Urang y te di dom sang iek ruak kayua Mentri Y te khik iek kayua dom sang iek ruak khik iek pasak y te bayar

Mentri Y te hu harak payua UB bhap bini dom tỉnh, ban, sở y tế dom tỉnh ban saong dom gah pambuak tal ka bruk bayar jien ngak bruk pacang caga jit ka urang jakar y te, urang halan tian nao daong dom tỉnh pacang caga jit Covid-19. Meyah labik brei ieu pataom menuac daong pacang jit hu kadung jien bayar bruk pacang jit meng jien mek ame njauk adat hukum saong pok jien rik daong ye gah hu brei bruk dang tabiak peih bruk pacang caga jit Covid-19 brei bayar. Daok urang jakar, urang y te di dom sang iek ruak kayua Mentri Y te khik iek hu brei tame daong bruk pacang caga jit ye kayua dom sang iek ruak khik iek pasak y te bayar.

Sở Công thương ban raya.HCM bahrau hu harak payua UB bhap bini ban raya likau brei adat ka labik pablei salih pandap mbang menyum hu pablei pak di labik song brei khik hu dom bruk piah ngak. Tui panuac likau ni, oh kuhria nhà hàng peih bruk likhah caga, nhà hàng di dom labik padeih padei, labik rivang main duh ka tuai du lịch, dom labik pablei salih karei brei kreik pabah mbang dahlau di mon 9 yaok melam song hu duh rilo di abih lac meteh pren ngak. Iek tui bruk jit ruak di dom labik, brei adat ka quận 7 song ban Thủ Đức hu ngak iek bruk pablei salih pandap mbang menyum hu cồn di dom labik kayua akaok UBND quận 7 song ban Thủ Đức batabiak.

Page 27/10, Balai Biên phòng pabah mbang negar cảng Nhà Rồng di Biên phòng pabah mbang negar pabah lamnge TPHCM brei thau, birau daong hu ka dua urang gaok bala angaok kraong Đồng Nai. Bruk nan rah tabiak di melam blaoh, kapal ĐN-1131 pajeng labaih 100 khối patau padang ngak angaok jalan kraong meng Đồng Nai nao Long An, tal labik jaik Balai khik iek ka 2 ye 1 urang blait takai, laik trun kraong. Sa urang karei padau trun daong min kayua langik sup saong ia nduac khang nan ye oh daong hu saong njauk mblung ia. Hadei di tuk sraong daong hu, urak ini dua urang nan prein yawa hu siam.

Công an huyện Hàm Thuận Nam, tỉnh Bình Thuận pasang iek quán karaoke Bình Minh di ban sit Thuận Nam, mboh hu rilo urang dok doh di 2 balik, dalam nan hu 6 urang Trung Quốc ngak bruk blei thanh long. Dut iek test samar mboh lac 17 urang dương tính song jru phiel. Langiu di bruk ngak brei cambaih laih dom bruk ngak suan , công an dok ngak harak gar langyah dom urang ni kayua ngak suan hukum pacang caga jit. Ban sit Thuận Nam dok lac bhum pakat 2 ka jit ruak (bhum katam). Karja oh ka brei adat karaoke hu peih ngak veik

Harei 27/10, UBND tỉnh An Giang hu harak iew brei pakhang bruk tui iek saong pasang khik jit Covid-19 tuk peih ngak Sarak 128. Caong khin dom bhum palei brei pasang iek taong abih urang mai meng dom tỉnh, ban hu urang njom ruak rilo yau TP.HCM, Bình Dương, Đồng Nai, Long An…saong dom labik pakat 3,4. Tui Sở Y tế tỉnh An Giang, rilo sruh jit mai meng bhum tamuh jit ruak dalam tukvak jaik ini mboh lac kayua menuac eng drei mai meng bhum jit rilo. Tal urak ini, An Giang hu jaik 65.000 urang mai meng Ban ray HCM saong dom tỉnh karei, dalam nan hu labaih 1.000 urang njom Covid-19

Dalam harak ndom puac di nyaom biai pakat glong ASEAN song Australia rah tabiak di bier harei ni, Thủ tướng Australia Scott Morrison hu panuac sinya pabak 10 triệu mbang vaccine pacang COVID-19 ka dom taneh ia ASEAN song 124 triệu đôla Australia piah dong ka dom gah kinh tế dalam bhum. Langui bruk vaccine, di nyaom biai, Thủ tướng Morrison jeng ndom lac AUKUS, bruk an ninh bahrau hu padang di taneh ia ni haong Anh song Mỹ oh ngak salih panuac sinya di Australia ngan song ASEAN jang yau meta mong di ASEAN ngan song bhum Ấn Độ Dương-Thái Bình Dương.

Jabat y te Thái Lan tah klaak bruk lac hu biến thể phụ AY.4.2 di virus corona, daok ieu lac Delta Plus di taneh ia ini yau dom panuac brei thau dahlau di nan. Urak ini, hu 42 taneh ia di dunya hu bien the nan. Dahlau di nan, truyen thong Thái Lan ba panuac di yam ndoc Pasak pasang iek jit ruak saong mbuan tamuh jit y te Thai Lan brei thau urang akaok meti njom bien the phụ AY.4.2 meng bilan 9 thun ini, urang ruak urak ini hu siam blaoh saong brei nao sang. Tal urak ini, Thái Lan hu 18 biến thể phụ di virus Delta ngan saong 1.000 mbang urang njom mbak.

Hãng jru Mỹ Moderna bahrau khan lac meda pablei 110 triệu mbang vaccine pacang COVID-19 yaom beir di abih ka dom taneh ia châu Phi. Tui Moderna, panuac sinya ni lac binah pabak ka bruk sanya pabak 500 triệu mbang vaccine ka danak dak COVAX meng ni tal thun hadei. Langui di nan, Moderna jeng khan lac buh jien tabiak 500 triệu đô la piah padang ngak sa labik ngak vaccine mRNA di châu Phi./.

Urang lang: Ai Nghiem – Hani Pha – 27/10