Parang main doh tamia harei pataom ilamu the thao du lich dom bangsa takik 

Mentri Ilamu the thao saong dulich birau pasang iek brei ngak Danak dak “Khik ramik, patagok dom yaom glaong ragu daoh, ragam tamia di dom bangsa takik pambuak saong cak rok dulich vaktu 2021-2030”. Danak dak paglong ragu daoh, ragam tamia bhap bini meng kan di dom bangsa rik tame biak praong dalam bruk ngak jeng ilamu Viet Nam, hadah krah saong rilo janih dalam yasa haong gauk, rik daong tame dak dang saong patagok ilamu, anek manuac dalam bhap bini dom bangsa takik. Bruk khik ramik, patagok yaom glaong ragu daoh, ragam tamia meng kan di dom bangsa takik brei pambuak khang kajap saong bruk khik ramik, patagok dom ilamu karei yau: adat cambat, sap ndem, akhar vak, khan ao angui cuh, akayat bhap bini…

Dalam tuk vak tabung glong pacang caga jit COVID-19, ban raya  Hồ Chí Minh taduan hu bruk dong labaih  10.000 urang y tế, urang lin meng  37 tỉnh, ban karei piah gam song ban raya jhul kandun likuk  jit  COVID-19. Piah hadar darphol dom gah hu dong ka ban raya dalam bruk  pacang caga, kapul urang pal akaok ban raya Hồ Chí Minh bahrau ngak bruk haong urang jakar  tỉnh Bạc Liêu song dar phol  tỉnh hu dong ka bruk pacang caga jit COVID-19. Tu kvak tapa, tỉnh Bạc Liêu hu dong menuac ngak y tế, urang lin; brei yaok pluh  tấn brah, pandap mbang song jien  piah daomng prein ban raya  Hồ Chí Minh pacang caga jit prong COVID-19

Piah pasang iek siam jit Covid-19, Ninh Thuận ba tabiak rilo jalan ngak piah pabak sumu dom pakat jit ruak tui jalan “ 4 di labik”. Dalam nan, Ninh Thuận ba tabiak bruk kham merat oh luai caik ka jit ruak tamuh, brei pacang khik piah dalam tỉnh salih tapa pakat jit ka 1; takik abih dom urang njom mbak, urang ruak trak, metai, tapa nan peih ngak dua bruk haong gauk, salih tapa tukvak siam mekre birau hu samar abih. Langiu di nan, tỉnh brei peih ngak siam dom jalan cong nghe daong pacang caga jit Covid-19, bruk khik iek labik daok, brei thau y te, tui iek F1, F0 di sang saong  klauk jru vaccine.

Di tỉnh Hậu Giang, jit ruak Covid-19 dok rah tabiak srau kadau, urang njom bahrau tagok sama, rilo sruh jit ruak hu mboh  dalam doanh nghiệp, sang mac, công sở, sang iek ruak song njom mbak khang dalam bhpa bini; urang  F0 ruak trak tagok  song metai  jeng tagok glong. Piah pacang hu jit, patakik urang metai, UBND tỉnh Hậu Giang hu panuac cong sang iek ruak Thống Nhất ban raya Hồ Chí Minh dong 10 bác sĩ, song  20 điều dưỡng hu ilamu, di gah hồi sức tích cực, cấp cứu piah tỉnh patagok menuac ngak bruk iek ruak di tal 3 song tal 2.

Công an tỉnh An Giang birau ba tabiak langyah hình sự bruk pambak tame bruk ngak, quyền hạn  tuk ngak bruk karja dalam bruk tut angan, khik iek radaih peih angaok jalan mbak. Tui nan, brei padeih ngak di anak meta 3 urang jakar di Jabat Cảnh sát jalan mbak piah pasang iek, duah thau. Meng thun 2012 mbiah tal thun 2021, Jabat cảnh sát jalan mbak Công an tỉnh An Giang  hu Mentri  Công an mbat pagam tame saong tacei pato pandar hệ thống tut angan, khik iek, brei biển số radaih cơ giới jalan radaih tui jalan kateik tangin tame, taduan biển số. Yau nan min, dalam tuk peih ngak, hu dom urang jakar pambak tame phần mềm hệ thống tut angan, khik iek, brei biển số radaih suan hukum.

Dalam dom harei tapa hu labaih 4400 urang  Myanmar nduac tame Thái Lan piah tabiak truh dom bruk mesruh gauk di bol lin rajaei song nyaom tapol nyaom pan phao krong bangsa takik Ka-ren dak harei dak catang tagok  di gah đông nam Myanmar. Dom urang jakar  Thái Lan hu dong labik dok siam mekre jang yau dong ngak pahla ka nyaom urang tị nạn, rilo meng lac urang kamei song uranaih.

Jabat Khik iek Pandap mbang saong Jru tavao Mỹ (FDA) hu brei adat pandar samar asar jru taong ruak Covid-19 akaok meti di hãng jru Pfizer. Janih jru ini angan Paxlovid brei taong ruak ka urang umo meng 12 thun tagok, abih di nyu lac dom urang mbuan ruak trak kayua umo thun praong atau hu ruak dahlau dalam rup. Tui  kuhria mboh  tapa ngak iek  angaok menuac di Phai-dơ, janih jru ini trun jaik 90% bruk mbuan ba tame sang iek ruak atau metai  di dom urang ruak mbuan ruak trak tagok. Gam haong nan, jru jeng daok khik hu siam dalam bruk pacang veik biến thể Ô-mi-crôn.

Labaih  200 urang trượt tuyết song  trượt ván angaok tuyết hu ngak jeng dom ong taha Noel, caik bilau kang patih, pataom gauk angaok sa tabung ceik  di  bang Maine di  Mỹ song ba gauk  trượt tuyết piah padang kadung jien pahla. Dom urang hu mbaok tame bruk ni  rik dong takik di abih 20 USD piah padang kadung jien pahla. Tong abih tih hu labaih 5.000 USD hu rik dong ka sa kapul  phi lợi nhuận piah dong ka dom bruk pato pakai song main sambaih ka urang ranaih umo sit di pak ni./.

Urang lang: Hanipha- Ái Nghiêm -23/12