Thu tuong Nguyen Xuan Phuc rivang tangi sua urang lin 

Mesup ini (14/9), Mintri Y tế brei thau lac oh hu urang halei nim bahrau  Covid-19. Dalam negar hu abih tih 1.063 urang ruak. Dalam nan, biar harei 13/9 hu 3 urang ruak njom Covid-19 meng Nga mai veik palei negar, hu brei daok pa-atah chip hadei di tuk tame.

Tui kuhria maong 3 bier harei ni (14/9), TA bhap bini ban ine Hà Nội meda peih bruk langyah tui hukum 29 urang duas pametai manuac, pacang cakak urang jaka ngak bruk rahtabiak di Đồng Tâm, Mỹ Đức, Hà Nội. Duas ni hu 3 urang công an, metai dalam tuk ngak bruk. Dahlau di nan, Viện Kiểm sát bhap bini ban ine Hà Nội hu ba tabiak tanut taong phat 29 urang nan. Tui nan, 19 urang hu panuac brei salih duas meng pametai manuac tapa duas pacang cakak urang jaka ngak bruk. Daok Lê Đình Công haong Lê Đình Chức njauk đề nghị án Tử hình,  Lê Đình Doanh njauk Chung thân. Rilo urang karei hu đề nghị brei án treo. Di tòa, 29 bị cáo jeng taduan bruk ngak suan hukum caong hu Hội đồng langyah pasang iek trun tanut taong phat.

Pambuak tal bruk pate Minh Chay di Cty TNHH Hai thành viên Lối Sống Mới (Đông Anh, Hà Nội) njom anek ruak Clostridium Botulinum ngak brei dom urang njom jru mek trak, Pasak pacang jru mek Sang iek ruak Bạch Mai brei thau, dom bác sĩ bahrau pasang iek tapak, pilih ruah jalan taong ruak tui prein yava di urang ruak piah pasamu jru pacang mek Botulinum kayua Gah Y tế dunya daong tame dom tỉnh, ban gah meraong. Dalam nan, 6 klaok jru hu ba brei ka 6 urangruak daok gah meraong negar, dom jru daok veik daok hu khik piah. Meng di tuk mai tal ban raya HCM, dom janih jru taong mek nan hu jao brei dom gah khik iek jru di sang iek ruuak Nhân dân 115 piah samar ba tal dom labik iek ruak

Di bhum taneran kraong CL, yaom ralaow pabui daok trun khang. Di dom tỉnh: Tiền Giang, Bến Tre yaom ralaow pabui labaih 8 triệu đồng/tạ, ralaow bien lac 7,5-7,8 triệu đồng/tạ, trun jang bilan dahlau  jaik 1 triệu đồng/tạ. Bruk njauk ndem lac, yaom lac ralaow pabui trun khang min yaom ralaow pabui di dom darak pasa, kadai quan jeng daok glaong, bahrau trun meng 5.000 - 10.000 đồng/kg.

Nam Bộ jeng yau di ban raya HCM jaik hu 1 mbang hajan praong dui atah tal harei 20/9. Rayo khí tượng thủy văn bhum Nam Bộ mboh lac urak ini hu 1 rãnh áp thấp tapa bhum Nam Trung Bộ - Nam Bộ bahrau tamuh tabiak. Dom tỉnh Nam Bộ meda hu hajan praong, hajan mbiah saong hu ngin, rabuk. Hu dom tỉnh ban hu hajan praong tal biak praong. Gah chức năng brei thau lac dalam hajan ngin hu rabuk, jakala, hajan praong meda ba tal dauk saong mbuan jaleih phun hijao.

Gah Y tế Thế giới WHO harei kabroi brei thau tanut glaong di abih ka  dom urang njom Covid-19 bahrau dalam 1 harei di dunya lac 307.930 urang. Dom urang njom rilo abih dalam 24 maong tapa hu mboh di Ấn Độ  lac labaih 94 ribau urang; hadei di nan lac Mỹ hu labaih 45.500 urang saong Brazil lac 43.700 urang njom bahrau. Taong abih dom urang njom kayua Covid-19 di dunya tal urak ni lac labaih 917.400 urang.

Thủ tướng Israel Benjamin Netanyahu brei thau lac taneh ia ini meda peih bruk pacang cakak abih taneh ia dalam 3 adit. Meng harei 18/9. Tukvak pacang cakak njauk di tuk rah tabiak dom lễ hội Rốt Ha-xa-na (Rosh Hashanah) saong Y-um Kíp-pua (Yom Kippur). Min bhap bini Israel brei daok dalam labik 500 mét kuhria meng sang tabiak. Sang bac saong pasak pablei salih brei kreik pabah mbang min siêu thị saong tiem jru jeng daok hu peih pabah mbang piah pabak ka bhap bini. Dom bruk pataom gauk rilo menuac dalam sang oh tapa 10 urang saong gah lingiu langik lac oh tapa 20 urang. Tui hãng tin AFP,  Israel urak ini lac taneh ia dang ka 2 di dunya, hadei di Bahrain hu menuac njom Covid-19 rilo kuhria tui akaok menuac dalam taneh ia

Harei ni (14/9), di Nhật Bản daok rah tabiak bruk pilih ruah piah pilih tabiak urang dang akaok Đảng Tự do Dân chủ (LDP), jeng lac Thủ tướng Nhật Bản. Urak ni hu 3 urang daok pakacah gauk  ka bruk ni. Tui yaok pataom camriep hu labaih 70% dom nghị sĩ njauk gauk pachrieh tui ong Yoshihide Suga, urang dang akaok jabat rajaei Nhật Bản. Di bhum palei, ong Suga jeng daok mek hu bruk pachrieh tui, dom phiếu bầu urak ni hu labaih meteh. Hadei di tuk pilih uah tabiak urang par akaok Đảng, harei 16/9 meda hu mbang nyaom Quốc hội piah phê chuẩn urang ngak Thủ tướng bahrau ka Nhật Bản./.

Urang lang: Mousaphuong -Thu Thảo