Rilo urang hu mbaok di harei pahadar 60 thun padang ngak MT bangsa peih paha gah merong 

Harei ini ( 21/12), di tỉnh Ninh Bình, Mentri Ngak nong saong patagok palei pala peih nyaom biai pataom iek veik 10 thun peih ngak Danak dak salih birau hành chính tukvak 2011-2020. Dalam 10 thun tapa, dom bruk salih birau hành chính tuk halei jeng hu Mentri Ngak nong saong Patagok palei pala maong lac bruk praong dalam tacei pato ba ngak saong mek hu rilo jak jeng praong dalam rik daong jhul pasamar bruk ramik veik ngak gah ngak nong saong padang ngak  palei pala birau. Meng thun 2015 mbiah tal harei 31 bilan 10 thun ini, Mentri Ngak nong saong patagok palei pala hu tabiak tui thẩm quyền saong pok tagok dom jabat hu thẩm quyền abih tih 282 sarak. Langiu di nan, Mentri jeng hu tabiak rilo harak gal tacei ba jalan ngak hu makna dalam piah peih ngak yaok kadha cambaic laic  di Danak dak salih birau abih bruk hành chính tui jalan ba tabiak, tui tacei pato di Rajaei, Thủ tướng Rajaei. Tapa bruk peih ngak salih birau hành chính di Mentri hu ba mai mbuan lagaih abih ka bhap bini, doanh nghiep buh jien tame ngak mbang patagok pablei salih gah ngak nong; paglaong bruk ba sarak tame ngak, bruk khik iek gah karja di Mentri saong pasiam hành chính dalam bruk khik iek di karja.

Mesup  20-12, Ủy banMTnegar Việt Nam ban raya HCM pambuak song  Ban thường vụ Thành ủy peih bruk taom mbaok pahadar  60 thun harei padang  Mặt trận bangsa peih paha gah merong  Việt Nam (20-12-1960 - 20-12-2020). Brei panuac di var taom mbaok , muk  Tô Thị Bích Châu – akaok  Ủy ban MTnegar Việt Nam ban raya HCM – payua panuac dar phol tal dom urang jakar, urang lin, boh sang  urang lin  dahlau daih hu mbaok di  Mặt trận bangsa yasa gah merong Việt Nam, Liên minh dom gah bangsa , babas siam mekre Việt Nam, Rajaei Cách mạng lâm thời Cộng hòa gah merong negar Việt Nam. Tui muk Châu, anak kan kandah di jit ruak  COVID-19 song bala meng langik tasik , patagok bruk ngak meng kan di  Mặt trận bangsa yasa gah merong Việt Nam, Ủy ban MTnegar  Việt Nam ban ray  hu peih ngak rilo danka dak dong ka mik va gaok bala. Jeng dalam mbang ni, muinyim  Mặt trận negar  Việt Nam hu jak ba bhap bini alin brei pandap hu pagam tal dakrai  mặt trận piah khik ramik parang iek. 

Biar harei 20/12, di Hà Nội, dalam chreih chrai pakacah gauk salam uan Nyaom roya Đảng pakat negar mbang ka 13, pahadar 76 thun Harei padang Bol bala bhap bini Việt Nam, 31 thun Harei Quốc phòng abih bhap bini, Đảng ủy, Chỉ huy Cục pacang caga ma túy saong tội phạm Bo đoi biên phòng peih ngak dalam praong prang Bruk taduan Angan Anh hùng bol pan phao kraong bhap bini samar salih birau. Ini lac bruk praong brei mboh jalan cak rok patagok  di đơn vị, lac bruk pachreih ba praong, saong jeng lac bruk pokmeyaom di Đảng saong Karja ka bruk ngak siam, naih joi saong bruk var klak rup drei di dom rairah nao dahlau, dom urang jakar urang lin di Cục Pacang caga matuy saong tội Bo đoi biên phòng dalam rilo thun tapa.

Ribuk ka 14 hu angan dunya lac  Krovanh daok ngak kan kandah tal negar drei . Pasak pathau khan langik tasik pakat negar  brei thau ribuk nao tui jalan Pai hadei di nan salih tui gah Tây Tây Nam,yaok tuk nao hu meng  10-15km song meda khang jang.Piah samar ba dom jalan pacang cakak ribuk ka 14,Mban tacei jalan pakat negar ka pacang caga bala meng langik tasik  hu peih bruk ginum bia chip  di beir harei  20/12, ieu Mban tacei jalan pacang caga meng langik tasik song duah dong urang gaok bala  di dom tỉnh, ban  tui iek catang jalan nao di ribuk 14,pathau khan ka dom po kapan,thuyền trưởng dom kapan gaiy dok di angaok tasik thau labik, jalan nao di ribuk piah samar nyaih .

Lime gu urang ngak raidiuk kan kandah meng dom tỉnh mai Bình Dương ngak bruk di dom khu công nghiệp  hu Pasak daong dam dara urang ngak ranaih umo tỉnh Bình Dương peih ngak ndam lakhah Zero đồng di harei kabroi. Dalam ndam lakhah nan, dom gru hu daong khan ao ngui cuk, karah lakhah, thaot binguk lakhah, kapal pandap mbang payak tuai, adat taduan metau kumei saong rilo pandap karei di mban peih bruk. Hadei di 5 thun, tal urak ini  Pasak daong dam dara urang ngak ranaih umo tỉnh Bình Dương hu ngak ndam lakhah ka jaik 30 diuk pasang. Tapa bruk ngak nan hu klak rabha dom kan kandah haong dom dam dara urang ngak dalam raidiuk; pahadah saong pambak praong bruk anit ranam di manuac sia brei ka dom diuk pasang urang ngak gaok kan kandah. Pasak jeng hu iew doanh nghiệp daong tame piah meda peih ngak hu rilo danak dak ndung bak makna brei ka urang ngak raidiuk kan kandah.

Rilo negar châu Âu yau  Pháp, Đức, Hà Lan, Italia, CH Ai-len dalam harei  20/12  brei padeih par, padeihg peih gaiy kapan mai meng  Anh hadei di tuk  khaw tin ka  janih  đột biến di  virus Sars-CoV-2 di Anh oh pasang iek hu .Bruk ngak sami samar di dom negar  châu Âu hu batabiak hadei di Thủ tướng Anh di melam 19/12 batabiak bruk pacang caga di ban ine London song bhum Đông Nam negar ni, hu labaih 48 triệu urang,kayua huac kanda bruk pambak prong di jit Covid-19 pagam tal dom janih bahrau di  virus Sars-CoV-2. Tui Thủ tướng Anh,janih bahrau di virus Sars-CoV-2 njom mbak glong jang 70% dut song janih klaak, yaom lac bruk ba tal ruak trak atau metai di janih ni meda oh salih karei.

Harei kabroi 20/12,Thái Lan peih bruk dut iek ruak ka yaok pluh ribau urang, sa harei hadei di tuk mboh sruh jit njom Covid-19 di 1 darak kaya ikan daok di Sa-mút Sa-khon (Samut Sakhon), tỉnh gah tây nam Băng-cốc saong lac pasak gah kaya ikan dalam ia di Thái Lan hu rilo urang daok negar karei tame ngak. Hu 4 urang ruak di labik ini harei 18/12 saong harei kabroi tagok tal 689. Thái Lan - taneh ia  hu 70 trieu bhap bini, mbiah tal harei ini bahrau hu labaih 5 ribau mbang urang ruak saong 60 urang metai.

Dom urang jakar an ninh I-rắc (Iraq) brei thau,takik di abih 3 boh suik praong cuh tame đại sứ quán Mỹ dalam bhum Hijao di Baghdad melam kabroi. Đại sứ quán Mỹ  brei thau mbang tong tame ngak khut khat dom pandap panda sit sarak dalam mblang bein đại sứ quán.Dahlau di nan,Đại sứ quán Mỹ di Baghdad hu caik jamriak pathau khan an ninh tuk dom nyaom vũ trang patagok dom mbang cuh suik tame  đại sứ quán song dom boh sang di Mỹ song  Iraq.Mỹ hu ba dom urang ngak  dalam đại sứ quán di  Baghdad di akaok bilan ni song brei khik veik dom urang ngak dahlau di harei pahadar sa thun harei Tướng Iran Soleimani njauk pametai digah langui  mblang kapan haoh  Baghdad dalam harei 3 bilan sa./.

Urang lang: Bhumi- Hanipha- 21/12