Harei pataom mbaok saong padandar harei rayo sap ndom  Việt Nam (VOV) bak  75 thun

Rayo sap ndom VN 2 bhian hu ieu anit ranam lac “Rayo 2”. Rayo 2 hu padang tagok meng labik saong menuac di Rayo papar sap peih paha, daok di labik ka  7 jalan Hồng Thập Tự meng harei camereip taduan mek saong khik iek meng kol khamang ban Sài Gòn –Gia Định.

Dalam luac 12 thun (meng bilan 7 thun 1976 tal bilan 9 thun 1988),di grauk labik meng Minh Hải klak (urak ini lac 2 tỉnh Ninh Thuận saong Bình Thuận) tal mũi Cà Mau jeng hu takai yam di dom urang vak, dom urang ngak di Rayo 2. Meng jamriak ghi âm, baoh siphau haong mbaik kalam, dom sa-ai likei kumei hu mbaok di taong abih dom labik pandiak, brei mboh jaik ginup abih dom bruk saong dom kadha pambuak tal raidiuk di bhap bini daok di dom tỉnh, thành Nam bộ angaok dom danak dak papar sap di Rayo 2,  bo tabung glaong tagok tal 18 tuk papar sap yaok harei. Dom khau tin, dom kadha vak ndung bak phù sa di kraong Tiền, kraong Hậu; dom khau tin, dom kadha vak hu sap ndom di di dom công nhân pala cao su di Dầu Tiếng (Tây Ninh), Bến Cát, Lộc Ninh ( Sông Bé  klak); di urang pala tea, pala dâu labik cao nguyên Đức Trọng, Bảo Lộc ( Lâm Đồng)… jeng hu mbaok angaok riyak lingik rayao sap ndom VN, tapa sap bac lagu Nam bộ di dom urang papar sap di dom urang ngak bruk lavik thun yau NSUT Trần Phương, dom sa-ai Kim Túy, Hồng Ánh…

Jeng meng hu kapul urang naih gheih gah ragu ragam di Rayo sap ndom VN 2 ngan saong dom angan je yau Văn Hồng Cẩm, Dương Hưng Bang, Phan Nhân, Trần Thanh Bình, Thanh Trúc, Ngọc Oanh… bo urang pang rayo hu pang rilo vở cải lương hu angan, hu pang dom kadha daoh vọng cổ atau ragu hò, ragu lý Nam bộ haong dom kadha daoh meng bruk daoh takơ bhap bini atau sap daoh uraniah tapa dom mbang pataom Búp sen Hồng.

Tuk rayo sap ndom VN 2 ngak hu salah bruk sajarah di drei jeng lac tuk Jabat lambaok daok di ban raya hu tabiak rai. Labaih 30 anek menuac di tuk camereip bahrau padang nan, jaik abih lac dom menuac di Rayo 2, hu dom urang mai meng Rayo papar sap peih paha (Rayo A) yau dom sa-ai Phạm Minh Nhị, Nguyễn Hồng Mão, Đào Quang Cường, Hồ Thanh, Trần Bá Hà, sa-ai Nguyễn Thị Xuyến, Lê Thị Bé… haong dom sa-ai likei kumei lac anek saih, sinh viên di gah meraong negar yau ye Nguyễn Chín, Hồ Đề, Ngọc Liễu, Bích Hạnh, Mai Hoa.. Dalam rilo kan kandah, kurang rilo janih di dom thun bilan puac saman bao cấp, yaok urang kham merat abih drei piah pabak khau tin, kadha vak ka riyak lingik pakat negar, gam caga tabiak mbaok danak dak papar sap pak di labik brei ka labaih 1 triệu urang Khmer Nam bộ. Ini jeng lac danak dak papar sap bangsa takik camereip abih di rayo sap ndom VN.

Hadei di danak dak papar sap Khmer  4 thun, di thun 1994, danak dak papar sap Tổng hợp (hadei ini hu salih angan jeng Danak dak Thời sự tổng hợp, blaoh Danak dak thông tin- giải trí) hu tagok riyak langik. Ini lac danak dak brei ka urang pang rayo daok di bhum Nam bộ, bac meng sap Nam bộ nan ye hu urang pang rayo biak takre. Bilan 9 thun 2003, Danak dak papar sap Khmer hu ba nao ka jabat lambaok daok di bhum taneran kraong Cửu Long, Jabat lambaok rayo sap ndom VN daok di ban raya HCM ba tangin tame kuhria caga tabiak mbaok danak dak papar sap Cam di bilan 1- 2005, gam haong khik ramik bruk papar sap danak dak Thời sự tổng hợp haong dom danak dak daoh takơ…  

Bruk njauk biai nan lac, jaik 20 thun tapa, Jabat lambaok rayo sap ndom VN daok di ban raya HCM hu pambuak bruk haong Cục Chính trị Quân khu 7 padang ngak danak dak “daoh takơ – Brei thau ka dam dara tapon nyom bol pan phao kraong Quân khu 7” papar sap yaok adit, lac danak dak hu dom urang jakar, urang lin di tapon nyom bol pan phao kraong Quân khu 7 biak takre.

Meng jaik rabau menuac di Rayo sap ndom VN 2, bloh daok dom pluh menuac di jabat lambaok, meng baoh sang ka 7 hu padang ngak yau sang  Prang tal tòa nhà 15 tal praong, glaong... Meng ka 7 jalan Hồng Thập Tự, ka 7 Xô Viết Nghệ Tĩnh  tal ka 7 Nguyễn Thị Minh Khai lac sa jalan atah 45 thun dalam sajarah 75 thun di rayo sap ndom VN.

Nan jeng lac jalan “tamuh gha hijao phun” di dom rai urang jakar, urang vak di baoh sang ka 7 dalam haluk saong dalam hatai urang Nam bộ; meng nan, pok tagok ka menuac sia dom baoh yameng, lac dom kadha báo chí, oh lac tok pandar ka papar sap yau tuk camereip bo daok pabak brei ginup ka dom janih báo chí di rayo sap ndom VN harei ini.

Jalan nao kan kandah glaih glar min hu hadah mbaok meta nan, daok hu pambuak nao meng dom urang vak daok ranaih umo sami samar saong abih hatai ka bruk ngak./.

Urang lang: M. Phương – 07/09