Mesraiy jien Gilang pariak sarak karja piah patruh kathaot.

Sang ông Lò Văn Hưởng, bangsa Thái, daok di bản Bon, xã Mường Bon, huyện Mai Sơn, tỉnh Sơn La, dahlau thiah lac sang kathaot. Mesraiy jien Gilang pariak sarak karja saong tari tarieng ngak mbang pala drak, sang ông Hưởng hu patruh kathaot. Kadha vak di Thanh Thủy, urang vak di rayo sap ndom VN brei thau ka ông ini:

“Bruk hagait dahlak jeng kham merat ngak piah lkuhria kinh tế ka sang saong brei ka 3 urang anek mbang bac ginup” nan lac panuac khan di ông Lò Văn Hưởng, hội viên Chi hội urang nong bản Bon, xã Mường Bon, huyện Mai Sơn, tỉnh Sơn La. Diuk pasang ông Hưởng hu 3 urang anek, 2 likei, sa kumei. Dom thun dahlau, sang ông lac sang kathaot di xã Mường Bon.

Thun 2009, ông Hưởng hu kapul urang nong xã daong brei mesraiy jien anek saih, sinh viên di Gilang pariak sarak karja huyện 12 triệu đồng piah brei ka dom urang anek nao bac. Ông likau mesraiy 12 triệu meng danakdak hacih saat alam moi truong, mek paok jien ini ngak sang vệ sinh, ngak var raong.

Bilan 3-2016, tapa kapul urang nông, ông Hưởng mesraiy Gilang pariak sarak karja 50 triệu đồng tui danakdak ba brei bruk ngak piah patagok kinh te sang. Ông buh tame padang var raong, blei anek pajaih, pasiam danao raong ikan. Urak ini ông Hưởng raong hu 2 drei kubao, labaih 10 drei pabui ralo, 3 drei pabui binai labaih 100 drei menuk, ada saong hu 500 m2 danao raong ikan. Ông kham merat pala padai, phun mbang baoh saong njam, ritak dom janih.

Tari tarieng, oh huac glaih glar, kinh te di sang ông Hưởng dak harei dak tagok, jien mek tame dak harei dak glaong. Thun 2016, sang ông hu jien mek tame abih tih jaik 100 triệu đồng. Ông Hưởng ngak hu baok sang 3 gian tak krak laneng lahei, raong dom urang anek mbang bac tal labik tal dhua./.

Thúy Linh