haoh. Dalam tuk rilo taneh ia daok jhul khang bruk ba rahra di drei tabiak truh taneh ia Nam Á ini.

Dom menuac metai lahik dalam mbang megei baoh taneh di Haiti mesup harei 14/08 daok hu rilo saong mbiah tal tuk ini, hu labaih 1.200 urang metai haong 2.800 urang njauk rambus. Mbang megei baoh taneh nan nyu ngak khut, tayah labaih 8 rabau baoh sang saong urak ini dom sang iek ruak oh daok labik kayua daok iek ruak ka biak rilo menuac njauk rambus. Rajaei Hai-i-ti brei tabiak bruk samar drah dalam 1 bilan piah peih ngak dom bruk duah saong daong.

Yam ndok Viện Y tế Dunya Mỹ, Tiến sĩ Francis Collins hu panuac lac dom urang Mỹ ka oh klauk vaccine njauk nao klauk dak samar dak siam saong menuac sia njauk cuk veik pataih pacang mbaok kayua dom urang njom Covid-19 tagok biak rilo dalam bilan blaoh. Tiến sĩ Cô-lin jeng brei thau lac,ong biak duh hatai ka bruk njom mbak di uraniah Mỹ kayua hu tal 400 uraniah metai saong jaik 2.000 uraniah tame sang iek ruak kayua njauk Covid-19./.

Urang lang: Hanipha -Ái Nghiêm -16/8