Abih bangsa Việt Nam ba gauk kham merat pacang caga jit, khik kajap ASXH, siam mekre salamat ka bhap bini

Mesup ini (1/9), urang pan akaok Đảng, Karja Việt Nam peih ngak dalam praong prang bruk pahadar 76 thun Harei Negar (2/9/1945 – 2/9/2021). Thủ tướng Rajaei Phạm Minh Chính ndom lac: dalam 76 thun tapa, Đảng, Karja haong bhap bini Việt Nam oh padeih dang tagok mesruh khik caga độc lập, quyền ngak po, yasa taneh ia, quyền eng drei tabiak bruk di bangsa saong quyền tự do, haniemphul di bhap bini. Harei ini, mala bruk pan akaok ba jalan di Đảng Cộng sản Việt Nam, abih bangsa Việt Nam ba gauk kham merat ngak 2 bruk praong lac pacang caga jit hu siam lagaih saong pasiam, patagok KTXH, khik kajap ASXH, siam mekre salamat ka bhap bini.

Harei ini (1/9), yaok triệu anek saih dalam taneh ia tame thun bac bahrau dalam tuk jit COVID-19 daok tamuh khang. Tui bruk di palei, anek saih nao tal sang bac atau bac online. Di TP.HCM, jaik 700.000 anek saih meng tal 6 tal tal 12 harei ini yam tame thun bac bahrau. Tui Sở pato megru, meng harei 1 tal harei 4/9 dom sang bac THCS, THPT pataom tame tacei jalan bac da-a lagaih ka anek saih, padang jalan pato saong bac angaok Internet. Di Hà Nội, harei ini, labaih 2 triệu anek saih mầm non haong phổ thông jeng tame thun bac bahrau tapa online. 

Mintri LĐTB&XH bahrau hu harak payua UBND dom tỉnh, ban ka bruk peih Tết Trung thu thun 2021 ka uraniah. Mintri ieu dom tinh ban ba tabiak ngak sarak daong ka urang ngak daok metian, raong anek sit mala 6 thun saong uranaih gaok kan kandah kayua Covid-19 tui Sarak 68 di Rajaei haong Sarak 23 di Thủ tướng Rajaei. Abih di nyu lac, peih ngak dom jalan khik kajap salamat ka uranaih njom ruak, njauk ba nao daok karei, uraniah oh hu amaik ame saong gauk gar iek glang kayua jit praong Covid-19.

Mesup ini (1/9), 3 lô vaccine hu labaih 2 triệu mbang AstraZeneca hu mai tal mblang kapal haoh Tân Sơn Nhất, TP.HCM. Ini lac mbang jao vaccine praong abih meng dahlau mai tui harak pambuak bruk kakei blei 30 triệu mbang di Cty cổ phần Vaccine Việt Nam (VNVC) haong AstraZeneca hu bruk daong di Mintri Y tế.  Tal urak ini, harak pambuak bruk di VNVC ba mai ka Việt Nam labaih 10 triệu mbang AstraZeneca.  Dom vaccine ini oh mbang laba, samar hu ba brei ka Mintri Y tế piah ba nao dom tỉnh ban klauk pacang ruak ka bhap bini.

Gah CSĐT Công an tỉnh An Giang bahrau khởi tố 17 urang dalam jalan talei me-in mbia labaih 2.000 tỷ đồng di TP Long Xuyên kayua Nguyễn Thị Thủy Liên, 62 thun pan akaok. Ini lac vụ án praong, yaok rituh urang hu mbaok tame dalam tukvak atah. Tapa pasang iek 1 tài khoản di amuk Liên, tok kuhria meng akaok thun 2021 tal tuk cap mek, yaom jien me-in mbia tagok tal labaih 50 tỷ đồng. Urak ini hu 70 tài khoản pambuak tal bruk ini njauk pacang veik.

Gah Y tế dunya (WHO) brei thau lac daok tui iek catang 1 janih biến thể bahrau hu angan lac Mu, meda pacang hu vaccine. WHO urak ini mboh hu 4 biến thể COVID-19 biak huac, dalam nan hu Alpha hu mboh di 193 taneh ia saong Delta hu mbaok di 170 negar. 5 biến thể ini, kuhria gam Mu, daok hu gah y tế dunya pasang iek catang. Hadei di tuk mboh di Colombia, Mu hu mboh di dom taneh ia Nam Mỹ karei haong di châu Âu.

Prang daok ba tabiak bruk klauk vaccine COVID-19 mbang 3 ka jaik 18 triệu menuac di akaok thun 2022. Rajaei Prang brei thau, jaik 72% dom menuac sia di taneh ia ini hu klauk 1 mbang vaccine COVID-19. Urak ini dom taneh ia daok klauk mbang 3 ka rahra. Min oh ka hu bruk njauk gauk di dom urang ilamu jeng yau dom jabat karei pambuak tal ka bruk njauk klauk mbang 3 halei oh. Rilo chuyên gia y tế ndom lac mbang klauk vaccine ka 3 oh ka mboh lagaih, njauk pataom tame pabak vaccine ka dom taneh ia kan kathaot jang.

Israel daok dang akaok dunya ka dom menuac njom COVID-19 kuhria tui akaok menuac, tui roh duah di Sang bac ĐH Oxford (Anh). harei 31/8, Israel hu menuac njom bahrau rilo di abih hadei di 24 mon, lac jaik 11 rabau menuac. Piah pacang cakak bruk njom mbak di biến thể Delta, Israel daok brei klauk pabak ka rahra umo mangaok 12 thun hu klauk ginup dahlau di nan takik di abih lac 5 bilan. Ini lac taneh ia hu menuac klauk jru ginup dang akaok dunya saong tok pandar vaccine Pfizer./.

Urang lang: M. Phuong – 01/09 16:12:34