Bruk pasang iek urang tame tabiak VN hu iek catang 

Mesup ini (15/3), mBan tacei jalan pakat negar pacang caga jit Covid-19 brei thau, dalam 12 mon tapa, dalam taneh ia oh hu menuac njom bahrau. Dalam tuk nan, domk menuac hu klauk vaccine Covid-19 daok tagok rilo. Kuhria meng harei 8/3 tal urak ini hu 11.605 menuac di 12 tỉnh, ban lac urang jakar, urang ngak gah y tế hu klauk jru pacang. Harei kabroi, danak dak klauk jru peih praong khan lac hu 2 urang oh pang jru, dalam nan hu 1 urang mboh pandiak, yuh la-an, prin tangin. Dua urang ini hu langyah chip, urak ini prein yava hu tani tanat.

Dah page ni (15/3), vaccine ka 2 kayua Việt Nam ngak hu ba tame klauk iek tukvak ka 1. Ni lac vaccine COVIVAC di Công ty vaccine saong sinh phẩm y tế Nha Trang ( IVAC). Bruk klauk iek meda kayua IVAC pambuak haong sang bac Đại học Y Hà Nội saong Viện Vệ sinh dịch tễ Trung ương peih ngak. Tui kuhria tukvak ka 1 meda klauk iek labaih 120 urang halain hatain khang kadang meng umo 18 tal 75 thun, parabha jeng 5 kapul. Tui kapul pasang iek vaccine COVIVAC caga Covid-19, hu yaok ribau urang halain hatain tut angan tame klauk iek vaccine.

Meng harei ini (15/3) tal harei 31/12, Cảnh sát giao thông dalam negar tabiak pasang iek, langyah urang peih radaih suan hukum tui kadha “Urang peih radaih angaok jalan bo dalam rup hu ma túy, menyum alak mbia” . Kadha praong di mbang ngak bruk ini, piah pacang caga, duah saong langyah catang bruk ngak suan di urang peih radaih bo dalam rup hu ma túy, hu menyum alak mbia. Mintri CA jeng hu panuac tacei brei pataom tame pasang iek, duah thau, ngak brei cambaih laih dom bruk radaih paoh gauk pambuak tal menuac peih radaih hu pandar ma túy, alak mbia saong langyah catang tui adat hukum.

Cục Kiểm lâm hu panuac brei thau, rilo gilai di dom tỉnh Nam bộ, Tây Nguyên saong Nam bộ daok mbuan khuah biak glaong. Tui nan, brei thau lac glai mbuan khuah di pakat 5, lac pakat biak mbuan khuah di abih ngan saong dom glai di dom tỉnh, ban yau ye: Khánh Hòa, Ninh Thuận, Bình Thuận, Kon Tum, Gia Lai, Đắc Lắc, Đắc Nông, Lâm Đồng saong Đồng Tháp, An Giang, Cà Mau. Tui kuhria, langik pandiak thu daok dui atah takik di abih lac dalam 10 harei, hu labik pandiak glaong abih meng 30 độ tal 36 độ C, bruk khuah gilai biak mbuan hu.

Harei ini (15/3), TAND TPHCM peih mbang langyah kaoh duas urang dahlau daih ngak Phaok akaok UBND TP lac ong Nguyễn Thành Tài, amuk Dương Thị Bạch Diệp haong 8 urang karei pambuak tal bruk ngak suan dalam bruk salih sang, taneh labik 57 Cao Thắng mek sang taneh ka 185 Hai Bà Trưng (Quận 3). Dom urang nan hu ba tabiak langyah ka duas “Kurang trách nhiệm ba tal khat lahik biak trak” saong “pachot, blah mek drap ar”. Dahlau di nan, bilan 9/2020, ong Nguyễn Thành Tài njauk TAND TPHCM kaoh 8 thun guk ka duas “ngak suan adat khik ramik, ba pandar drap ar karja ba tal khat lahik, palai pajoa” kayua pambuak tal bruk ngak suan jao, brei pah "taneh ameh" di labik 8 - 12 Lê Duẩn (Quận 1). Mbang langyah kaoh duas tui kuhria hu peih tabiak tal harei 19/3.

Dom chuyên gia Trung Quốc saong gah Y tế dunya (WHO) bahrau ni hu brei thau ka harak pathau khan di bruk pasang iek asal di jit praong Covid-19.  Tui nan, 1 janih virut biak dreih yau SARS-CoV-2 hu duah mboh di anek cim dhur saong tê tê min ka oh ginup kadha piah brei panuac tamat kayua dom anek athur yau ye cim dhur, tê tê, chồn meda lac anek athur ngak ka virut SARS-CoV-2 njom tapa manuac. Ndem ka panuac lac SARS-CoV-2 lac tabiak meng bilik ngak iek Vũ Hán, Trung Quốc, gah pasang iek brei thau lac bruk ni biak kan si rah tabiak”.

Takik di abih 39 urang metai pambuak tal bruk trun jalan khang di Myanmar harei 14/3, dalam tuk urang pan akaok karja di rahra bahrau hu panuac ieu jao ka rahra taneh ia ini quyền eng drei khik caga njauk adat hukum. Harei  13/3, takik di abih 13 urang trun jalan metai, lac sa dalam dom harei hu rilo menuac metai di abih kuhria meng di tuk rah tabiak bruk pajaleih karja di harei 1/2. Tui panuac khan di karja Myanmar, bruk thiết quân luật hu ba tabiak ngak chip di Hơ-leng-the-ri-a haong dom quận karei dalam pasak pablei salih di taneh ia ini.

Truyền thông Anh brei thau, Anh meda patagok bruk patakik akaok siu hạt nhân bo negar ni meda khik piah.Rajaei Anh kuhria brei thau ka bruk ni di harei page (16/3). Dalam harak taong yaom thun 2015, rajaei Anh bhian brei thau lac tal kreih piluh thun 2020 meda patrun akaok đạn hạt nhân daok 180 atau takik jang.Tui blah Daily Telegraph brei thau panuac di sa chuyên gia ka sarak hạt nhân brei thau, bruk dom akaok baoh sia tagok jang, mayah lac yau nan, nyu lac sa jalan nao cagar veik bruk yah klaak phao ndao hu rahtabiak dalam tani tanat hadei di bruk  mesuh matak la-an./.

Urang lang: Thu Thảo -Mousaphuong -15/3