Rahra hu nao blei pandap pak sieu thi 

Mesup ini (15/9), Quận 7 haong huyện Củ Chi – TP.HCM ngak iek bruk peih pabah mbang veik hu pasang iek. Tui Huyện ủy Củ Chi, dom xã “hijao” hu peih veik darak meng kan pablei pandap mbang saong pandap pandar yaok harei, bhap bini hu nao darak yaok adit sa mbang, hadei di harei 15/9 huyện pambuak bruk haong Sở Du lịch TP.HCM peih dom tour du lịch ravang me-in jalan lubang haluk Củ Chi, đền Bến Dược haong dom labik ngak pandap meng kaya nong di huyện. Daok di Quận 7, karja brei adat ka 151 doanh nghiệp, sang pablei salih gam haong 1.500 urang ngak hu ngak bruk veik.

Harei ini, Sở Y tế Ninh Thuận brei thau lac daok peih bruk klauk vaccine pacang COVID-19 mbang 5 dalam tỉnh, brei klauk pabak dahlau ka dom menuac ngak bruk tự do. Dalam mbang ini, Ninh Thuận hu Mintri Y tế brei 20.100 mbang vaccine Astra Zeneca, tukvak klauk meng harei ini tal harei 25/9. Lingiu dom labik klauk di dom pasak y tế huyện, ban sit saong labik klauk di tỉnh, tỉnh daok brei padang dom labik klauk di dom labik ngak kong. Tui Pasak Pasang iek ruak kik Ninh Thuận, dalam 4 mbang meng bloh, tỉnh hu parabha brei labaih 77.900 mbang vaccine, hu klauk mbang klauk ka  1 brei ka labaih 48.000 urang, mbang klauk ka  2 brei ka labaih 29 rabau menuac.

Sruh jit di sang iek ruak Tâm thần Trung ương 2 (TP.Biên Hòa, tỉnh Đồng Nai) bahrau hu gac 41 urang njom COVID-19. Dahlau di nan, sruh jit ini hu 235 urang ruak haong 8 menuac ngak di nan dương tính haong virus SARS-CoV-2. Lingiu di nan daok hu rilo urang njauk COVID-19 di dom sang trọ dalam labik pacang veik, dalam dom doanh nghiệp ngak bruk tui jalan "3 di labik", rilo abih lac di TP. Biên Hòa haong dom huyện: Trảng Bom, Nhơn Trạch.

Mesup ini (15/9), Bình Dương peih ngak adat tame thun bac bahrau 2021-2022 di sang bac THPT chuyên Hùng Vương (ban sit Thủ Dầu Một), hu papar binguk tapak angaok rayo papar binguk di tỉnh. Kayua jit ruak rah tabiak srau kadau, thun ini, anek saih Bình Dương bac online dalam bilan 9 haong bilan 10; daok pakat mầm non oh brei bac online. Bình Dương oh mek jien bac học kỳ I ngan saong dom labik pato di karja, oh tagok yaom jien bac di dom labik pato langiu karja.

Tui bruk pilih ruah anek saih di Mintri Pato Megru, meng mon 4 meteh tal mon 5 meteh biar harei 15/9, dom sang bac đại học brei ngak salah bruk halang ảo, pilih ruah mbang ka 6 (lac mbang puac di abih) piah ba tame saong brei thau điểm chuẩn haong angan anek saih hu pilih ruah tui jalan iek tui điểm pakacah tamat THPT 2021. Tui Mintri Pato Megru, abih tih anek saih tut angan pilih ruah đại học tui jalan iek tui điểm pakacah tamat THPT thun ini, lac 795.353 anek saih, abih chỉ tiêu pilih ruah meblah 45% abih tih chỉ tiêu dalam taneh ia.

Gah Y tế Dunya (WHO) brei thau, urak ini oh njauk lac tuk piah pandar passport vaccine COVID-19, abih di nyu nan lac jhui iek bruk nan lac bruk piah brei nao mai kayua kurang bruk pabak vaccine samu gauk. WHO meda ngak bruk haong dom taneh ia daok roh duah passport vaccine piah meda hu sa jalan ngak yau gauk meyah njauk ba tabiak bruk passport vaccine, jeng yau pasang iek tukvak lagaih piah ba tame pandar.

Hadei di Moderna, Japon hu mboh janih hagait karei dalam vaccine Pfizer, bruk nan rah tabiak di dom labik klauk di 2 tỉnh Kanagawa haong Osaka harei 14/9, dom janih hagait karei nan hu mboh dalam 5 klaok vaccine COVID-19 oh ka pandar di Pfizer. Dom klaok karei dalam lô vaccine nan oh hu hagait karei nan ye daok brei pandar. Bilan dahlau, Mintri Y tế Japon brei padeih pandar 1 triệu 630 rabau mbang vaccine COVID-19 di Moderna hadei di tuk mboh janih hagait karei dalam rilo klaok vaccine.

Kapul dom urang dang akaok liên quân Hàn Quốc ndom lac Triều Tiên mesup ini cuh 2 baoh tên lửa đạn đạo tabiak tasik Japon. Bol lin Hàn Quốc daok caga pacang yaok bruk rah tabiak saong daok pambuak bruk khang kajap haong Mỹ. Bruk ngak iek tok rah tabiak dom harei hadei di tuk Triều Tiên khan lac ngak iek hu jak jeng dom tên lửa jalan atah rai bahrau. Dom urang gah hạt nhân dang akaok di Japon, Mỹ haong Hàn Quốc harei kabroi jeng hu taom gaok gauk di Tokyo (Japon) piah ginum biai bruk angaok bán đảo Triều Tiên./.

Urang lang: Mousaphuong: 15/9