Hadang Viet Nam pablei tapa Hàn Quốc 

Mentri Ilamu, Thể thao saong Dulich birau hu Sarak 2354 pok angan Labik rivang dulich Mũi Né, tỉnh Bình Thuận lac labik du lịch pakat negar. Tui Quy hoạch di Rajaei, Labik rivang dulich pakat negar Mũi Né praong labaih 14.760 ha, dalam nan hu bhum kreh piah cak rok patagok, ngak jeng dom labik dulich labaih 1.000 ha. Bruk pamaong tal di Labik dulich pakat negar Mũi Né lac pataom tame ngak brei siam jang jalan mbak, labik daok, pandap panda, ilamu dulich, pabak dom tanut di labik dulich negar; pachreih dom po đầu tư kaya meda  buh phun jien praong piah patagok Labik dulich Mũi Né jeng sa labik rivang siam gheih, hu angan je dalam dom labik dulich di bhum tasik Nam Trung Bộ saong dalam negar. Kham merat tal thun 2030, Labik dulich negar nan  hu jeng sa dalam dom labik njauk nao tal dahlau di bhum châu Á - Thái Bình Dương.

Mintri pato megru  hu tabiak harak tacei pato peih mbang pakacah  tamat  THPT thun 2020 mbang  2, payua ka dom  Sở pato megru. Tui nan,  mbang  2 di mbang pakacah  THPT thun  2020 hu peih tabiak di harei  03-04/9. Mbang pakacah ni hu  peih ngak ka tong abih  26.014 anek saih di 27 tỉnh/ban  oh hu mbaok tame pakacah mbang  1 meng bloh kayua jit  COVID-19 (meblah labaih  3% thí sinh dalam negar , dahlau di nan  97% thí sinh hu pakacah mbang  1). Dom  thí sinh hu pakacah di 11 Hội đồng pakacah di dom  tỉnh/ban  lac : Đà Nẵng, Quảng Nam, Đắk Lắk, Quảng Ngãi, Lạng Sơn, Quảng Trị, Thái Bình, Hòa Bình, Bắc Giang, Thừa Thiên - Huế, Hà Nội.

Tui Hiệp hội Ngak saong pablei tabiak negar langiu kaya iakn dalam ia Việt Nam (VASEP), bruk pablei hadang Viet Nam tapa Hàn Quốc meng akok thun mbiah tal ini hu patagok saong tui kuhria dahlau luac thun tagok labaih 5% dut saong thun 2019. Hàn Quốc urak ini lac darak pasar blei hadang di VietNam ralo dang dhi ka 5, meblah 10,7% dalam abih jien pablei hadang di Viet Nam tabiak dunya. Tui kuhria meng kaok thun tal kreh bilan 7, hadang Viet Nam pablei tapa Hàn Quốc hu labaih 179 triệu USD, tagok 5,8% dut saong tukvak ini thun blaoh. Hàn Quốc blei tame ralo abih hadang takai patih di Viet Nam, yau nan min, jien pabei hadang sú gilac tagok khang.

Công an TPHCM brei thau meng harei  21/7 tal urak ni, công an TP daok khik iek  116 urang negar langiu tame VN suan hukum oh hu harak  gar dalam nan hu pateok tabiak truh taneh ia 4 urang. Urak ni dok  112 urang tame suan hukum, dalam nan hu 109 urang negarh Trung Quốc, 1 urang mai meng  Đài Loan– Trung Quốc, 2 urang  negar Campuchia. Dalam dom urang ni , hu 40 urang hu  hộ chiếu  hu ban raya kuhira  pateok tabiak; 66 urang oh hu  hộ chiếu hu jabat  công an pambuak bruk song  Sở Ngoại vụ taom gaok jabat  ngoại giao negar ayut  piah duah thau, ngak harak gar, harak thông hành brei nao veik taneh ia. Dom urang halei  njauk langyah tui hukum  ye ban raya hu khik veik  piah langyah.  Tui  ong Trần Đức Tài, Phó Giám đốc Công an TPHCM, urak ni  công an dok gaok kan kandah song dom urang tame VN suan hukum hu daok karei blaoh song jao veik ka  công an pak nan khik iek  kuhria bruk mbang huak kayua labik brei dok karei  di dom quận huyện bo dom urang nan hu duah mboh oh dok labik  . Công an hu pok panuac likau ban raya hu labik praong piah khik iek dom urang ni  piah patrun kan kandah ka  công an dom quận huyện.

Kapol urang dang akok Tổng liên đoàn Lao động Việt Nam hu brei padeih ngak bruk ngan saong ong Lê Vinh Danh - akaok Sang bac đại học Tôn Đức Thắng - piah pasang iek, kỷ luật kayua hu dom labiah kurang, ngak suan tui panuac tamat di Ủy ban kiểm tra Thành ủy Ban raya HCM. Kapol urang dang akok Tổng liên đoàn Lao động Việt Nam jeng hu jao bruk ka tiến sĩ Trần Trọng Đạo - phaok akok Sang bac đại học Tôn Đức Thắng tukvak 2014-2019 khik iek dom bruk ngak di Sang bac đại học Tôn  Đức Thắng dalam tukvak ong Lê Vinh Danh njauk brei padeih bruk. Dahlau di nan, harei 1/8, UB pasang iek Thành ủy Ban raya HCM, Đảng ủy khối dom sang bac đại học cao đẳng Ban raya HCM hu brei padeih bruk ngak di pakat ủy, bí thư, Mban chap hanh  ngan saong ong Lê Vinh Danh.

Sang bac Đại học La Plata của Argentina bahrau brei thau, sa nyaom dom urang ilamu negar ni duah mboh hu  jalan bo virus corona chủng bahrau (SARS-CoV-2) meda nyaik hu phản ứng miễn dịch bẩm sinh di menuac. Danak dak roh duah di sang bac  Đại học La Plata tacei lac COVID-19 hu sa jalan pambak bahrau dong ka nyu  pasiam dom  jalan nao di gene dalam dom tế bào njauk njom tame meng nan meda pasang iek  phản ứng miễn dịch.  Gah roh duah ndom lac bruk duah tabiak jalan ni meda dong patrun  dom kanyah jhak song di chứng nhiễm trùng, jang yau meda hu pandar piah ngak jeng virrus patrun độc lực piah patagok  vaccine. Roh duah nan hu duah tabiak dom kein lagaih phụ di janih ruak kan kandah ni.

Bang Victoria daok lac  pasak  di jit Cô-vít-19 di mbang njom mbak ka 2 di Ôxtrâylia. Dalam 24 tuk tapa, mbang ini hu 148 urang birau njom ruak Covid-19 saong 8 urang metai. Dom urang njom ruak birau page ini glaong jang dut saong 116 mbang urang njom ruak di harei kabroi min trun ralo dut saong harei kaok bilan lac 700 mbang. Ralo urang njom ruak birau di Ôxtrâylia dalam dom adit jaik ini rah tabiak di Men-bơn, ban ka dua di Ôxtrâylia lac ban ine di  bang Victoria.

Gah  Y tế dunya  (WHO) kuhria lac dalam harei ni   hu tabiak panuac lac  châu Phi oh daok virus bại liệt dalam thun  2020, 4 thun hadei di tuk  duah hu urang ruak puac abih di Đông Bắc Ni-giê-ri-a. Dalam sa pathau khan batabiak dahlau di panuac khan sajarah ni, gah  Y tế dunya ndom lac, meng kham merat di dom rajaei, gah y tế song dom bhap bini, labaih 1 triệu 800 ribau uranaih  hu dong tabiak truh janih ruak ruak mbuan metai ni. Ni lac sa takai yam praong  pamong tal bruk jhul kandun likuh ruak bại liệt di dunya./.

Urang lang: Ái Nghiêm – Hani Pha – 25/08 16:47:29