bhap bini Viet Nam hu klauk jru pacang caga covid dalam harei jiak di ni 

Page ini 16/6, Mentri Y tế brei thau dalam 12 mon tapa, dalam negar hu 92 urang birau njom Covid-19, dalam nan hu 1 urang brei daok karei chip hadei di tuk tame negar di Ban raya HCM. Dom urang birau njom ruak kuhria meng harei 27/4 mbiah tal ini lac  8.087 mbang, dalam nan hu 1.765 urang hu taong dhit ruak. Dalam negar hu TP Đà Nẵng tapa hu 14 harei oh hu urang njom barau. Kuhria abih tih hu 24 tỉnh, ban oh hu urang ruak barau dalam 14 harei tapa.

Phó Thủ tướng Vũ Đức Đam njauk hatai hong panuac caong di Ub bhap bini ban raya  HCM ka bruk blei song blei meng negar langui vaccine Covid-19. Rajaei hu panuac ieu bruk peih ngak , pathau khan njauk plaih bruk "meriak gauk blei, jhul yaom  vaccine tagok glong ". Daok bruk klauk jru, Mintri  Y tế taduan bruk brei adat , pasang iek , khik ramik vaccine; tacei pato bruk klauk jru tui njauk caong khin, khik ramik siam mekre salamad .

Mentri Y tế daok kuhria caga ka bruk klauk jru caga ruak praong abih meng dahlau mai ini piah caga Covid-19 ngan saong 15.000 labik brei klauk jru, gah bol lin padang 8 gilang khik piah, pajeng ba vaccine. Mentri Thông tin saong Truyền thông rik tame phần mềm klauk jru piah parabha bruk klauk jru tapa online, tui iek tacei pato bruk klauk jru saong labik klauk jru; pahadar 2 tuk sa mbang  tui iek phản ứng hadei di tuk klauk jru. Dom urang oh pandar smartphone brei hu liak phone di tổng đài payua tin nhắn cambaic laic pambuak tal bruk klauk jru.

UB bhap bini ban raya .HCM bahrau tabiak harak brei mek veik  3 ký túc xá sang bac  ĐH di ban raya  ngak labik brei dok karei piah caga bruk  ban raya hu meng  500-1000 urang ruak  Covid-19. Nan lac dom ký túc xá di  ĐH Tôn Đức Thắng (Quận 7); ĐH Bách Khoa (Quận 10) song  ĐH Sài Gòn (Quận 8).  Dahlau di nan , ban raya.HCM jeng tabiak harak brei mek 7 ký túc xá ngak labik brei dok karei  pacang caga Covid-19.

Công ty BOT Trung Lương - Mỹ Thuận birau payua harak ka UBND tỉnh Tiền Giang ka bruk peih ngak danak dak jalan cao tốc Trung Lương - Mỹ Thuận. Urak ini, danak dak hu peih ngak 31 dalam 36 pok thầu padang ngak. Bruk ba tabiak lac ngak salah saong brei radaih peih tapa iek di bilan 11/2021. Yau nan min, jit Covid-19 sraw kadau ngak ka yaok rituh urang ngak  brei daok karei. Jalan langyah samar drah nan lac ba urang ngak meng dom labik karei di danak dak oh gaok kan kandah kayua jit tame ngak bruk. Công ty BOT Trung Lương-Mỹ Thuận jeng likau brei klauk jru vaccine Covid-19 ka 1.500 urang jakar, urang ngak di danak dak. Jien blei vaccine kayua doanh nghiep bayar.

Urang metai kayua Covid-19 di  Mỹ yam tapa  600 ribau dalam harei  15/6. Min, dom urang njom bahrau, tame sang iek ruak song metai  hu trun biak rilo dalam tuk vak tapa  meng hu danak dak klauk jru di grauk labik dalam negar  . Jaik abih urang Mỹ hu klauk meng kreih bilan  4 song mbiah tal urak ni hu tal labaih  43% rahra dalam negar hu klauk ginup. Karja  Tổng thống Biden urak ni dok jhul patagok bruk daok pamaong tal, lac 70% urang prong di  Mỹ hu klauk takik di abih  1 mbang  vaccine dahlau di harei  Quốc khánh 4/7.         

Rajaei Phap daok peih bruk klauk jru vaccine pacang caga Covid-19 ka dom urang umo meng 12 thun tagok. Min dom urang nan brei pabak ginup kadha hu klauk vaccine saong hu amaik ame atau urang raong ba brei klauk jru. Gam haong Pháp, rilo taneh ia kaya meda di dunya jeng daok peih praong bruk klauk jru vaccine ka urang umo ranaih jang.

Thủ tướng Hun Sen brei thau, Campuchia meda klauk hu jru pacang  Covid-19 ka labaih  10 triệu urang dalam bilan 11/2021. Tal harei ni, Campuchia klauk hu blaoh ka  labaih 3 triệu urang, samu  30% bruk batabiak. Dahlau di nan, Campuchia jeng hu padang Ủy ban pakat negar pacang caga jit Covid-19 kayua Thủ tướng Hun Sen dang tabiak tacei pato./.

Urang lang: Hanipha- Ái Nghiêm -16/6