Rilo labik dok klah rabha brah ka mik va kan kathaot 

Mesup ini (15/10), dalam harei ngak bruk ka 3 jeng lac harei ngak bruk puac abih di nyaom roya Đảng bộ tỉnh Bình Dương mbang ka 11, vaktu 2020 - 2025, Kapul dang akaok nyaom roya hu pathau khan ka mbang nyaom camereip di mBan Chấp hành Đảng bộ tỉnh mbang 11. Ong Trần Văn Nam hu pok ngak veik Bí thư Tỉnh ủy Bình Dương, vaktu 2020 – 2025. Di nyaom roya, hu rilo panuac rik daong tame dom bruk ngak praong di tỉnh Bình Dương dalam vaktu 2020-2025, abih di nyu lac jalan ngak piah paglaong siam lagaih  bruk pato pakai chính trị, jalan sahneng, rik daong tame khik caga jalan sahneng di Đảng dalam vaktu bahrau, dak padang, patagok Đảng, kapul nyaom dalam dom doanh nghiệp lingiu karja, patagok samu gauk dom bruk đô thị kak haong padang ngak ban thông minh di tỉnh Bình Dương...

Nyaom roya Đảng bộ tỉnh Bình Thuận mbang ka XIV tuk vak 2020-2025 rah tabiak meng harei 14 tal  16/10”. Tuk vak tal, Đảng bộ tỉnh ba tabiak jalan ngak lac: tagok bruk dak padang, pasiam veik  Đảng hacih saat, khang kajap; patagok pren khang di abih gah chính trị song bruk jum pataom abih bhap bini; khik caga quốc phòng – an ninh; thau pagam pambak song ba drei tame dunya, paglong pren khang, siam lagaih bruk ngak di karja; ieu pataom song pandar siam lagaih, patagok abih gah, prong di abih lac patagok  3 janih: bruk ngak cong (năng lượng, chế biến); du lịch, thể thao tasik; bruk ngak nong pandar công nghệ glong; oh padeih paglong rai duik di bhap bini, kham merat jeng sa tỉnh dui pachreih dom urang ngak mbang prong, hu pren khang ba tỉnh Bình Thuận patagok samar song khang kajap ka kinh tế tasik, năng lượng song  du lịch.

Bilan brak thun ini meda kan kandah jang dalam bruk pacang caga jit Covid-19, nan lac panuac di Quyền akaok mintri Y tế Nguyễn Thanh Long. Mbiah tal urak ini oh ka hu taong yaom halei ginup di dom taneh ia angaok dunya ka jit Covid-19, min maong rah tapa meda lac tal tukvak ini mboh lac biak kan kandah dalam bruk mesruh pacang jit. Tui kuhria mboh dahlau, jit meda dui atah tal abih thun 2021 meng abih, kadha ini jeng hu makna lac taneh ia brei daok dalam kuhria caga piah mesruh haong Covid-19.

Hadei di sa tuk joa kandang, dalam adit tapaa, dalam tỉnh hu 3 sruh jit  bạch hầu song hu 3 urang ruak. Dalam nan hu 2 sruh  jit di xã Đắk Nuê song sa sruh jit di xã Nam Ka. 3 sruh jit jeng lac di dom labik  oh ka klauk vắc xin pacang caga bạch hầu song dok di bhum atah bayah di huyện Lắk . 3 urang ruak lac urang bangsa takik  . Gah y tế Đắk Lắk  peih dom jalan ngak samar drah piah piah pacang caga jit bạch hầu; pruh jru Cloramin B.Tui  ong Nguyễn Trung Thành, Phó giám đốc Sở y tế tỉnh Đắk Lắk, piah patagok siam janih vắc xin ni, bhap bini brei klauk ginup  2 mbang.

UBND TPHCM bahrau brei padang dom labik pa-atah di gauk di hotel ka urang brei daok karei halan hatian bayar jien jien piah pacang caga jit COVID-19. Tui nan, dom labik brei daok karei nan lac di 14 hotel daok di quận 1, quận 7 haong Phú Nhuận. Dom labik brei daok karei ini brei tui bruk tacei pato, khik iek, tacei ba di mBan tacei jalan pacang caga jit ruak COVID-19, saong brei tui tacei pato gah chuyên môn di Sở Y tế TP haong UBND quận, huyện.

Harei 14/10 (tui tuk vak New York), Hội đồng Bảo an Liên Hợp Quốc (HĐBA LHQ) hu ginum biai tapak piah ginum biai ka bruk di  Colombia song bruk ngak di Kapul pasang iek di Liên hợp quốc daok di  Cô-lôm-bi-a.Dom negar HĐBA hu panuac sinya dong ka rajaei  Cô-lôm-bi-  peih ngak Thỏa thuận Hòa bình; brei thau dom bruk patagok jiak di ni dalam bruk peih ngak Thoả thuận ni jang yau peih dom danak dak kinh tế, xã hội song dom jalan ngak pacang caga jit prong Covid-19 di Colombia.

Trung Quốc bahrau hu 20 urang bahrau njauk virus SARS-CoV-2, dalam nan hu 14 urang meng negar lingiu tame saong 6 urang njom mbak dalam bhap bini, hu mboh di tỉnh Sơn Đông. Trung Quốc hu brei dut iek. Hu labaih 4,2 triệu menuac di ban sit Thanh Đảo, dalam tỉnh Sơn Đông hu dut iek, kayua dom urang nan jeng pambuak tal sang iek ruak blac raih cada Thanh Đảo. Trung Quốc meda peih bruk pasang iek rilo menuac di ban 9 triệu menuac ini dalam tukvak katut panak di abih. Bruk hu 6 urang dương tính haong virus SARS-CoV-2 dalam bhap bini daok ngak ka urang mboh huac lac jit Covid-19 daok tamuh veik di Trung Quốc.

Gah báo chí di mintri Y tế Nga harei kabroi brei thau, Mintri ni hu brei adat ka 2 phiên bản jru pacang vi rút  Remdesivir hu pandar piah iek ruak ka urang njom Covid-19.Dahlau di nan, dom negar yau Mỹ, Japon, Hàn Quốc, Anh, Ấn Độ, song I-xra-en brei klaak bruk pandar Rem-đê-xi-vi piah iek ruak ka urang ruak Covid-19. Min, ni jeng lac sa dalam dom janih jru hu pandar piah iek ruak ka Tổng thống Mỹ Donald Trump tuk njauk ruak Covid-19./.

Urang lang: Mousaphuong- Hanipha- 15/10