Rilo labik brei dok karei hu padang tagok 

Mentri Y tế brei thau, jala pandiak harei 28/6 hu 149 urang njom nCoV, dalam nan hu 146 urang dalam negar saong 3 urang tame meng negar langiu hu brei daok labik karei. Di Ban raya HCM hu 94 urang, dalam nan hu 46 urang F1 brei daok karei, 17 urang pambuak tal darak  An Đông - Quận 5, 9 urang pambuak tal darak Sơn Kỳ - Quận Tân Phú, 9 urang pambuak tal sruh jit labik ngak kong Tân Phú Trung, huyện Củ Chi, 6 urang pambuak tal darak Hoàng Hoa Thám - Quận Tân Bình, 7 urang daok duah thau jalan njaom mbak ruak.

Mesup 28/6, Sở Y tế TP.HCM brei thau, sang iek ruak dã chiến taduan raok, taong ruak Covid-19 ka 1, hu peih tabiak ngak bruk, hu 1.000 papan ndih iek ruak, caik di Ký túc xá Pasak pato pakai Quốc phòng saong An ninh di sang bac ĐH Quốc gia ban raya. Sang iek ruak hu brei bruk taduan raok, taong ruak ka dom urang bahrau njaom ruak dalam bhap bini atau dom urang tabiak ruak daok hu brei pataom daok karei, lac F1, F2 tamuh ruah tapa F0, oh hu triệu chứng atau hu min hanjul. Gam haong taong ruak, daok hu bruk parabha ruak trak atau hanjul piah samar ba nao labik taong ruak ka nyu lagaih.

Page ini, Sở Y tế Bình Thuận brei thau, hu 5 urang njom SARS-CoV-2. Taong abih dom urang nan jeng pambuak tal urang ruak Covid-19 di Khoa sản – Sang iek Đa khoa Bình Thuận ka 14252. Harei ini, huyen Hàm Thuận  Bắc brei pa-atah di gauk dalam xa hoi tui Srak 15 di Thủ tướng Rajaei; brei pacang caga puk 1, palei Phú Hòa, xã Hàm Trí; labik jaik sang ong Nguyễn Huynh, puk 7, palei Thắng Lợi, xã Hàm Thắng saong taong abih labik bo urang jaik ruak hu nao tal.Urak ini, Bình Thuận hu 7 urang njom Covid-19 saong 6 urang njom SARS-CoV-2.

Bảo hiểm xã hội Việt Nam brei thau, meda hu panuac ieu dom gah chức năng brei adat pandar căn cước công dân pagam “chip” salih ka thẻ bảo hiểm y tế tuk nao iek ruak. Bruk nan hu ba tabiak, iek tui bruk lac harei 1/7 tal, dom Cơ sở dữ liệu taneh ia ka menuac sia dalam negar  hu ba tabiak pandar. Bảo hiểm xã hội Việt Nam lac labik camereip abih lingiu gah công an hu pambuak pagam,  hu dữ liệu ini, saong hu pasang iek, duah thau 8,1 triệu thông tin yaok menuac urang meng hệ thống dữ liệu menuac sia dalam taneh ia.

Kapul Liên hiệp dam dara Việt Nam pakat negar brei thau, danak dak “Padang baoh sang dam dara haniem phol” vaktu 2021 -2025 hu peih tabiak, saong bruk praong lac pok meyaom dom baoh sang dam dara naih gheih, pambak praong dom ilamu siam mekre di baoh sang Viet Nam, tapa nan ieu bhap bini pachreih tui Harei Baoh sang Viet Nam 28/6 yaok thun. Sa bruk njauk caik hatai nan lac pakacah thaot binguk online ngan saong kadha “ Baoh sang ranaih umo thun haniem phol” piah ngak jeng labik me-in sambai  ka dom baoh sang brei mboh bruk ngak, ndem meyai dom panuac gheih dalam raidiuk, daok dang. Tui kuhria, bruk pok meyaom “ Baoh sang dam dara naih gheih” thun 2021 hu peih tabiak di puac bilan 9 di Ha.Noi.

Nam Phi bahrau jeng taneh ia bahrau di abih brei thau bruk patagok tanut pacang veik dalam negar kayua hu rilo menuac njom ruak pambuak tal anek ruak bahrau Delta, dalam tuk rilo taneh ia di châu Á haong châu Âu, dalam nan hu Nga, Bồ Đào Nha, Anh atau Indonesia jeng daok brei ngak catang dom jalan pasang iek jit ruak. Anek ruak bahrau Delta di virus SARS-CoV-2 njom mbak tabiak 85 qtaneh ia saong rilo urang ilamu huac lac mbuan hu dom mbang njaom bahrau di jit praong, tal urak ini ngak brei  jaik 4 triệu menuac metai.

Jit Covid-19 daok pambak praong di Australia meda ngak khat lahik trak ka kinh te di negar ini takik di nyu lac 6,3 tỷ đola Australia dalam dua adit. Kayua dom labik pacang cakak di bang New South Wales hu labaih 6 triệu 6 rituh ribau menuac saong rik tame 25% GDP dalam taneh ia. Ta-eng bang hu rilo menuac abih di taneh ia ini lac New South Wales meda khat lahik labaih 2 tỷ đô la Úc dalam 14 harei pacang veik.

Mesup 28/6, Mintri Quốc phòng Mỹ tabiak harak khan brei thau lac dom bruk cuh tame labik taphia negar Iraq - Syria, labik hu dom labik daok, di kol pan phao kraong hu Iran daong gah likuk. Bruk cuh nan hu ngak tui lệnh di Tổng thống Mỹ Joe Biden hadei di dom mbang kol nan taong tame dom kein laba di Mỹ daok di Iraq. Meng akaok thun 2021 tal urak ini, hu labaih 40 mbang kol nan taong tame dom labik kein laba di Mỹ daok di Iraq. Urak ini hu 2.500 lin Mỹ hu mbaok tame kapul pambuak bruk dunya piah taong palahik kol IS daok di Iraq./.

Urang lang: Mousaphuong -Ái Nghiêm -28/6