Ong Nguyen Xuan Phuc hu panuac pok tagok dalam tuk pahadar 60 thun harei Wa mai rivang palei 

Mesup 12/12, di labik inem krung Kim Liên, xã Kim Liên, huyện Nam Đàn, tỉnh Nghệ An hu peih ngak dalam praong prang bruk pahadar 60 thun Wa Hồ mai ravang palei mbang ka 2 (12/1961-12/2021) saong peih pakak Sang pahadar CT HCM dalam mblang bein labik inem krung. Ong Nguyễn Xuân Phúc – akaok negar mai hu mbaok saong hu kadha ndo puac praong. Biar harei nan, UBND tỉnh Nghệ An hu peih ginum biai “Khik ramik saong patagok inem krung ilamu Hồ Chí Minh angaok palei di Gait” piah pataom veik dom harak gar roh duah, taong yaom abih bruk, meng nan ba tabiak dom jalan khik ramik, paagokinem krung ilamu ka CT Hồ Chí Minh mangaok palei Nghệ An.

Tui taong yaom di Cục pasang iek pacang caga pablei salih pandap pakauk (Tổng cục Hải quan), dalam thun 2021, yaom lac di jalan tapen negar hu ngak catang kayua jit Covid - 19 tamuh tabiak, min bruk pablei salih, pajeng jru phin suan hukum jeng daok rahtabiak sarau kadhau. Tui kuhria, puac thun meda daok tagok bruk pablei salih, pajeng ba suan hukum jru phin. Piah pacang caga jru phin hu siam lagaih, kapul Hải quan daok brei peih ngak samu gauk rilo bruk ngak piah pasang iek gah hải quan, tui iek, ngak siam bruk kuhriamboh dahlau, thau cambaih menuac, gah jalan, labik daok, pandar siam lagaih jamraik pasang iek kadung tiek, sau nghiệp vụ, mac dut iek samar piah samar drah duah mboh jru phin, paglaong bruk pambuak haong dom kapul chức năng karei peih bruk pasang iek ngan haong abih tih pandap panda, tuai damaui, radaih meng dom labik mbuan rahtabiak glaong bruk pablei salih jru phin. 

UBND tỉnh Ninh Thuận bahrau hu harak công nhận; brei harak chứng nhận ka 20 janih pandap ngak kong palei pala pakat tỉnh thun 2021; dalam nan hu  4 janih pandap daok dalam nyaom thủ công mỹ nghệ haong 16 janih pandap daok dalam nyaom pandap hu ngak meng kaya nong, kaya glai, kaya ikan saong padai brah. Ini lac dom pandap siam, bingi, hu yaom pandar glaong, hu prein cakrok, peih praong darak pasar saong pabak hatai takre di urang blei pandar daok dalam saong langiu taneh ia.

Hu peih tabiak meng harei 10 – 12/12, Harei roya bilan liar Bắc Hà 2021 dieh yau sa dalah apui daong pabak prein ka mblang taneh rivang main yau hu ieu lac labik “mbon ciek putih” di Lào Cai. Anak bruk njom mbak di Covid-19 daok rahtabiak sarau kadhau, njauk khik tani tanat bruk pacang caga jit, labik peih bruk hu peih dalam labik Dinh thự Hoàng A Tưởng. Min oh njauk lac yau nan bo lahik nao bruk chreih chrai, bui sambai, ilamo bhian hu di Bắc Hà.  Mai tal harei roya thun ini, tuai damuai jeng daok mboh bruk pacacah anek saih biak ghieh. Taphia di nan, dom ilamo bhum ciek glaong jeng hu mBan peih bruk peih pagam pablak tame dalam Harei pacacah pandap mbang “paok lisei Bắc Hà”; Harei bingu hoa hồng gam haong dom bruk daoh tamia biak ghieh saong dom mbang ngak iek bruk ngak meng kan meng tangin takai, tapa palak tangin biak ghieh di dom urang naih joi.

Melam 12/12/2021, angaok mblang caoh mbanh Bishan, Singapore, kapul dit blong Việt Nam dit mbang kapul Malaysia 3-0 dalam mbang dit ka 2 di bảng B, AFF Suzuki Cup 2020. Jayah ini di gru saih HLV Park Hang Seo hu ba Kapul Việt Nam yam tagok dang dhi 2 dalam bảng B, tuk hu 6 điểm yau gauk min takik baoh mbang jang kapul dang akaok lac Indonesia. Tapa mbang dit ini, urang takre caoh mbanh jia lac kapul Viet Nam meda khik caga labik dang akaok di AFF Cup.

Tui pathau khan bahrau abih di Gah Y tế dunya (WHO), kuhria meng adit blaoh, biến thể Omicron hu njom mbak tabiak labaih 63 taneh ia, ngak patrun manieng siam lagaih di vaccine min nyu takik trak damak jang. Jeng tui pathau khan di gah Y tế dunya, tui duah thau oh ka ginup abih mboh lac Omicron meda tapa chủng Delta ka bruk njom mbak dalam rahra. Bruk siam lagaih lac yaom lac ka oh ginup dữ liệu taong yaom ka độc lực di Omicron min tal tukvak ini, dom urang njom bahrau mboh hanjuan atau oh hu triệu chứng hagait.

Dalam sa bruk karei hu pambuak tal, harei kabroi (12/12) Anh patagok tanut cảnh báo Covid-19 urak ini meng tanut 3 tagok tanut 4 kayua dom urang njaom biến thể Omicron di tanh ia ini daok tagok khang. Tok dalam harei kabroi, Anh hu gac 1.239 urang njaom biến thể Omicron, patagok abih tih dom urang njaom biến thể ini lac 3.137, tagok 65% duk haong sa harei dahlau di nan.

Dom urang ngak praong Iran harei kabroi hu panuac lac dom mbang ginum biai haong dom taneh dalam Kapul P5 pagam 1 di Vienna, Áo piah ngak pasiam viek sanya hạt nhân 2015 mek hu dom siam lagaih. Min, dalam panuac brei thau karei, Iran hu panuac oh njauk hatai dom taneh ia di châu Âu oh ba tabiak hu panuac halei pambuak tal bruk klaak dom taong phat pamaong tame taneh ia ni. Mayah mbang ginum biai bahrau oh jak jeng, Mỹ saong kapul dom taneh ia châu Âu hu mbaok tame ginum biai hu Pháp, Đức saong Anh, meda peih ngak dom jalan nao biak catang jang piah patagok bruk kateik greik Iran./.

Urang lang: Thu Thảo -Mousa phuong - 13/12