Harei 17/6, lambaok Mentri Lao động - Thương binh & Xã hội, Thứ trưởng Lê Tấn Dũng hu alin 200 trieu đồng ka Mban Khik iek Kadung jien vaccine pacang caga Covid-19. Ini lac bruk ngak pachreih tui panuac iew di Thủ tướng Rajaei ka bruk rik daong Kadung jien vaccine pacang caga Covid-19. Dahlau di nan, Mentri Lao động - Thương binh & Xã hội, hu alin ka dom tỉnh: Bắc Ninh, Bắc Giang, Điện Biên 700 triệu đồng. Kadung jien daong uranaih Viet Nam jeng hu alin brei 3 tỷ đồng ka klau tinh ngaok nan.

Ban Tuyên giáo Thành ủy TPHCM bahrau hu harak  payua ka Sở I;amu brei thau, dom kapul văn học nghệ thuật ban raya  ka bruk pandar mạng xã hội. Tui nan, ieu  urang hội , dom nghệ sĩ pan njauk tui hukum, adat ngak bruk; oh pandar mạng xã hội piah langyah bruk meriak gauk. Pambuak tal bruk tuk vak jiak di ni, muk Nguyễn Phương Hằng,Tong Yam ndok Cty CP Đại Nam (Bình Dương), rilo mbang livestream, ndom puac ka  rai duik di  nghệ sĩ, Ban Tuyên giáo Thành ủy ban raya hu harak nan piah pacang, cakak dom bruk nan di  angaok mạng ngak srau kadau tal an ninh trật tự.

Pabah mbang thép trak 203 tấn di pabah kraong Cái Lớn (tỉnh Kiên Giang) di danak dak pacang ia mbak hu yaom jien buh tame ngak abih tih lac 3.300 tỷ đồng birau pagam tame hu siam mekre. Mban khik iek danak dak padang ngak ribaong kraong  10 di Mentri Ngak nong saong Patagok palei pala brei thau, urak ini pabah kraong Cái Lớn ngak hu 90% bruk ba tabiak, tui kuhria meda ngak salah blaoh di bilan 10. Danak dak ini tuk ngak salah blaoh hu pasang iek, rami ramik, ba ia pruh ka  384.000 ha taneh di Kiên Giang, Hậu Giang, Cà Mau saong Bạc Liêu.

Piah pambak prong ilamu di tapuk  tal menuac puac di grauk labik dalam negar, dalam tuk  hè ni, labaih 1.200 baoh tapuk hu dong yaom glong abih tal  80%, pajeng ba brei saoh ka urang puac tapuk di Hà Nội, song ban raya Hồ Chí Minh hu peih bruk pablei salih tapa online. Ni lac bruk ngak piah ba  yaok  triệu baoh tapuk  tal urang puac tapuk di bhum atah bayah dalam  3 thun, kayua Cục Xuất bản, In song Phát hành (Mintri Thông tin song Truyền thông) dang tabiak ngak .

Dalam 22 pandap OCOP di Danak dak “Yaok sa xã sa pandap” birau hu UB bhap bini tỉnh Bình Phước brei thau, hu 15 pandap ngak meng asar pa-ok blait hu dak angan 4 patuh, glaong abih di tỉnh B.Phước. Bình Phước nan lac tỉnh pala rilo pa-ok blait ngan saong taneh praong 175.000 ha, meblah jaik meteh mblang taneh saong labaih 54% asar pa-ok blait dalam negar. Angan “Asar pa-ok blait Bình Phước” hu khik ramik brei chỉ dẫn địa lý. Jien mek tame meng bruk pablei asar pa-ok blait tabiak negar lingiu di tỉnh hu meng 600 -800 trieu USD sa thun.

Piah caga ka saman jit praong, Liên minh châu Âu (EU) daok kuhria jalan  patagok bruk brei thau aval song pren khang ngak tabiak  300 triệu mbang  vaccine dalam 6 bilan camereip tuk rah tabiak bruk khẩn cấp y tế halei. EU langyah, ni lac sa binah dalam danak dak patagok bruk caga di dunya, song jeng piah dong ka liên minh ni patrun bruk pagam pambak tame gah Y tế dunya  (WHO). EU batabiak bruk lac pablei tabiak negar langui  700 triệu mbang  vaccine Covid-19 dahlau di puac thun 2021.

Rajaei Anh daok sahaneng kuhria brei pacadu nao mai ka bruk tame tabiak dunya ngan saong dom urang hu klauk ginup dua mbang jru vaccine pacang Covid-19. Sa dalam dom bruk ba tabiak lac dom urang klauk ginup dua mbang jru vaccine oh daok karei tuk mai veik negar Anh meng dom taneh ia “dalam dom angan salamat hijao”,  yau nan min njauk brei dut iek ruak mboh am tinh. Angan angaok nan hu ba tame harei 24/6 anak tal saong tui bruk ba tabiak, Rajaei Anh brei taong yaom sarak nao tame tabaik dahlau bilan 7.

Mbang tamuh ruak  Covid-19 ka 2 ngak ka 730 bác sĩ Ấn Độ metai, dalam nan bang Bihar song Delhi hu urang metai glong di abih. Hiệp hội Y khoa Ấn Độ (IMA) ndom lac biak suh sah tuk dom y bác sĩ metai kayua jit prong mbang ni  tagok khang dut song thun bloh. Gah Y tế dunya  jeng hu panuac lac biến chủng Delta meng Ấn Độ hu mboh di labaih  80 negar  song daok đột biến tuk pambak prong di dunya. Ấn Độ dok lac bhum jit prong ka  2 di dunya  hu labaih 29,7 triệu urang njom song  labaih  380.000 urang metai. Hu  47,9 triệu urang Ấn Độ hu klauk jru ginup , meblah  3,5% dalam tong abih jiak 1,4 tỷ rahra./.

Urang lang: H.Pha – A.Nghiêm - 19/6/2021