Brei ngak mã QR atau ba-ar brei thau gah ka y tế piah dut iek

Mentri Y tế birau tabiak harak “Tacei pato pacang, caga saong taong yaom bruk mbuan njom mbak jit Covid-19 di pasak pablei salih, darak, sieu thi, nhà hàng”. Tui harak nan, dom pasak pablei salih, sieu thị, darak, nhà hàng…brei hu jalan pacang caga jit Covid-19 cambaic laic. Dom labik nan njauk brei thau cambaic angan, liak phone di urang jakar iek gah pacang caga JIT piah ka urang ngak, urang pablei pandap saong tuai damuai thau, piah iew tuk hu bruk. Gam haong nan, brei ngak mã QR atau ba-ar brei thau gah ka y tế piah dut iek saong brei caga pataik pacang mbaok, ia rao tangin caik di jalan tame labik dich vụ.

UBND tỉnh An Giang hu padang tổng đài tacei pato F0 daok di sang tuk dom urang ruak song metai kayua COVID-19 daok tagok glaong. Tuk vak tapa di An Giang, rilo urang njom COVID-19 dalam bhap bini hu thau biak te, tuk tal labik iek ruak ye biak trak , mbuan si metai glong. Kayua yau nan ye, langiu di jalan talei pandiak di Sở Y tế, An Giang meda brei padang dom laik phone tổng đài dalam tỉnh song dom dhar di 11 labik. Tổng đài taduan mbang ieu meng rahra, urang medhil njauk ruak , dom F0; hadei di nan brei thau jalan langyah; ba tagok hệ thống song payua mai ka dhar di labik nan pambuak song dom jabat chức năng dong samar drah

Ban raya HCM meda peih bruk brei ka 10.000 baoh sang urang đoàn, urang ngak naih gheih daok veik di ban raya uan raok thun bahrau sak ramaong 2022. Ini lac danak dak “Baoh sang urang ngak bui sambai mbang Tết saong ban raya”, lac 1 dalam dom bruk sangka daong Tết ka urang ngak. Piah khik hu bruk lac yaok sang hu sambai Tết dalam siam mekre, salamat, Liên đoàn Lao động ban raya iew dom đơn vị pambuak bruk patagok bruk pacang caga jit Covid-19. Danak dak piah pambuak gauk, klak rabha haong gauk, bui sambai siam mekre tui jalan ngak lac “ Taong abih urang đoàn, urang ngak brei hu Tết” khik hu siam bruk pacang caga jit Covid-19.

Mintri pato megru bahrau hu harak tacei jalan bruk pato song bac sap ndom, akhar haroh di bangsa takik dalam dom labik pato bac phổ thông song pasak pato pakai thường xuyên. Tui nan, tui bruk pato bac, tỉnh ban padang jalan ngak song daong ka UBND pakat tỉnh ngak harak likau mintri pato megru ka bruk pato sap bangsa takik dalam dom labik pato megru. Pathau khan pataom veik hatai khin, bruk bac sap bangsa takik; labik pato, pandap pato bac; jalan peih ngak; kapul nyaom gru pato bac sap bangsa takik.

Sở Ngak nong saong Patagok palei pala tỉnh Trà Vinh daok peih bruk ba công chức, viên chức ilamu ngak nong trun tal palei piah tacei pato tapak urang ngak nong peih ngak dom bruk, jalan ngak tabiak pandap panda hacih sa-at, kein lagaih. Mikva urang nong hu urang jakar tacei pato, dom jalan pacang, caga pandiak bhang, ia mbak di taneh pala tabau, pala padai hu salih tapa pala phun karei; ilamu iek glang saong raong, pacang caga jit ruak dalam bruk raong athur; jalan pasiam saong ngak hacih danao raong…Dom urang jakar ilamu gam saong puk palei ngak iek dom bruk pandar ilamu kay thuat birau tame pala drak ngak nong daong ka mikva paglong kein laba kinh te dut saong dom jalan ngak yau meng dahlau diah.

Gah Y tế dunya brei thau, tapa duah thau tuk camereip brei mboh biến thể Omicron njom mbak samar jang biến thể Delta min takik trak damak jang Panuac khan di gah Y tế dunya hu batabiak dalam tuk bruk duh hatai dak harei dak tagok ka biến thể bahrau tamuh di gah merong châu Phi ngak ka dom taneh ia brei kreih pabah mbang negar. Dom urang njom biến thể Omicron dok tagok samar di dom taneh ia di dunya . Di rilo taneh ia, dom urang njom meda glong jang dom rituh mbang dut song bruk hu thau. Biến thể bahrau tamuh jeng dok ba tal bruk kamlah gauk ka siam lagaih pacang cakak song mbang klauk vaccine pabak mbang ka 3. Min, tui gah Y tế dunya, njauk caik mbang klauk pabak brei ka dom labik urak ni oh ka hu klauk rilo vaccine.

Hãng tin RIA di Nga brei thau, Mentri Ngoại giao taneh ia ini caong khin lac jalan nding braong ba khí “Dòng chảy phương Bắc 2” meda hu brei harak chứng nhận di bian xuân ini piah samar ba tame ngak bruk. Urak ini, danak dak Dòng chảy Phương Bắc 2 daok gaok kan kandah kayua bruk catang tagok pambak tal Ucraina. Tui khaw tin meng Nhà Trắng, Đức hu sanya brei padeih jalan nding brong “Dòng chảy Phương Bắc 2” meyah Nga peih bruk quân sự ngan saong Ucraina. Dahlau di nan, harei 16/11 meng blaoh Đức brei padeih bruk brei harak chứng nhận di danak dak jalan nding brong “Dòng chảy phương Bắc-2” ba khí cuh meng Nga tal Đức. Jabat ngak bruk năng lượng Đức khan brei thau bruk brei padeih dui atah tal tuk công ty ngak bruk danak dak ngak salah blaoh bruk saong c.ty Đức dom harak gal tui hukum.

Dom mbang ginum dalam dhi ginum biai ka 7 piah pambuak veik thỏa thuận hạt nhân Iran hu peih tabiak harei kabroi Vienna, Áo. Dalam panuac khan bahrau di abih, urang lambaok di Liên minh châu Âu ka tacei ba dom mbang ginum biai pasiam veik thỏa thuận hạt nhân Iran ong Enrique Mora brei thau, hadei di dom mbang ginum biai di dalam dom taneh ia saong ginum biai di dom taneh ia, mbang ginum biai ka 7 hu peih veik di harei page. Dalam mbang ginum biai ni, dom gah hu peih ginum biai ủy ban hỗn hợp saong dom mbanh taom gaok di 2 gah. Dahlau di nan, urang jakar Iran ndom lac halan hatain pambuak bruk ginum biai hạt nhân tui jalan ramik veik bo negar ni hu pok tagok di adit dahlau. Iran jeng ndom lac dom taneh ia phương Tây daok ngak brei klaih klaoh bruk ginum biai./.

Urang lang: Hani Pha – Bhumi – 09/12 19:00:00