Kapul dong pandap mbang ka dom urang kan kadha dok gar veik di di Đà Nẵng

Pathau mikva saong taong abih gauk! Mesup ini 14/8/2020, di sang ngak ndam metai pakat negar (labik ka 5 Trần Thánh Tông, Hà Nội), mBan CHTW Đảng, QH, akaok negar, Rajaei, UBTWMT negar Việt Nam peih ngak dalam praong prang ndam mertai di ong Thượng tướng Lê Khả Phiêu, dahlau daih ngak Tổng Bí thư, saong ngak Chủ nhiệm Tổng cục Chính trị Bol bala bhap Việt Nam tui adat ngak ndam mertai pakat negar dalam 2 harei (14 và 15/8). Kapul dang tabiak ngak ndam metai ong Lê Khả Phiêu hu 35 urang kayua Tổng Bí thư Ban CHTW Đảng Cộng sản Việt Nam, akaok negar CHXHCNVN Nguyễn Phú Trọng dang akaok kapul.

Meng maong 6 mesup, di mblang bein Ba Đình, anak kalan Chủ tịch Hồ Chí Minh, rah tabiak adat tuan cờ rủ piah brei thau bruk ngak ndam metai di ong Lê Khả Phiêu – TBT dahlau daih hu peih tabiak. Meng dah page, rilo bol bhap rahra, urang jakar, urang lin hu mbaok di labik sang ngak ndam metai, brei mboh hatai anit ngan saong ong Lê Khả Phiêu, urang pan akaok naih gheih di Đảng, karja saong bhap bini drei, urang lin cộng sản abih hatung hatia ka taneh ia, ka rahra. Jeng dalam vaktu nan, di Hội trường Thống Nhất, ban raya HCM haong di Hội trường 25B, jalan Quang Trung, ban sit Thanh Hoá, tỉnh Thanh Hoá jeng hu peih bruk ravang, sirah truy điệu ong Lê Khả Phiêu.. Rayo papar binguk  Việt Nam song rayo sap ndom  Việt Nam  papar sap papar binguk tapak  Lễ viếng, Lễ truy điệu song Lễ an táng ong  Lê Khả Phiêu di  Hà Nội, ban raya  Hồ Chí Minh, tỉnh Thanh Hoá.

Taneh ia drei bahrau hu gac 6 urang ruak Covid-19, dalam nan dii Hải Dương hu 3 urang saong di Quảng Nam hu 3 urang. Yau nan taong abih urang njom mbiah tal tukvak ini, lac 911 ca, dalam nan hu 327 urang njom meng nehar lingiu tame hu brei daok paatah chip. Piah plaih bruk jit ruak njom mbak, tỉnh Hải Dương brei paatah di gauk dalam abih ban Hải Dương meng harei ini 14/8.  Urang ka 21 metai kayua njom COVID-19  hu khan brei thau di tuk mesup ini. Nan lac urang ruak ka 585, lac kumei,  61 thun, daok di Huyện Hòa Vang, ban Đà Nẵng. Makna metai lac  Viêm phổi kayua COVID-19 ba tal kan suak yava, saong dahlau daih dalam rup hu ruak me-ik saradang type 2, tagok darah saong lamek labaih kilo.

Đà Nẵng urak ni hu labaih 15 tal 16 ribau urang ngak tự do rilo  tỉnh, ban gah kreih negar dok gar veik di dom  labik sang trọ, dok tạm. Meyah kuhria taong abih urang ngak langiu  tỉnh yau công nhân, urang ngak dok ngak bruk di dom  sang  máy, xưởng, khu chế xuất, khu công nghiệp..., ye meda tagok labaih 110.000 urang.  Kan kandah di abih lac meng  15-16 ribau urang ngak tự do lihik bruk ngak. Dalam dom urang ni, hu labaih 7.600 urang khin mai palei song labaih 6.700  anek saih sinh viên dom sang bac Đại học Cao đẳng dok gaok kan kandah.  Ong Nguyễn Văn An, Phó Giám đốc Sở Lao động, Thương binh song Xã hội ban  Đà Nẵng brei thau , dom tỉnh ban hu mbaok tame dong ka urang nan brah, pandap mbang. Tapa bruk ngak nan, labik halei kan kandah ye dom tỉnh ban hu mbaok tapak dong brei.

  Mintri Công Thương hu peih nyaom biai pataom iek veik danak dak patagok bhum ceik bhum atah bayah saong pulao kaoh tukvak 2015 – 2020. Tapa 5 thun peih ngak, danak dak hu ba mai dom siam mekre gah ngak mbang, pala drak, pabak saong blei pandar di dom labik daok rilo kan kandah. Lingiu di pambuak pagam saong dui pachreih hu dom urang ngak mbang, doanh nghiệp đầu tư, patagok bruk blei, yaih khan pandap panda kaya nong, kaya glai, kaya ikan tapa dom nyaom biai, ginum biai daok padang hu bruk pabak pandap, blei kaya nong vharau saong khang kajap. Rilo kaya pandap bhum palei yau paok  Sơn La, sâm Ngọc Linh, bơ sáp Đắk Lắk, cá hồi Sa Pa, alak sim Phú Quốc,… hu peih tabiak jalan tame dom labik pablei hu angan je dalam taneh ia saong pablei tapa darak pasar negar lingiu.

Harei ni, Hội đồng Bảo an Liên hợp quốc hu plaik phiếu ka bruk dui atah tuk vak  adat oh pablei pahao ndao ka  Iran tui panuac ieu di Mỹ. Bruk plaik  phiếu hu khan di harei page. Adat  oh pablei phao ndao dui atah  13 thun  hu abih pandar tal bilan 10 tui  thỏa thuận hạt nhân thun  2015 di Iran, Nga, Trung Quốc, Đức, Anh, Pháp song  Mỹ, pacang Iran patagok  vũ khí hạt nhân piah salih mek veik bruk yah klaak dom bruk  trừng phạt. Dalam sa kham merat  piah hu bruk rik dong di  Hội đồng bảo an, Mỹ njauk cakak  sarak  nghị quyết di drei  dok  4  labik mbuan si lac peih prong  adat  padeih pablei vũ khí ka  Iran "mbiah tal tuk Hội đồng Bảo an hu jalan ngak karei ," ndom lac, nan lac  "bruk njauk ngak piah pambuak salamad dunya song  an ninh."

Ngoại trưởng Mỹ Mike Pompeo harei 13/8 brei thau lac hu panuac ieu Bộ Giao thông Mỹ brei padeih bruk pah kapal haoh par tal taong abih dom mblang kapal haoh di Cuba, dalam nan hu ban ine di  taneh ia ini. Mỹ tok brei adat ka dom mbang par nao – mai ban ine di Cuba hu pakat hu thẩm quyền brei adat piah duh ka bruk iek ruak, fuah urang njauk bala atau dom bruk nao mai hu kein ka Mỹ. Panuac di ong Pompeo daok hu ndom lac karja urak ini di Mỹ daok duah jalan cakak abih jalan ba jien tame di rajaei Cuba, dalam nan hu bruk du lịch saong dom hotel kayua karja ngak po.

Pathau khan hAarak mbao di mintri  Y tế LB Nga ndom lac, bruk ngak iek di  Nga hu ginup brei mboh  vaccine Sputnik 5 hu siam mekre glong song meda ngak tabiak miễn dịch dui atah tal 2 thun. Negar Nga urak ni lac negar camereip di dunya  khan lac  hu vaccine pacang COVID-19. Oh kuhria dom medhi ka bruk siam mekre song kein lagaih di janih vaccine ni  tuk nyu oh ka tapa abih tuk vak ngak iek  lâm sàng quy mô prong. Tui Giám đốc Pasak Gamaleya, labik dok ngak tabiak  vaccine Sputnik 5, Nga oh jeng lac meng jalan ngak  ka  0. Anak meta, dom urang ilamu Nga hu roh duah công nghệ ni meng 25 thun dahlau, urang ngak tabiak 3 tal 4 janih  vaccine tui jalan ngak ni. Bruk ni brei adat ka dom urang ilamu  Nga ngak veik dom bruk hagait hu patui ngak dalam tuk vak takut di abih meda ngak hu, piah ngak tabiak vaccine pacang  COVID-19./.

Urang lang: Hani Pha – M. Phương – 14/08 10:51:32